А?ылдылар мен к??ілділер жарысы
С.Бердіқұлов атындағы орта мектеп мектепке дейінгі шағын орталығымен КММ
Ақылдылар мен көңілділер сайысы!
2 «А» сынып
Аргимбаева С.К
Ұзынағаш
Ақылдылар мен көңілділер сайысы
Мақсаты: Оқу іс-әрекетінің әр саласынан білімдерін кеңейту. Балалардың ой- өрісін, қиялдарын дамытып, шығармашылық қабілеттерін қалыптастыру. Сөздік қорын молайту. Сыйластыққа, ұжымшылдыққа тәрбиелеу.
Көрнекілігі:
нөмірленген асықтарслайд бейнепроекторүнтаспа
құрастыру құралдары.
Тәрбиеші:
-Армысыздар, құрметті қонақтар!
Күндей жадырап,жұлдыздай жарқырап,
Судай мөлдір, таза көңілмен бүгінгі
«Ақылдылар мен көңілділер» –сайысын ашық деп жариялаймын.
Ортаға 1-ші «Достар» тобын, 2-ші «Тұлпар» тобын шақырамын.
Мұғалім:
- Сайысымыз 6 бөлімнен тұрады.
1-ші бөлім: Екі топ басшыларын таныстыру.
2-ші бөлім: Бәйге, сұрағын оқимын,сендердің сұраққа жауап берулерің, шапшаңдықтарың белгілі болады.
3-ші бөлім: Тапқырлар сайысы.Қойылған сұрақтарға жауап беру.
4-ші бөлім: Бейнетаспадағы тапсырма. Қай ертегіден үзінді?
5-ші бөлім: Құрастыру.Бір затты екі тәсілмен құрастыру.
6-шы бөлім: Полиглоттар. Ағылшын тілінде сөздік жұмыс.
Сайысымызды бастамас бұрын әділқазылар алқасымен таныстырамын.
Әділқазылар алқасы қонақтардан сайланады.
Әділқазылар мүшесінің төрайымы:
Көмекшілері:
Енді жеребе тастайық. Ендеше, мына қоржынның ішінен нөмірленген асықты алып сайысты қай топ бастайтынын білейік.
1-ші бөлім: Екі топ басшыларын таныстыру «Достар» тобы ұраны:
Достар бірге жүреміз,
Бірге ойнаймыз, күлеміз.
Бірге сабақ оқимыз.
Міне,біздер қандаймыз!
Бөлінбейді іргеміз,
Әрқашанда біргеміз.
«Тұлпар» тобына бізден жалынды сәлем!
«Тұлпар» тобы ұраны:
Шын жүйріктер сыналады жарыста,
Жарыстың ба, орта жолда қалыспа.
Тұлпарша жүйткіп шабатын,
Тұлпар тобы – жарыста.
«Достар» тобына бізден жалынды сәлем!
Мұғалім:
- Кімдер жүйрік, білімпаз біз білейік.
Бақшамыздың жеңімпазы деп жүрейік.
Қазылардан тек қана әділдікті,
Ал сайыскерлерге сәттілік тілейік!
/Балалар өздерін таныстырып болған соң, дөңгелек үстел басына отырады./
1-ші «Достар» тобының сұрақтары.
2-ші бөлім: Бәйге, сұрағын оқимын, сендердің сұраққа жауап берулерің, шапшаңдықтарың белгілі болады.
Есеп:
Қай сан көп 5 немесе 7? / 7/
Бүтін көп пе бөлік көп пе? /бүтін/
2+6 қосындысы? /8/
Дөңгелек бұрыштарымен болады ма? /жоқ/
7-1 айырмасы? /6/
Қоршаған дүниемен таныстыру.
Қыста қай аңдар ұйықтайды? / қоңыр аю, кірпі/
Ақтау қаласы қай теңіздің жағасында орналасқан? /Каспий/.
Байланыс құралдарын ата? /телефон, компьютер, факс, хат, құттықтау хаттары/.
Бейбітшілік құсын ата? /ақкөгершін/
12 ай нені құрайды? / жыл /.
Сауат ашу.
Дыбыс дегеніміз не? /Дыбысты естиміз, айтамыз/
Сөйлемдердің соңында қандай белгі тұрады? / нүкте/
Әріп дегеніміз не? /дыбысты таңбалайтын таңба/
Сөз ойла. /дыбыстық талдауға сөз ойла - таға, бақа ..../
Бейне таспадағы сөзді буынға бөліп оқып бер. /Достар/
3-ші бөлім. Тапқырлар сайысы.
Үстел үстінде 2 алма, 2 алмұрт жатыр, үстел үстіндегі көкөністердің санын айт? /жоқ/
Кесе, қазан, сандық, қасық, тәрелке, құман –аталған заттардың қайсысы ыдысқа жатпайды? /сандық/.
Әкеңнің әкесі кім? /Ата/.
