Гордимся достижениями юных робототехников

Сэмэй ситиһиилэрбитинэн киэн туттабыт

Быйылгы үөрэх сылыгар Сэмэн Данилов аатынан Бэрдьигэстээх орто оскуолатыгар улууска мацнайгы информатик-учуутал Виктор Касьянович Андреев аатынан ааттаммыт информационнай технологиялар кииннэрэ арыллан үлэлээн кэллэ. Бу киин уол оҕону умсугутар, аныгы сайдыылаах үйэҕэ техниканы баьылыырга, сацаны айарга, кэнэҕэс инженернэй-техническэй идэҕэ сүрүннүүргэ аналлаах биир салаатынан “Робототехника” диэн ФГОС ирдэбилинэн кылааьы таьынан дьарык буолар. Бу дьарыкка бастакы кылаастан саҕалаан алтыс кылааска диэри сүүстэн тахса оҕо дьарыктанар, араас робот моделларын оҥорон таһаараллар, онтуларын араастаан программалаан хаамтараллар, дьон олоҕун чэпчэтэр туһалаах роботтары айаллар. “Робототехника” дьарыгы муҥутуур үрдүк категориялаах информатика учуутала Ангелина Петровна Бережнова айымньылаахтык салайар. Кулун тутар ыйга оскуолабыт 67 үөрэнээччитэ «Ленскай кыраай» физико-математическай форума тэрийбит робототехника практикумугар үөрэнэн кэлбиттэрэ, үгүһү билбиттэрэ.
Бу кылгас кэм иһигэр эдэр робототехниктар ситиһиилэрэ үгүс. Ол курдук, улуустааҕы “Робофест» күрэххэ биһиги оскуолабыт туруорбут хамаандалара бастакы, иккис миэстэлэри ылары ситиспиттэрэ. Ангелина Петровна кулун тутар ыйга ыыппыт авторскай семинарын чэрчитинэн буолбут “Lego WeDo” диэн алын кылаас о5олоругар аналлаах күрэххэ оскуолабыт хамаандата иккис миэстэни ылбыта. Онтон ыам ыйын бүтэһигэр ыытыллыбыт республикатааҕы робототехническай олимпиадаҕа икки хамаанда кыттан “IT-шник» диэн хамаанда оҕолоро Дьячковскай Петя уонна Николаев Айсаар «Бэйэ айбыт бырайыага» диэн категорияҕа 2-с миэстэни ылбыта, онтон “Мичегор” хамаанда оҕолоро Семенов Мичил уонна Варламов Егор «Роботы-исследователи» диэн категорияҕа кыайаннар Саха Сирин сүүмэрдэммит хамаандатыгар киирсэннэр бэс ыйыгар Бүтүн Россиятааҕы робототехническай олимпиадаҕа Казань куоракка бараннар ситиһиилээхтик кыттан кэллилэр. Бу олус улахан тэрээһиҥҥэ Россия 45 регионуттан 700 бастыҥ робототехниктар кэлэн күрэхтэспиттэр. Тэрээһин бочуоттаах ыалдьыттарынан Дмитрий Анатольевич Медведев бэрэссэдээтэллээх Россия Правительствотын чилиэннэрэ буолбуттар. Оҕолор олус элбэҕи билэн, атын регион оҕолорун кытта алтыһан, тэҥҥэ күрэхтэһэн, ону таьынан Иннополис куорат саца технологиянан тутуллубут объектарын көрөн-истэн, оҕолорго анаммыт тэрээһиннэргэ кыттан, Казань, Москва куораттарынан күүлэйдээн сайдан аҕай кэлбиттэр. Илдьэ сылдьыбыт учууталларыгар, тренердэригэр Ангелина Петровнаҕа төрөппүттэр махталлара муҥура суох.
Бэс ыйын 5-26 диэри оскуолабыт иһинэн “Робототехника сайыҥҥы оскуолата” диэн лаа5ыр 25 о5ону хабан үлэлээтэ. Лааҕыр үлэтэ олус интэриэһинэйдик, бэһиэлэйдик ааста. Оҕолор араас робот моделларын айан таьаардылар, хамаандаҕа арахсан хас да көрүҥҥэ күрэхтэстилэр. Лааҕыр биир уратытынан, «Ленскай кыраай» форумтан Тимофеев Николай Эрикович диэн робототехника куруһуогун салайар информатика учуутала кэлэн биһиги оҕолорбутун роботтары программалааһыҥҥа, күрэхтэһии сүрүн ирдэбиллэригэр, албастарыгар үөрэппитэ буолар.
Бэс ыйын бүтүүтэ «Тыа оскуолата» республикатааҕы педагогическай ярмарка буолан ааста. Биһиги оскуолабыт учууталларын «Робототехника оскуолата» диэн бырайыактара бу ярмарка виртуальнай түһүмэҕин Гран-при хаһаайынынан буолбута олус үөрүүлээх.
Оскуолабытыгар «Робототехника» диэн кэскиллээх дьарык салгыы күүскэ сайдарын мэктиэлиир биһиги «Ленскай кыраай» физико-математическай форумун кытта бииргэ үлэлээһин дуогабарын түһэрсиибит уонна «Вольное дело” диэн Бүтүн Россиятааҕы Фонда “Инженерные кадры России. Робототехника” диэн хайысхатын Программатыгар киирсэн тэҥҥэ улэлэһиибит.
Хас да сылынан «Робототехника» диэн кылаас таһынааҕы дьарыкка дьарыктаммыт оҕолор инэенернэй-техническэй хайысхалаах үөрэхтэргэ үөрэнэн, саҥаны айан-тутан, улууспут сайдыытыгар бэйэлэрин кылааттарын киллэриэхтэрэ диэн баҕа санаабын этэбин.
М.И.Николаева, информатизацияҕа
дириэктэри солбуйааччы