Презентация к уроку осетинской литературы. Kochysaty Muharbeg

Кочысаты Мухарбег 1920-1944 Ирон авзаг ама литературайы ахуырганагЧертыхъоты Л.Г Кочысаты Георгийы фырт Мухарбег райгуырди 1920 азы 1-жм майы Олгинскжйы. Хъжуы скъолайы бакаст авд къласы. Уый фжстж ахуыр кжнын райдыдта педагогон техникумы. Ам хжрз жрыгонжй фжцалх и жмдзжвгжтж фыссыныл. 1938 азы каст фжци техникум жмж бацыд Цжгат Ирыстоны паддзахадон педагогон институтмж. Ахуыр кодта ирон жвзаг жмж литературжйы хайады. Уыди зжрджргъжвд, зонынадыл уыд жнувыд, жмж йж ахуыр цыди иттжг хорз, – иста Къостайы номыл стипенди. Жртж курсы фжстж кусын райдыдта газет «Жрыгон большевик»-ы уацхжссжг жмж тжлмацгжнжгжй, йж ахуыр та дардджр хжццж кодта фжсаууонмж. Райдыдта Фыдыбжстжйы хжст. «Ацы хжст фесжфта бжстж, – фыста Мухарбег, – фжсыкк сты мж фжндтж, мж хъуыры фжбадтысты».Мухарбег 1941 азы сентябры барвжнджй ацыди хжстмж. Поэт фыста:Кжйджртау нж фжлыгъдтжн тохжй,Нж бамбжхстон пыхсы мж сжр.Дж хъахъхъжнжг, сау айнжг хохау,Жрлжууыдтжн фидар жз джр.Фыдыбжстж жмж патриотизм хжсты заман уыдысты ирон поэзийы сжйраг темжтж. Уыдон систы йж заржджы сжр Кочысаты Мухарбегжн джр. Поэт ацы темжйыл куыста хжсты размж джр. Ужд йж уацмысты хъжбулон жнкъаржнтж зындысты, райгуыржн жрдз, бжстжйы фидауц жмж аджмы удвжллойжн куыд аргъ кжны, уымжй. Фжлж жвирхъау хжст нынкъуыста сабыр цард, жмж йжхи ивта поэты хъжлжс джр. Уарзты бжсты йж дзурын бахъуыд мастыл. Уыцы хъуыды поэт комкоммж зжгъы жмдзжвгж «Аджмы маст»-ы. Кждджры лирикы ныр хъжуы аджмы маст жвдисын жмж йын агуры тызмжг жмж карз ныхжстж. Архайжг аджймаг цжры, уавжртж куыд домынц, афтж. Знаг райгуыржн бжстжйыл арт куы 'ндзара, ужд пацифизм гадзрахаты идеологи у. Жцжг гуманизм домы фыдыбжстж хъахъхъжнын, аджмы фарныл тох кжнын. Мухарбег ржстжгмж ныууагъта йж фжндыр жмж райста кард. Поэт «Мж хжс»-ы зжгъы: Гъе уый тыххжй абон, Ирыстон, Дж разы мж цжсгом у рухс. Гъе уымжн джн афтж сжрыстыр, Гъе уымжн джн афтж хъал жз. Тызмжг заман домы тызмжг хотых, жмж поэт, йж хжс жмбары, афтжмжй зжгъы: «Жз цалынмж нж амжлон нж бартыл, Уждмж жлвжстжй дардзынжн мж кард». Патриотизмы заржг у «Фыдыбжстж». Жмдзжвгжйы ис ахъаззаг лирикон равг. Поэтикон ныхас зжлы мелодийау жмж хуымжтжг хъуыдытж сисы бжрзонд, сж мидис сын арф хъарын кжны зжрджмж. Ныййаржг зжхх жппжтжй зынаргъджр кжй у, уыцы хатдзжг свжййы философон идейж. Поэт нывжфтыд кжны йж бжстжйы суржт. Мухарбегжн фыдыбжстж нжу абстрактон жмбарынад. Уыимж баст сты йж рухс мысинжгтж, йж амонд, йж цард. Поэт жнжхжсгж иудзинады уыны бжстжйы истори жмж аджмы хъысмжт:Нж фыджлтж сж хъарм тугжйДжу балхждтой, мж зжхх.Нж бжркадджын фжллойж джЫсбуц кодтам дзжбжх. Жрмжст сжрибар аджймаг вжййы патриот жмж сгуыхт. Ныййаржг зжхх канд жрдзон сконд нжу, йж аржзты ис аджймаджы удвжллой джр, жмж фжллойгжнжгжн йжхи царджй зынаргъджр уымжн у. Сывжллоны уарзтау хуымжтжг жмж сыгъджг у поэты «Фжстаг салам». Ирд жмж жргом сты йж катай, йж гуырысхотж, йж мжт. Гуырысхойаг ын нжу жрмжст иу хъуыддаг: хъжбулау уарзы йж ныййаржг бжстж жмж йж сжрвжлтау кжнж уыдзжн ужлахиз, кжнж ссардзжн кады мжлжт. Поэт жмж йж лирикон геройжн ис, цы хъахъхъжной, уый: хи зжхх, уарзон аджм, сжрибар. Афтж уыд