«С?лемде с?лу сыр бар»


Қарағанды облысы
Осакаров ауданы
Шұңқыркөл №11орта мектебінің
Шағын орталық тәрбиешісі
Қанат Дина Галеловна
Тәрбие сағатының тақырыбы: Сәлемде сұлу сыр бар.
Мақсаты: Адамгершілік,имандылыққа,мәдениеттілікке тәрбиелеу.
Көрнекіліктер: Сәлем түрлері,қанатты сөздер жазылып ілінеді.
Сәлем сөздің анасы,сәлем түзелмей,әлем түзелмес.
Қызығушылықты ояту:
-Құрметті оқушылар! Бір минут ойланып көріңдерші «Сәлем» деген сөзде қандай сыр болуы мүмкін?
Мағынаны ажырату:
-Сіздер «Сәлем» атты мәтінмен танысасыздар.
Әңгіме не туралы болды деп ойлайсыңдар?
Үш топ өз ойларын жеке топпен ақылдасады.
Топтан бір оқушы шығып,ойларын ортаға салады.
1-ші бөлімді оқу
Сұрақтар: Мәтін не жайында?
Ары қарай не болады?
Сәлем
Жаздың жайма шуақ күні. Балтабек ағай баласы Батаймен кең көшенің кестедей айшықты гүлзарының қасынан өтіп бара жатып,Өтен құрдасымен кездесіп қалды.
-Ассалаумағалейкум!-деп, ол Өтеннің қолын алды.
-Сәлем!-деп Батай күлімдеп,иек қақты.
Әр топтан оқушылар ойларын айтады.
Сұрақтар: Әңгіме қалай жалғасты?
Не байқадыңдар?
-Былай шыға бере Балтабектің реңі бұзылып,қабағы түйіліп,көзін жыпылықтата берді. Баласына адырая қарап,ашуын төкті.
-Өтекеңмен жөндеп амандаспайсың ба?
-Сәлем!-дедім. Сәлемімді қабылдап,күлмең қағып,күле сөйлеп еді ғой.
-Кісінің қадір-қасиетін білмей барасын.
Балам ондай үлкен кісіге адамша амандасу қажет. Амандасу-адамның амандығына қуанып,ақ ниетін білдіру.
-Сәлем демегенде,не дейміз?
-Үлкен кісіге «Ассалаймағалейкум»-деп немесе «Амаңсыз ба?»
-«Сау-сәлеметсіз бе?», «Аман-есенсіз бе?»-дейді .
Бәрі бір сөзбен мәндес емес пе?
-Сау сәлеметсіз бе?, Аман-есенсіз бе?-деп амандасушы сәлем берген адамның адамдығына,қуанышын,тілектес екенін білдіреді.
3-ші бөлімді оқу.
Әңгіме қалай аяқталады?
Көкейіңе не түйдің?
Кейіпкерлер туралы ой.
-Сәлем бердім ғой,менің жазығым неде?
-Сәлем беру және сәлемдесу-салт. Сәлем бергенде инабаттылық пен әдептілік,сыпайлық пен сыйластым керек. Қария кісілермен -Ассаламағалейкум-деп амандасады.
-Сөзіңіздің төркінін түсіндім.
Батай содан бері үлкен-кішіге үлгі көрсетіп,кісімен айраңдай жадырап,жақсы амандасатын болды.
«Қонақтарды қарсы алу ойыны»
Топтарға тапсырмалар беріледі.
Сәлемдесу түрлерінен көріністер көрсетіледі.
Әдепті елдің баласы,
Алыстап сәлем береді.
Алыстан алты жасар бала келсе.
Сәлем беру де...(ұл мен қыздың,келін мен ата-ененің,достардың бір-біріне сәлем беруі)
Ой толғаныс
Эссе жазу. Сәлемде сұлу сыр бар.
Топтар ішінен таңдалған эссені оқу.