Қадай жыртқыш аң құлпынаймен қоректенеді? /аю/.
Үстел үстінде 3 кесе қант тұр, соның 2-ін төгіп алды. Үстел үстінде неше кесе қалды? / 3 кесе/
Адам не жетіспегенде өмір сүре алмайды? /ауа/
Әжейдің немересі Айгүл, күшігі Ақтөс,мысығы бар.Әжейдің неше немересі бар? /бір немересі/
Ертегідегі бауырсақтың шашының түсі қандай? /жоқ/
Бос ыдыстың ішінде неше жаңғақ бар? / Жоқ/.
Тасбақа барлығынан озып шығады дейді. Осы рас па?/жоқ/
Мұғалім:
-Көңіліміз қаласа,
Сыртқа шығып таласа.
Қар лақтырып ойнаймыз.
Қыстың күні тамаша.
Сергіту сәті: «Қатып қал»
Дәрумендік үзіліс. ( алма тосабын ішу)
4-шы бөлім. Бейнетаспадағы тапсырма.
1-ші тапсырма: Оқыған үзіндіден ертегінің атын табу.
-Қарлығаштың амалы таусылып, шырылдап ұшып келе жатқанда Дәуітті кездестірді.
- Сүйкімді достым, неге зарлана жылайсың?-деп сұрады Дәуіт Қарлығаштан. /Қарлығаш пен Дәуіт/
2-ші тапсырма: Мақал мәтелді аяқта. Дені саудың, /жаны сау/
5-ші бөлім. Үлгіге қарап бір затты екі тәсілмен құрастыру.
6-шы бөлім. Полиглоттар. Ағылшын – қазақ –орыс тілдерінде
2-ші «Тұлпар» тобының сұрақтары.
2-ші бөлім: Бәйге, сұрағын оқимын, сендердің сұраққа жауап берулерің, шапшаңдықтарың белгілі болады.
Есеп.
7 санына байланысты қандай ұғымдар бар? /жеті киелі сан/
Қай пішінге 4 -деген сан лайық? /шаршы, төртбұрыш/
Аптаның үшінші күні қалай аталады? /сәрсенбі/
7+3 қосындысы? /10/
5 санның көршілерін ата? / 4-6/.
Қоршаған дүниемен таныстыру.
Біздің Республикамыз қалай аталады? /Қазақстан/
Тиін немен қоректенеді? /жаңғақ/
Сиыр – бұзау, жылқы –құлын, ешкі - ?/лақ /
Бағдаршам не үшін қажет? /жол тәртібін реттеу үшін/
Сен қай балабақшаға барасың? /«Дарын» гимназиясына/
Сауат ашу
Ата сөзінде неше буын бар? /екі/
Қай сөздер бас әріппен жазылады? /адамның есімдері, қаланың аттары/
Дыбыстар нешеге бөлінеді? /екіге/
Сөз ойла. /дыбыстық талдауға сөз ойла - тан, нан, лақ ..../
Бейне таспадағы сөзді буынға бөліп оқып бер. /Ана/
3-ші бөлім. Тапқырлар сайысы.
Табақта үш алма, қолымда екі алма. Қосқанда барлығы, болады неше алма? /бес алма/
Кітап неден жасалған? /қағаздан/
Анаңның анасы саған кім болады? /Әже/
Екі қойдың неше аяғы бар? /8/
Кітап, дәптер, тон, қалам, қарындаш – аталған заттардың қайсысы оқу құралына жатпайды? / тон/
Екі қолымызда неше саусақ бар? /он саусақ/.
Үйге келді Мадияр, оған қоса Алдияр, кейін келді Адина. Қанша болды үйде бала? /Үш бала/
1 жұмыртқа 3 минутта піседі, ал 4 жұмыртқа неше минутта піседі? /3 минутта/
4 санның құрамын ата? / 2+2, 3+1, 0+4/
Біздің ғаламшарымыз қалай аталады? / Жер/
4-шы бөлім. Бейнетаспадағы тапсырма.
1-ші тапсырма: Оқыған үзіндіден ертегінің атын табу.
Баласы көшеге шығысымен-ақ шақыр деген кісілердің аты-жөнін ұмытып қалады. Үйге барып, қайыра сұрауға бата алмайды. Ол тұрып-тұрып: «Ауылдың адамын тегіс шақырайын, солармен шақыр деген адамдары да келер»,-деп ойлады. /Қайырымды қоян/
2-ші тапсырма: Мақал-мәтелді аяқта.
Денсаулық - /зор байлық/
5-шы бөлім. Үлгіге қарап бір затты екі тәсілмен құрастыру6-шы бөлім. Полиглоттар. Ағылшын – қазақ –орыс тілдерінде
Мұғалім:
- Құрметті қонақтар, бүгінгі сайысты жабық деп жариялай отырып, балалардың орындауында «Бақшадағы достарым» әнін қабыл алыңыздар.
Балл санау. Қорытындылау. Марапаттау.