Ма?алаЖас ?рпа??а т?рбие берудегі кітапхананы? р?лі ашы? есік к?ні

Жас ұрпаққа тәрбие берудегі кітапхананың рөлі
Өзінің биік, таза, рухани қасиетімен
Кітап мәдениет пен руханиятты қорғауда
теңдесі жоқ қару болып табылады. Кітап адамзат
баласына ағарту һәм білім сыйлайды.
Н.Ә.Назарбаев
Қызылорда қаласындағы №101 орта мектеп кітапханасының ұйымдастырумен 2016 жылдың 17 наурызында «Жас ұрпаққа тәрбие берудегі кітапхананың рөлі» тақырбында ашық есік күні болып өтті. Ашық есік күнінің мақсаты: қазіргі жас ұрпаққа, оқушыларға кітаптың сарқылмас рухани қазына, білімнің тек қана кітап арқылы берілетінін ұғындыру, кітаптың адам өміріндегі маңызы, ғылым мен білімнің пайдасы жайлы түсіндіру, кітапқа деген қызығушылығын арттыру, кітап оқуға құмарландыру, оны күтіп ұстауға дағдыландыру, оқушылардың актерлік шеберліктерін шыңдаудағы ең маңызды, киелі орын кітапхана екенін ұғындыру. Ашық есік күніне қала мектептерінің кітапханашылары мен мемлекеттік қызметшілерді және бюджеттік ала қызметкерлерін қайта дарлау және олардың біліктілігін арттыру өңірлік орталығына білімдерін жетілдіруге келген аудан кітапханашылары қатысты.
Ашық есік күні негізгі екі бөлімнен тұрды. Бірінші бөлімі адам өміріндегі кітапхананың маңызы, оның жас ұрпаққа берер тәрбиесіне арналған. Ашық есік күніне келген қонақтарымызды 1-сынып оқушысы Аззахир Азиз «Ассалаумалейкум» әнімен қарсы алды. Соынмен қатар 3 «Б» сынып оқушыларының кітап жайлы әдеби монтажы қонақтардың назарына ұсынылды. Мектеп кітапханашысы Измагамбетова Рыстыгуль «Жас ұрпаққа тәрбие берудегі кітапхананың рөлі» тақырыбындағы баяндамасымен таныстырды. Баяндамада келешек ұрпақтарымызды, оқушыларымызды тәрбиелеу үшін кітапханаың атқаратын қызметі жайында көптеген мағлұматтар берді. Одан кейін мектебіміздің оқушысы «Аққауырсын» кітапқұмарлар клубының белсенді мүшесі 8 «Д» сынып оқушысы Серікбай Айдынның өзінің қатарластарын, сыныптастырын, өзінен кейінгі мектеп оқушыларының кітапқа деген қызығушылықтарын арттыру мақсатындағы жұмысы көрсетілді. Ол 7 «Ә» сыныбымен бірге Бердібек Соқпақбаевтың «Балалалық шаққа саяхат» шығармасын бірге оқып, талқылады. Талқылау жұмыстары қазіргі жаңа заман технологиясымен жасалды. Атап айтсақ «KAHOOT» бағдарламасы бойынша өткізілді. Бұл бағдарламаға алдын ала жоғарыда аталған шығарма бойынша сұрақтар енгізіліп қойылады. Оқушылар өздерінің ұялы телефондары арқылы интернет желісіне қосылып, сол сұрақтарға жауап беру керек. Бұл бағдарлама оқушылардың ой-өрісін дамытып, оларды жылдамдыққа, шапшаңдыққа, оқыған шығармаларындағы ең маңызды ақпаратты тез еске түсіріп, жауап беруге баулиды. Сонымен қатар әрбір сұраққа кім бірінші жауап берді, кім алғашқы бестікке тұрғаны экранда көрсетіліп отырады. Ойынның соңында ең көп ұпай жинаған оқушының аты-жөні де көрсетіледі.

Ашық есік күні күйші анамыз Дина Кенжеқызы Нұрпейісованың 155 жылдығына арналған әдеби-музыкалық кешпен жалғасты. 10 сынып оқушылары «Дина мен Жамбылдың» кездесуінен көрініс көрсетіп кешімізді ашып берді. Дина Нұрпейісованың өмірі жайлы 5 «А» сыныбы мен 7 «Ә» сыныбының жасұландықтары таныстырып өтті.

Кеште Дина апамыздың өмірі мен шығармашылығына қатысты бейне көріністер де көрсетілді. Сонымен қатар оның ұстазы Құрманғазы Сағырбайұлымен алғашқы кездесуі, Құрманғазының оны күйшілікке өнерге үйретуі, білім бергені жайлы көптеген мәліметтер, бейне көріністер кеш қонақтарының назарына ұсынылды. 9 «А» сыныбының оқушылары мен сынып жетекшісі Тілеубергенова Гүлназдың ұйымдастыруымен С.Бақбергеновтың «Қайран шешем» атты шығармасынан үзінді алынып, көрініс көрсетілді. Көрініс өте тартымды болды. Оқушылар өздерінің актерлік шеберліктерін көрсете білді. Дина Нұрпейісованың 155 жылдығына арнап мектебіміздің ақын оқушылары өздерінің арнау өлеңдерін оқыды. Атап айтатын болсақ 10-сынып оқушылары Алтынбек Жауқазын, Бұрхан Маралбек, Рысжан Динара, 9 «Г» сынып оқушысы Рахман Динар, 6 «Б» сынып оқушысы Әбдікәрім Мадина, 7 «Ә» сынып оқушысы Тілесхан Аружан, 8 «Д» сынып оқушысы Сәбит Сымбат. Күйші анамыз Дина мен оның ұстазы Құрманғазының күйлерін нақышына келтіріп орындап, кеш қонақтарының ерекше ықыласына бөлінген 9 «Г» сынып оқушысы Тілеуберген Анардың бұл кештегі алар орны ерекше.

Осы әдеби кешке байланысты «Күй анасы – Дина» тақырыбында көрме ұйымдастырылды. Көрменің мақсаты: келген қонақтары, мектебіміздің оқушылардың күйші анамыздың өмірі мен шығармашылығымен таныстыру. Оның көпшіліктің назарында айтылмай жүрген деректерімен таныстыру. Өнерді бағалай білуге, құрметтеуге баулу. Көрмемен келген қонақтарды 7 «Ә» сынып оқушысы Алтынбекқызы Ұлболсын таныстырып отырды.
Ашық есік күнінің оңында келген қонақтар өздерінің ой-пікірлерімен бөлісіп, кештен алған әсерлерін айтып өтті. Алдағы уақыттарда осындай іс-шаралар өзінің жалғасын табады деген сенімдеміз.
Ногаева Гульназ
Измагамбетова Рыстыгуль
№101 орта мектеп кітапханашылары.