М?тіндік процессор туралы жалпы ма?л?мат. Программаны? интерфейсі

Сабақтың тақырыбы: Мәтіндік процессор туралы жалпы мағлұмат.
Программаның интерфейсі
Сабақтың мақсаты:
Microsoft Word мәтіндік процессорының мүмкіндіктерімен таныстыру
Сабақтың көрнекілігі: компьютер, экран,проектор,слайдтар, түсіндірмелі плакаттар
Сабақтың әдістері: түсіндіру, сұрақ-жауап, көрнекілік қолдану, тәжірибелік әдіс
Өтілетін орны: информатика сыныбы
Оқушылар білуі тиіс: «мәтіндік процессор» түсінігін; мәтіндік редактордың мәтіндік процессордан айырмашылығын, Microsoft Word экраны элементін және оның пайдалануын, құжаттарды сақтаудың тәсілдерін
Оқушылар үйренуі тиіс: ақпаратты оқи білуді, процессор терезесі элементерінің пайдаланылуын анықтауды, ашық терезелерге көшуді, құжатты қараудың масштабын өзгертуді құжатты ашуды, сақтауды
Сабақтың барысы
I Ұйымдастыру кезеңі
II Сабақтың мақсаты мен міндеттерін қою
III Үй тапсырмасын тексеру
IV Алдын ала дайындық жүргізу
Мұғалім MS Word процессоры мүмкіндігін көрсететін құжаттарды басып шығарып, құжаттар саны сыныптағы жұмыс тобы санына болуы керек. Сонымен қатар сонша кесте санын дайындау керек/кестелер мәтін соныңда берілген/
V Жаңа сабақты оқып-үйрену
Мәтіндік процессорлардың міндеті
Мәтіндік редактор, мәтіндік процессор және олардың айырмашылығы түсінігіне ерекше назар аудару қажет.
Оқушылар мәтіндік процессордың құжаттарды теру, басып шығару, редакторлау, графикалық процессордан суреттер қосу сынды көптеген мүмкіндіктерімен таныс.
Мұғалім басып шығарылған әртүрлі құжаттарды көрсетеді, оның ішінде сызба, суреттер, көпбағанды мәтіндері барлары да қамтылған. Мұғалім MS Word процессорының барлық мүмкіндіктерін көрсететін құжаттар дайындауы керек.
Мұғалім:
Балалар! Сендер Microsoft Word мәтіндік редактордың жасалған құжаттарды көрдіңдер. Оқу жылы көлемінде сендер өз беттеріңмен осындай құжаттар жасауға үйренесіңдер. Жалпы MS Word процессорның мүмкіндігі өте үлкен. Сондықтан дербес компьютерді пайдаланушылар арасында танымалдыққа ие болды. Кез келген операцияны жүргізуде бірнеше тәсілдің біреуін таңдау қажет. Сонымен қатар процессор кез келген сұраққа жауап беретін үлкен анықтамалық жүйені де қамтиды.
Microsoft Word экраны
Шағын топтармен жұмыс.Сыныптан екі оқушы сарапшылыққа таңдалады, /білімдері мықты оқушылар/ Сыныптың қалған оқушылары топтарға бөлінеді. Әр топқа WordPad мәтіндік процессор экранымен парақтар таратылады. Сондай парақтар сарапшыларға да беріледі. Оқушылар оқулықтағы Microsoft Word терезесі құрылымы суретін ашады. Мұғалімге қосымша сараптамалық кесте парақтарын да дайындап қою керек.
WordPad MS Word
Бірдей элементтер Жаңа элементтер «Жоғалған» элементтер Өзгерген элементтер Мұғалім топта екі экранның салыстырмалы сараптамасын жасау үшін бірнеше минут уақыт береді.Сараптама жасаудың негізгі міндеттері:
Бірдей элементтерді табу
MS Word экранында жаңа элементтерді табу
«Жоғалған» элементтерді табу
Өзгерген элементтерді табу
Әр топ сараптамалық кестеден өз нәтижелерін оқиды. Содан кейін сарапшылар қорытынды шығарады.Алынған нәтижелер негізінде мұғалім жалпы қорытынды жасайды. Егер бір топ дұрыс сараптама жасаса, оның нәтижесін жұмыс дәптеріне енгізуге болады.
Құжатты сақтау
Оқулық материалы бойынша өткізіледі
VI Бекіту
Мәтіндік процессорда тапсырмаларды деңгей бойынша орындау.
А деңгейінің тапсырмасы мәтін теру, әртүрлі тәртіпте жұмыс істеу, мәтінді бояу, ақпарат алу, құжатты сақтау дағдысын қалыптастыруға ықпал етеді.
В деңгейі мәтін теруде болсын, тапсырма орындауда болсын күрделі болып келеді
С деңгейінің тапсырмасы мәтін теруді қажет етпейді, бірақ әртүрлі көздерден құжаттарды алып рәсімдеу дағдысын қалыптастырады.
VII Қорытындылау
Мұғалім:
-Сендер жаңа программа-мәтіндік процессормен танысып, онымен жұмыс істеуді бастадыңдар.
·Қандай ерекшеліктерді кездестірдіңдер?
· Не нәрсе ыңғайсыз болды?
· Бұрын сендер жұмыс істеген басқа программалардан қандай басымдылығы бар?
·Бұл программа туралы тағы не білгілерің келеді?
VIII Үйге тапсырма
§16 –ты оқу, бақылау сұрақтарына жауап беру
Тексеру сұрақтарының кілті:
1 2 3 4 5 6
С D В А А D