Т?уелсіздік к?ніне арнал?ан интеллектуалды танымды? ойын

«Желтоқсан желі» атты мерекелік шара аясында өткізілген викторина сценарийі.
1-жүргізуші:
Армысыздар, құрметті ұстаздар, оқушылар және қатысушылар! Бүгінгі Тәуелсіздігіміздің 25 жылдығына арналған «Желтоқсан желі» атты мерекелік шарамызға қош келдіңіздер!
Тәуелсіздік - ең басты құндылығымыз. Тәуелсіздікке қантөгіссіз, бейбіт түрде қол жеткізгеннен кейін ғана елімізді әлемнің өркенниетті мемлекеттерінің қатарына қоса алдық. 25 жыл ішінде тәуелсіз Қазақ елін қалыптастырып, нарықтың қиын өткелектерінен аман өткізіп келеміз. Осы кезеңде Қазақстанды ең мықты мемлекеттер танитындай, сыйлайтындай деңгейге жеткізген тұңғыш президентіміз Нұрсұлтан Назарбаевтай көреген саясаткердің ерен еңбегін дәл бүгін және әрқшанда айтып өтеміз.
Тәуелсіздік күні еліміздің барлық азаматтары үшін орны ерекше мереке деп білеміз, себебі, осынау жүрекжарды қуанышқа толы күнді ата-бабаларымыз ғасырлар бойы армандап, күтумен өтті.
2-жүргізуші:
Армандарды жақындатып тым алыс,
Біздің жаққа жеткен екен жылы ағыс.
Егемендік - ел бақыты, ертеңі,
О, халайық! Құтты болсын қуаныш!
Азат өлкем күндей күлген шығыстан,
Асыл елім жан - жүректі ұғысқан.
Ата бабам аңсап өткен бақытым,
Айналайын, Қазақстан - Гүлстан!
Мемлекеттік гимн
1-жүргізуші:
Желтоқсан – заман толғағы байтақ даланың,
Шарпыған сәті үміт пен күдік қаланың
Желтоқсан – Қайрат, Ләззат, СабираҚұрбаны болған жаланың
Ал қоғамның адамнан бар ма асылы,
Кеткенде жоқ құлақтан зар басылып,
Бұғаудағы боздақтары кете барды
Бірі атылып, ал бірі дарға асылыпЖелтоқсан оқиғаларына байланысты презентация
1-жүргізуші:
Қасиетті Қазақстан мекенім,
Ақиқаттың алтын бесігі екенсің.
Елім, жерім, Отаным – бақ-дәулетім,
Болашағым, өнер-білім, өркенім.
Ал, енді еліміздің болашағы, мектебіміздің өнерлі және білімді 7-8 класс оқушыарының арасында өткелі жатқан интеллектуалды-танымдық ойнымызды бастайық.
Ойын 6 кезеңнен тұрады: «Қазақстан туралы», «Рәміздер», «Тіл туралы», «Біздің мерекелер», «Есімдер»,
2-жүргізуші:
Кең байтақ, көз жетпейтін жерім менің
Таулы орман, жасыл жайлау көлім менің
Бүгінде бар әлемге даңқың жетті
Тәуелсіз Қазақстан – елім менің –демекші, бірінші кезеңіміз «Қазақстан туралы» деп аталады. Әр топ аталған тақырыпқа берілген сұрақтың санын таңдайды. Әр сұраққа бір балдан беріледі.
1-жүргізуші:
1. Қазақстан Республикасы қандай мемлекет? (Тәуелсіз)
2. Қазақстан Республикасы қай жылы өз егемендігін алды? (1991)
3. Ең алғаш қазақ елінің астанасы қай қала болған? (Орынбор, 1920-1925 ж.ж)
4. Қай жылы еліміздің астанасы Ақмола қаласына көшті? (1998)
5. Алматы қаласының бұрынғы атауы. (Верный)
6. Қазақстанда қанша ұлт өкілдері тұрады? (130-дан астам)
2-жүргізуші:
Келесі кезең «Рәміздер» деп аталады.
