Урок тренинг по психологии в колледжах и школах
Щапов орта жалпы білім беретін мектебі
Тақырыбы:
«Мамандық – жетістік мерейі»
(психологиялық тренингтік сабақ)
Өткізген: психолог Махуова Г.Е.
2015 ж
Тақырыбы: Мамандық –жетістік мерейі.
Мақсаты:
Мамандықтар жайлы білімдерін толықтыру.
Мамандықта бағдарлана білуді дамыту.
Мамандықты таңдауда жауапкершілік сезімін тәрбиелеу.
Өткізу барысы:
Сынып екі топқа бөлінеді. Әр топта 6 оқушыдан болады. Топтың атын құрады. Әділ-қазылар сайланады. Әрбір дұрыс жауап үшін белгіленген ұпай беріледі. Ең көп ұпай жинаған топ жеңімпаз атанады.
- сәлеметсіздер ме, құрметті ұстаздар, оқушылар! Бүгін біз сіздермен мамандықтар әлеміне саяхат жасаймыз. Ойынымыз 4 раундтан тұрады. «Ойшылдар» интеллектуалды ойынына қош келдіңіздер!
1 раунд
«Әріптер» ойыны (А,М,С,Т)
Нұсқау: екі топ бірәріпті таңдап алад да, сол әріптен басталатын мамандық атауын айтып жарысады. Ең көп тапқан топқа 100 балл, ал қалып қойған топқа 50 балл беріледі.
2 раунд Климов бойынша тауып көр
Адам-табиғат 100 200 300
Адам-техника 100 200 300
Адам-адам 100 200 300
Адам-белгілеу жүйесі 100 200 300
Адам-көркем бейне 100 200 300
Тапсырмалар:
Адам-табиғат 100
«Адам-табиғат» бағытының еңбек объектілері (жанурлар, өсімдіктер, жер бедері, ауа, су, т.б.)
Адам-табиғат 200
Тірі организмдерді және олардың қоршаған ортамен өзара әрекеттестігін зерттейді. Бұл бағыттың кейбір мамандары тірі организмдер туралы білімді толықтыру мақсатында ғылыми-зерттеу жұмыстарын жүргізеді.
Басқалары бұл білімді қолданбалы мақсатта қолданады: жаңа дәрі-дәрмектер, егінді көтеру, қоршаған орта жағдайн жақсарту үшін. (агроном)
Адам-табиғат 300
Үй, спорттық және лабораториялық жануарларға қамқор болады, сонымен қатар адамдарды жануарлардың жұқпалы ауруларынан қорғайды. Ол медициналық мәселелерді, сыртқы жарақаттарды анықтайды, операция жасайды, рецептілер жасайды, жануарларға түрлі аурулардан егу жасайды. Жануарлардың иесіне оларды күту бойынша кеңестер береді. (ветеринар)
Адам-техника 100
Ол ұзақ және күрделі полиграфиялық үрдісті аяқтайды. Ол басылған беттерді соңғы өнімге, яғни кітапқа, журналға, каталогқа айналдырады. Мұндай мамандық мамандары кітап фабрикаларында, типографияларда және көбейту аппараттары бар мекемелерде жұмыс істейді. (редактор)
Адам-техника 200
Бұл мамандық адамы механикалық шеберханаларда, жөндеу цехтарында, техникалық қызмет көрсету және жедел жөндеу станцияларында еңбек етеді. Олар автокөліктердің техникалық жағдайын бақылайды, ақауларды жойып, жөндеу жұмыстарын жүргізеді. (автомеханик)
Адам-техника 300
Нан өндіру кәсіпорындарында жұмыс істейді. Ол арнайы құралдарды қолдану арқылы нан, нан өнімдерін пісіреді. Сонымен бірге қамыр жасау және қамыр бөлу машиналармен жұмыс жүргізеді, қамыр илейді, қамырдың, өнімнің дайын болуын анықтайды. (технолог)
Адам-адам 100
Оның негізгі міндеті-азаматтардың және ұйымдардың заңды қызығушылықтары мен еркіндіктерін, құқықтарын қорғауды жүзеге асырады. Ең алдымен ол –құқықтық білгірі. Адамға кез келген жағдайда заңгердің кәсіби кеңесі қажет болғанда ол осы маманға жүгінеді. (заңгер)
Адам-адам 200
Негізгі міндеті-жасөспірімдердің бақылаусыз қалауын және қүқық бұзушылығын алдын-алу, оларға қосымша әсер ету. Жұмысының мағынасы-жасөспірімдерді өз уақытында жаман қылықтардан алдын-алу, қоғам алдында өз жүріс-тұрысына жауапкершілігін арттыру. (инспектор)
Адам-адам 300
