План конспект урока по крымскотатарскому языку на тему Джумле

Мевзу: Джумле. Джумлелернинъ макъсадына коре чешитлери.
Макъсад:1. Янъы мевзуны анълатув;
2. Чешит севиели мешгъулиетлер беджерюв;
3.Ана тилимизге меракъ ве севги ашлав.
Дерс донатувы: дерслик, иш дефтери, ресимлер, джедвель.
Дерс кетишатыТешкилий къысым: селямлашув, дерс мевзусыны ве макъсадыны илян этюв.Эв вазифесини тешкирюв.Келинъиз, талебелер эв вазифенъизни текшерейик.
Янъы мевзуны анълатув: бугуньки дерсимизнинъ мевзусы «Джумле. Джумлелернинъ макъсадына коре чешитлери»
Джумле эр бир тильнинъ къанунлары эсасында грамматика джеэттен шекилленген ве там фикир ифаделеген нутукъ парчасыдыр. Джумле бир сёз я да сёзлер бирлешмеси нетиджесинде япылыр.
Me селя: Кузь. Сериндже бир ель эсе. Кунеш йылтырай, амма сыдмсагъы чокъ дуюлмай. (А. О.)
Джумлелернинъ макъсадына коре чешитлериМакъсатнынъ ифаделенмесине коре, джумлелер учь чешитке болюнирлер: икяе, суаль, эмир. Джумлелерде белли бир вакъиа я да предмет акъкъында икяе этилип, хабер берилир, я да динълейиджиге къайсы бир вакъианы кучьлю дуйгъунен эмир, севинч, ачув киби маналар бильдирилир. Икяе, суаль, эмир джумлелери бири-биринден интонацияларнен де фаркъланырлар.
Икяе джумлелеринде белли бир адисе акъкъында хабер, малюмат берилир, олар тасвирленелер.
Meселя: Ава ачыкъ эди. Кокте сийрек-сепелек йылдызлар пейда олдылар. Эр кес даврана. Соньки сепетлерини толдурмагъа ашыкъалар. (Ч.А.)
Икяе джумлелерининъ сонъунда сес алчалып токъталыр. Эгер де джумле пек кениш олса, джумленинъ биринджи ярысы кучьлюдже сеснен айтылыр, экинджи ярысында исе сес алчалып айтылыр.
Meселя: Къапу янында отургъан невбетчи онъа киреджек одасыны косыперди. (Ч.А.)
Суаль джумлелеринде суаль макъсады ифаде олуныр. Сёйлейиджи белли бир меселе акъкъында динълейиджиден соравны ифаделеген хаберге тасдикъ я да инкяр джевап талап этер. Meселя: Сиз бугунь къайда бараджакъсынъыз? Сора, олар бугунь юбилей тантанасына бараджакълармы? Байрамгъа азырлыкъ ишлери яхшы алып барылдымы?
Суаль джумлесининъ интонациясы котеринки сеснен айтылыр. Эгер джумледе насыл?, къачан?, ким?, не? киби суаль сёзлери иштирак этсе, джумледе, ерине коре, интонация тюрлюдже олмакъ мумкюн. Эгер бу сёзлер джумле башында кельсе, интонация эвель котеринки сеснен, джумленинъ сонъунда исе алчакъ сеснен айтылыр: Ким келе? Не вакъыт япаджакъсынъыз? Эгер суаль сёзлери джумленинъ ортасында кельсе, интонация да джумленинъ ортасында, яни шу сёзде котерилип, сонъ алчалыр. Ме селя : Санъа берильгеп вазифени къачан япаджакъсынъ? Ризаны къаерде кординъ?
Эмир джумлелеринде сёйлейиджи башкъа шахысларны бир де бир ишни беджермеге риджа, эмир эте. Бундан башкъа, эмир джумлелеринде теклиф, ялварув, насиат, мураджаат киби маналар да бильдирилир. М е с е л я : Сание апте, къапуны ачынъыз. Рефат кельди. Рефат, мында кельчи. (Гъ. М.)
Эмир джумлелерининъ хабери эмир фиилининъ шеклинен ифаделенир, лякин, эксериет, эмир экинджи шахыскъа, яни къаршыда тургъан динълейиджиге аит олур. Meселя :Мына бу — сизге. Къардашынъа да бер, берабер ашанъыз, —деп, тенбиледи о, мечи. (А.М.)
Хабери учюнджи шахыста кельген эмир джумлелеринде исе, эмир объекта субетчи киби тайин этильмейип, учюнджи шахыс тек назарда тутулыр. Меселя : Барсын озю чезсин, озюнинъ истегени киби, арекет этсин.
Эмир джумлелерининъ теркибинде -чы, -чи дереджеликлери де иштирак этмелери мумкюн. Меселя : Эльмаз, мында кельчи. (Ю.Б.) Къана, кельчи, бир кучъ сынашайыкъ. Корейимчи, сени не ичюнмакътай экенлер. (М.А.)
IV. Пекитюв.
1.Бугунь дерсте насыл мевзуны кечтик?
2.Дерсте насыл суаллерни бакъып чыкътыкъ?
3.Джумлелернинъ макъсадына коре чешитлери насыл олалар?
V.Баалав.
VI. Эв вазифесини берув: Кунделиклеринъизни ачып эв вазифесини язынъыз. 294-нджи иш.