1.Қазақстан Республикасының рәміздерін атаңдар. (Ту, Әнұран, Гимн)
2. Мемлекеттік гимннің авторлары кім? (Жүмекен Нәжіметдинов пен Нұрсұлтан Назарбаев, әнін жазған-Шәмші қалдаяқов)
3.Тудың авторы кім? (Шәкен Ниязбеков)
4. Қазақстан Республикасының мемлекеттік туы қай жылы қабылданды (1991)
5. Гербтің екі жағын не көмкерген? (Қанатты пырақтар)
6. Мемлекеттік Гербтің авторлары кім? (Шота Уәлиханов пен Жандарбек Мәлібеков).
1-жүргізуші:
«Тіл-алтын қазына» дегендей келесі кезең «Тіл туралы»
1. ҚР мемлекеттік тілі қай тіл?(Қазақ тілі)
2. Қазақ әліпбиінде неше әріп бар? (42)
3. Қазақ тілі қандай тілдер тобына жатады ?(Түркі)
4. Тілдер мерекесі қашан тойланады? (22 қыркүйек)
5. Қазақ тілінде неше септік бар?Оларды атаңдар. (7)
6. Сөз таптары нешеу? (9)
2-жүргізуші: Мемлекеттік мерекелерді білесізбе? Олай болса, келесі кезеңге көшейік. «Біздің мерекелер»
1. 30-шы тамызда қандай мереке тойланады? (Конституция күні)
2. Наурыз мерекесі қай күні тойланады? (22 наурызда)
3. Отан қорғаушылар күні қашан тойланады? (7 мамыр)
4. 16-шы желтоқсанда қандай мерекені тойлаймыз? (Тәуелсіздік күні)
5. Астана күнін қай күні мерекелейміз? (6 шілде)
6.Қазақстан халықтарының бірлігі күні қашан тойланады? (1 мамыр)
1-жүргізуші: Келесі кезеңіміз «Есімдерге» байланысты
1. Қазақстанның тұңғыш президенті кім? (Н.Ә. Назарбаев)
2. Қазақстанның бірінші ғарышкері кім? (Тоқтар Әубәкіров)
3. ҰОС батыры, біздің жерлесіміз. (Әлия Молдағұлова)
4.Қазақтың Ұлы ақыны. (Абай Құнанбаев)
5. Қазақ халық ертегілерінің кейіпкерін атаңдар. (Алдар -Көсе)
6. Бірінші қазақ спортшысы, Олимпиада чемпионы кім?(Жақсылық Үшкемпіров)
2-жүргізуші:
«Мақал-сөздің мәйегі» демекші алтыншы кезеңімізді мақал-мәтелдер кезегіне берейік.
«Мақал-мәтелдер»
Слайдтағы суреттерге қарап, мақалды айту. Бұл кезеңде қай топ мақалды бірінші айтады, сол топ бір ұпайды иеленеді.
Оқу-инемен құдық қазғандай.
Кітап-білім бұлағы.
Білім-алтын қазына.
Мектеп-кеме, білім-теңіз.
Ас атасы-нан.
Білекті бірді жығар, білімді-мыңды жығар.
1-жүргізуші: Осымен ойынымыз аяқталды, қазылар алқасы өз шешімдерін шығарғанша көрермендермен викторина өткізейік.
1. Қазақстан Республикасының бұрынғы астанасы қай қала?
2. Қазақстанның рәміздерін атаңдар
3. Республикамыздың президенті кім?
4. Қазақстанның мемлекеттік тілі қай тіл?
5. Қазақстанның туы қандай түсті?
6. Әнұранның авторы кім?7. Елтаңбада не бейнеленген?8. Қазақстанның үлкен қалаларын ата.9. Қазақстанның белгілі спортшылары кім?10.Наурыз мерекесі қашан тойланады?
Қазылар алқасы өз шешімдерін жариялайды. Жеңімпаздарды марапаттайды.
2-жүргізуші:
Тәуелсіздігіміздің 25 жылдығына арналған «Желтоқсан желі» атты мерекелік кешіміз өз мәресіне де келіп жетті.
1-жүргізуші:
Қазақ елім!
Туды жастық дәуірің.
Алғандайсың жұлдызыңның жарығын.
Тәуелсіздік құтты болсын, қымбаттым,
Туған күнің құтты болсын, алыбым
Тәуелсіздігіміздің тұғыры биік, халқымыздың еңсесі жоғары, егемендігіміз баянды болсын деп тілейік, ағайын.
Келесі кездескенше сау саламатта болыңыздар!