Мұғаімнің қорытынды сөзі. Елдің ынтымақ-бірлігі әрқайсымыздың жанымызда жүрген адамдармен жартыны жарып жейтіндей татулығымыз,сәлемі түзу,сыйластығымызға тікелей байланысты. Лайым сәлеміңіз түзу болсын. Сәлемдесер адамыңыз көп болсын.

Қарағанды облысы
Осакаров ауданы
Шұңқыркөл №11орта мектебінің
Шағын орталық тәрбиешісі
Жунусова Сауле Оразовна
«Күз- мереке,күз-береке» атты сайыс Мақсаты: Балалардың күз мезгілі туралы білімдерін жеткізу,ой-өрістері мен танымдылық қасиеттерін дамыту,күз табиғатын сүюге тәрбиелеу.
Көрнекіліктер: Мерекелік группаның іші әдемі реңге бөленіп,түрлі-түсті шарлар,жапырақтар,гүлдер іліну,күз табиғаттары суреттері,күзгі тағамдар бұрышын жасау.
Кіріспе бөлімі: Қош келдіңіздер,қымбатты ұстаздар,құрметті ата-аналар,оқушылар. « Куз –мереке,куз береке» атты сайысты ашуға рұқсат етіңіздер. Бүгінгі сайыста әр топтан кішкентай ғана балапан қыздарымыз « Куз аруы» жеңісіне жетеміз деп қатысқалы келіп отыр. Сайысымыздың жоспары мынадай,құлақ түрейік.
Өзін-өзі таныстыру
Уақыт бойынша « Күз кұрметі» тақырыбына сурет салу,жеміс-жидек салу.
Әр бала өз өнерін көрсету
Көздерін байлап жапырақ жинатамыз.
Қол өнер (уй тапсырмасы)
Ептілік өнері (қасықпен су тасу)
Көрермендер көз айымы,әр ата-ана ұпай қосылу үшін қызына күз тағамын ұсынады,әділ –қазылар үстеліне.
Тәрбиеші:1. Ендігі осы мерекеге арнап өзінің ақ тілегін айтуға сөз кезегін мектеп басшысы Сағынай Ақыжанұлына береміз.
2. Ендігі кезек,әділ бағасын беретін қазылар алқасын сайлайық.
Уа халайық,халайық мұңда назар салайық. Мерекесі тобымыздың алтын күзге арналған,кешімізді бастайық.
Алтын күз сіз бен бізге шуақ шашсын,
Көңілдің серіппелі күйін ашсын.
Қуаныш пен шаттықбірге қатар қонып,
Береке бірлікпенен ортақтассын.
Жиналыппыз бүгін міне бәрімізде,
Үлкен-кіші кәрімізде.
Төрлетеді сайыстың мүшелері,
Гүл-гүл жайнап мына біздің төрімізге.
Бүгінгі кеште көңіл шіркін тасиды,
Кешімізге ән шашуы шашылды.
Бүгінгі сайыс арулардың сауығы саналар,
Қыздарымыздың есімі әулеттерге таралар.
Шақырайық ортаға,өнерпазды қол соға,
Мың бұралып билесін балапанымыз ортада демекші әнші қайсы,биші кім екен ортаға шығатын?
Көрермендер көз айымы.
Татыңыз күз тағамының дәмі қандай,
Барша жұрт көзбен көріп қызыққандай.
Күзгі тағам дайындап әкеліпті,
Ұпай қосуға сайыскер қыздарын-ай демекші әділ-қазылар күз тағамына әділ бағасын берер.
Демеңіздер біз өнерді аяп қалды,
Мезгілде біраз жерге таяп қалды.
Баға беріп қатысқан сапйыскерге,
Қуантайық тілек тілеп әділ-қазы.
Бата: Үлкендеріміз батасын береді екен,
Бата деген ақ тілек керек екен.
Жақсы дәстүр,жақсы сөз ізгі тілек,
Ұрпақтарға жалғасып келеді екен.
Олай болса, әділ-қазылар арулардың ұпай санын есептеп «Күз аруы» атағына ие болған аруымызды атап көрсе және үлкендерден бата тілеп,кешімізді аяқтасақ.