Жаттықтырушылар іс-әрекеті түрлерінің ерекшелігі бойынша оларды балалар, жасөспірімдер және ересектер спорты деп бөледі. Бірінші деңгей адамдары спорт мектептері мен секцияларда жұмыс істейді. Екінші деңгей-республикалы, қалалық құрама командалары үшін спортсмендерді дайындаумен айналысады. Үшінші деңгей-чемпиондар мен рекордсмендер, яғни жоғары санаттағы спортсмендермен жұмыс. (жаттықтырушы)
Адам-белгілеу жүйесі 100
Бұл маманның міндеті оған артылатын жауапкершілікке байлансты. Ол қоңырауларға жауап береді, қажеттілігінше анықтамалық ақпарат береді, басшыға қажетті мәліметтерді қабылдап, өз уақытында ақпаратты жеткізеді, келіссөздерді ұйымдастырады, отырысқа дайындық бойынша әкімшілік жұмысты атқарады және т.б. (хатшы)
Адам-белгілеу жүйесі 200
Олар қоғамның экономикалық дамуын талдау мақсатында мәліметтер жинағын жасайды. Олар қолдану саласына байланысты экономикалық жоспарлаудың түрлі әдістері мен процедураларын жасайды. (экономист)
Адам-белгілеу жүйесі 300
Адам кез-келген ұйымға жүгінгенде құжаттар қажет. Ал кейбір мәселелерді барлық қажетті құжаттары болғанымен адам өзі шеше алмайды. Мысалы, сіз басқа адамға пәтерді ауыстыру немесе өз жалақыңызды алу құқығын бергіңіз келеді, немесе отбасылық құндылықты мұражайға сыйлағыңыз келсе. Мұндай актілер заңды күшке ие болу үшін олар заңды түрде бекітілуі тиіс. Құжаттарды заңды түрде рәсімдеумен кім айналысады? (нотариус)
Адам-көркем бейне 100
Оның шығармашылығының объектісі-үй бөлмесінен қаланың орналасу жүйесіне дейінгі түрлі маштабтағы кеңістіктер болып табылады. Іс-әрекеттің негізгі түрі-жобалау. Жобалау сыртқы түрін, көлемді-кеңістік пішіні мен бейнесін ғана қамтып қоймайды, сонымен бірге, функционалдық жағдай, конструктивті сапа бойынша сұрақтарға шешеді. (архитектор)
Адам-көркем бейне 200
Журналдар, кітаптар мен газеттерге басып шығару үшін адамдарды және оқиғалар жағдайын суретке түсіреді. (фотограф)
Адам-көркем бейне 300
Үш өлшемді кеңістіктегі жұмысты жобалайды. Әр түрлі пішінді құяды, жапсырады. Әр түрлі материалдарды қолданады: саз, шыны, сымдар, гипс, пластик, металл. Немесе ағаштан және тастан пішіндер қияды. Кейде әр түрлі материалдар қоспасын жасайды. (скульптор)
3 Раунд. Кім тапқыр?
Еңбек құралдары 100 200 300
Мамандықтар 100 200 300
Анаграммалар 100 200 300
Еңбек құралдары 100
Өзі кірден арылмас,
Ізінен кір табылмас. (сыпырғыш)
Еңбек құралдары 200
Ағаш мойын, шойын бас,
Осы мықты мойымас.
Мықтап тұрып ұрады,
Мықты жерге тығады. (балға)
Еңбек құралдары 300
Қос аяқ, бастары дөңгелек.
Тұтасты
Кеседі бөлек-бөлек. (қайшы)
Мамандықтар 100
Арқан байлап белiне,
Шымырлықпен бекiне.
Өрмелейтiн қай өрен,
Шыңның шырқау шегiне? (Альпинист)
Мамандықтар 200
Жасыл желек көгалда,
Бiрде артқа,
Бiрде алға,
Желаяқ көп бала,
Таласып жүр бiр шарға. (Футболшылар)
Мамандықтар 300
Тұлғалы кең иығы,
Мұнара оның тұрағы.
Маң далада бұйығы,
Сөнбей жанса шырағы,
Жер астының сұйығы
Фонтан болып шығады. (Мұнайшы)
Анаграммалар 100
ШҰСЫЛЫРЫҚ (құрылысшы)
Анаграммалар 200
РӘГІРДЕ (дәрігер)
Анаграммалар 300
НЙИДРЕАЗ (дизайнер)
4 Раунд
«Мамандықты бейнелеп көр»
Мамандық аттары жазылған алты карточка беріледі. Әрбір топ екі-екіден таңдап алады. Кейін оны қарсы топқа ым-ишара арқылы қандай мамандық екенін түсіндіреді. Дұрыс тапқан топқа 100 баллдан беріледі.
Қорытынды.
Ең көп ұпай жинаған топ жеңімпаз атанады. Топтар марапатталады.
Тренингтік сабақ кезіндегі қызықты сәттер