Презентация на тему Минем гаил? Б?ек Ватан сугышы елларында


Минем гаиләм Бөек Ватан сугышы елларында Салихова Алия ИлсуровнаЯр Чаллы шәһәре 19 нчы мәктәп 6А сыйныфыҖитәкчесе: Насирова Гөлнара Габдулла кызы 1941 ел.. Сугыш.. Бу сүзләрне ишеткәч,йөрәккә кан сала, күңелгә салкын йөгерә.. Күпме түгелгән күз яше, күпме югалту китерде бу сугыш. Күпме бер гөнаһсыз кешеләр эзсез югалды, күпме улларын күмде ҖИР-АНА. Еллар уза, яңадан җәй, көз, кыш, яз килә, ләкин йөрәк яралары гына тынычлык бирми. Галиуллин Зәкәрия Вәлиулла улы1927-1946 Усал җилләр Әлмәт районының Яңа Надыйр авылына да кагылмый узмый. Сугыш елларында 550 авылдаш фронтка китә, ләкин 223 генә туган якларына кире әйләнеп кайта.Бу 550 санына яшь егетләр дә керә, алар әле ата да белмиләр, ату түгел, күбесе автоматны да күргәннәре булмаган. Алар матур киләчәк турында хыялланып яшәгән вакыт. Бу каһәр сугыш барысын да сызып ташлаган. 1944 елда Галиуллин Вәлиулла гаиләсеннәндә 4 нче улы Зәкәрия (минем бабам) дә сугышка китә. 18 яшьлек егет яшьтәшләре арасында үзенең кешелеклеге белән аерылып тора. Кичләрен Зәкәрия тальяны белән урам уртасыннан уйнап узса, әбиләр дә елыйлар иде..Менә яшь йөрәк алдында, дөньяның ямен дә татымаган бала алдына бик җаваплы мәсьәлә килеп басты – илне яклау, үз гаиләңне, якыннарынны яклау. Үзенең яшьлегенә карамастан, Зәкәрия туган илен яклый, һәм Җиңү килә. Мондый бәхетне сүз белән генә әйтеп бетереп булмый һәм Зәкәрия гармун ала. Күңелгә үтеп керерлек татар моңнарын хәтта башка милләтләр дә тыңлый. 1946 нчы ел..Зәкәрия Галиуллинның полкы Украинада фашистларга каршы көрәшә. Командир солдатларга Днепрның икенче ярына йөзеп чыгарга һәм анда качып калган төркемне юкка чыгарырга боерык бирә. “Кем шуны эшли, шуңа туган ягына кайтырга рөхсәт бирәм”- ди. Беренче булып Зәкәрия үзенең кыюлыгы белән чыга. Караңгы төндә алар көймәдә ярның икенче ягына йөзәләр. Дошман да йоклап ятмый, аларны сизеп, ата башлыйлар. Зәкәриянең җилкәсенә эләгә.Көймә бата башлый.Алга йөзәргә файда юк, артка йөзәргә бик ерак. Солдатлар бер-берсенә ярдәм итәләр, ләкин барысы да яр буена хәтле йөзеп чыга алмый. Җилкәсе яраланган Зәкәрия дә йөзеп чыга алмый. Аның гәүдәсен 3 көннән соң табып, Украина җиренә күмәләр. 20 яше дә тулмаган егетнең гомере шунда өзелә, тальян җыры да өзелә.. Ә музыка мәңгелек...Хәзер аның көйләрен Надыйр авылында гына түгел, Казан да, Мәскәүдә дә, Украинада да тыңлыйлар. Бу минем бабамныңГалиуллин ЗәкәрияВәлиулла улының орден китабы Минем әнием бүгенге көнгә кадәр бабайны искә ала.Мин үземнең бабаема рәхмәтлемен, чөнки ул безгә тынычлык бүләк иткән. Без, бүгенге яшьләр һәм киләчәк буын кешеләре, бу вакыйга турында онытырга тиеш түгел...Шартлау тавышларын, атышларны ишетмичә яшәргә язсын иде. Киләчәктә җир йөзендә сугышлар кабатланмасын!!! . Кан коюлы сугышларны кабат кешеләр күрмәсеннәр.Өлкәннәр дә, сабыйлар да Шат яшәсеннәр!