Нысанбай Жырау

Нысанбай Жаманқұлұлы(1821-1870)“Кенесары - Наурызбай”дастаны Сабақтың білімділік мақсаты: - Нысанбай жыраудың өмірі мен шығармашылығы, «Кенесары - Наурызбай» дастанымен таныстыру Сабақтың тәрбиелік мақсаты: - ерлік пен елдікті, батырлықты дәріптеу; - отансүйгіштікке баулу; Сабақтың дамытушылық мақсаты: - ақын шығармаларына деген қызығушылықты арттыру, сүйіспеншілікті ояту; - оқушылардың ізденушілік қабілеттерін дамыту; - ой тұжырымдауға үйрету; Сабақтың түрі: жаңа материалды меңгерту, жинақтау;Сабақтың әдісі: “Оқу мен жазуда сыни тұрғыдан ойлауды дамыту” жобасының стратегиялары;Пәнаралық байланыс: тарих, қазақ тілі, бейнелеу өнері.Сабақта қолданылған материалдар: портреті, жырау туралы деректер Сабақтың өту барысы: І. Қызығушылықты ояту Нысанбай жырау кім? Нысанбай жырау Жаманқұлұлы – ақын, жырау. Тарихи тақырыптағы Кенесары – Наурызбай дастанын жазған. Бұл шығарма алғаш рет 1875 ж. Записки Оренбургского отдела императорского русского географического общества журналында жарияланды. Нысанбай жырау Жаманқұлұлы (1822, Сыр бойы – 1883, қазіргі Қызылорда облысы Жалағаш ауданы Аққошқар мекені) – Кенесары Қасымұлы бастаған ұлт-азаттық көтерілістің жыршысы. Нысанбай жырау көтеріліске бастан-аяқ қатысып, көрген-білгенін жырға қосқан. “Кенесары – Наурызбай” атты көлемді дастанында көтеріліс басшыларын батырлар жыры дәстүрінде бейнелеп, заман шындығын отарлық езгіге қарсы көтерілген халық үнімен шебер қиюластыра білді. Жырда Кенесарының қырғыздарға жасаған жорығы, оның қаза табуы мазмұндалған. Дастан халық арасына кең тараған, алғаш 1875 жылы С.Жантөрин мен Т.Сейдалиннің аудармасымен “Записки Оренбургского отдела императорского русского географического общества” журналында орыс әліпбиімен қазақ тілінде басылды. Шығарманы 1912 жылы Қазан қаласында Ж.Л.Шайхысыламұлы жеке кітап етіп бастырды, 1923 жылы Ташкентте Х.Досмұхамедұлының, 1924 жылы Н.Төреқұловтың алғысөздерімен кітап болып шықты. 1996 жылы “Қазақ халық әдебиеті” атты көп томдықтың 17-кітабында жарық көрді. Нысанбай жыраудың шығармашылық жолын Х.Досмұхамедұлы, Е.Ысмайылов, І.Жұмалиев, Ә.Қоңыратбаев, Б.Кенжебаев, Т.Тебегенов, т.б. зерттеді. ІІ. Мағынаны тану. Үйге тапсырма: Нысанбай жыраудың өмірі мен шығармашылығын, “Кенесары-Наурызбай” дастанын оқып, талдау