Кояштагы тап (3нче класс)

Үзең яхшы булсаң, дусларың күп була.Бергә эшләсәң, бар да җиңел.Дуслык тау җимерә. Яхшылык – файда, уңайлылык, изгелек.Яманлык – усаллык, начарлык, әшәкелек. Тап - пятно Канәгатьсезлек - ризасызлыкӨтеп алырдай - яндырып алырлыкКоточкыч - бик куркынычМөлдерәмә - тулы Бер малай әнисе белән генә тора. Ул, улы начарлык эшләгән саен, рәшәткәгә бер кадак кага бара. Еллар уза, бала үсеп буйга җитә. Беркөнне ул кадакларга игътибар итә һәм әнисе янына килә. “Әни, нигә син шулай күп итеп кадаклар кактың?” - ди. Әнисе: “ Улым, менә син бер начарлык эшләгән саен мин бер кадак кага бардым. Күрәсеңме, ничаклы алар?” – ди. Улы уйга кала һәм гел яхшылыклар гына эшләргә сүз бирә. Шулай эшли дә. Менә ул да олыгая, әнисе дә карчыкка әйләнә. Әнисе янына беркөнне килә дә: “ Әни, кара әле, рәшәткәдә бер кадак та калмады. Мин яхшылык эшләгән саен берсен ала бардым. Начарлыкларыма каршы яхшылык эшләдем”, - ди. Ә әнисе болай ди: “ Улым, әйе син күп яхшылыклар эшләдең һәм, шулай итеп, начарлыкларыңны бетердең дә кебек, тик әнә, кара әле рәшәткәләргә, никадәр кадак эзләре. Аларның эзләре калган бит”, - ди.