советон аджмы жхсжнадон уавжр, – уымжй жвзжрд сж психологон уавжр, сж идейон зондахаст, сж патриотизм. Хжсты цжхжры джр Мухарбег иудадзыг уыны зынаргъ ын цы у, уыдон: Ирыстоны нывтж, сжрибар цард, адджын аджймжгтж – мад, хо, уарзон чызг. Йж хжстон заржджы ног хуызы айзжлы уарзты мотив: «Дж уарзонад – мж ныфс», – зжгъы Мухарбег. Афтжмжй поэт иртасы уарзондзинады ног жуужлтж. Мухарбеджы лирикжйы уарзты жмржнхъ цжуы мады темж. Иу поэтикон жмвжзадыл фжлгъауы поэт ныййаржг зжхх жмж мады фжлгонцтж. Жмдзжвгж «Хъжмж» фыст жрцыд 1940 азы, фжлж йж аджм сж зжрджмж айстой, цыма жрвыстжг хжстжй цжуы, афтж. Поэт жмхуызон зжрдиагжй мысы йж хъжу, йж хъжубжстж жмж йж мады. Автор хуымжтжг, фжлж зжрджбын ныхжстжй жвдисы жнкъаржнтж. Жмдзжвгж хуымжтжджы не сси аджмон заржг. Ацы жмдзжвгж тематикон жгъдаужй хжстжг у «Фыстжг мж мадмж». Жрмжст поэт ам арфджр фжлгъауы уды психологон уавжр, йж тыхст, йж фжндижгтж. Поэты бон у чысыл ахоржнтжй цжстуынгж нывтж кжнын: жгъуыссжг жхсжв, ныккжнд, салдаты архайд – ацы нывтж сты реалон жмж хуызджын. Поэт йж уавжр уыны мады зжрджйы, мады сагъжсты фжрцы жргом кжны йжхи жнкъаржнтж жмж уымжй жмдзжвгжйжн джтты поэтикон хуыз, эмоцион жндыгъд тжмжн жмж аивадон хъомыс. Уацмысы фжстаг ржнхъыты зыны тох жмж удхары нысан, ржстдзинад кжм ис, уым вжййы оптимизм джр.Фжуыдзжн хжст! Нж ржстдзинады карджйЫзнаг жрцжудзжн тагъд ржстжджы саст;Жмж джм ужд, ныййаржг мад, жз дарджйФжзындзынжн сжржгасжй жваст. Мж фын фжлыгъди. Хуыссжг та мж н’ ахсы.Хжстжг у бон, жвжццжгжн, хжстжг.Ужджмж, цжй, мж райгуыржн КавказмжНыффыссон жз гъе ацы ’хсжв фыстжг.Ыссыгътон цырагъ ныккжнды жджрсгж.Мж чысыл пецы бафу кодтон арт...Салам джужн, мж райгуыржн хжхбжстж!Жнжниз у, мж ныййаржг, мж мад!Жрвитын дын хжсты быдыржй абон,Жрвитын дард Украинжй салам.Дж буц хъжбул, дж иунжг фырт, дж уарзонНж рох кжны джу иу минут джр ам.Мж цжстыл уайы райгуыржн хъжубжстж,Нж хъждынкъул, нж жлыгбын хждзар,Дж джлбазыр кжм ржзыдтжн жджрсгж,Кжм жрвыстон мж ржзгж бонты цард. Фыстжг мж мадмж Мж цжстыл уайыс алы бон, ныййаржг,Цыма та бадыс рудзынджы раз ныр.Кжсыс жнхъжлмж: «Искжцжй, мыййаг, кжд, —Фжзжгъыс ды, — жрбазынид мж фырт...»Жз зонын хорз дж хъуыдытж, дж фжндтж,Кжй у джужн жнж мжн, нана, зын.Жмбарын жз, кжй мыл риссы дж зжрдж,Кжй джм фжзыны хаттжй-хатт цжссыг...Нана, дж зжрдж ма дзуржд мжнимж,Дзжгъжлы ма кжн, ма, нана, жнкъард, —Куыд нж джн жз хжсты быдыры иунжг,Нж дж ды джр гъе афтж иу, мж мад.Фжуыдзжн хжст! Нж ржстдзинады карджйЫзнаг жрцжудзжн тагъд ржстжджы саст.Жмж джм ужд, ныййаржг мад, жз дарджйФжзындзынжн сжржгасжй жваст.1943 аз. Хжцжг жфсад Кочысаты Мухарбег куыста курдиаты хъомысжй, ужлмонцжй, дзырдта йж зжрджйы жвзагжй, жмж йж поэтион ныхас у хуымжтжг, аив, жхцон. Поэт дзуры сжрибаржй, жнцонжй, жнжрхжцгжйж. Йж дзырдтжй алкжмжн джр ис йжхи сжрмагонд бынат – иннжты нж хъыгдары, улжфы сжрибаржй жмж зынынц йж фидауц джр жмж йж тых джр. Поэт жмхиц нжу жнжхъуаджы ахоржнтжм, тырны жрдзон ныхасмж, зоны хъуыды кжронмж хжццж кжнын, хъжугж ран йж балхынцъ кжнын, уымж гжсгж йж уацмысты композицион нывжст у нывыл, аив жмж жххжст. Жмдзжвгжтж сты музыкалон, ис сж арф лирикон жнкъаржнтж жмж уый руаджы сж фылджр систы зарджытж.