Как написать адресное письмо

Баараҕай баһыыба! Махталлаах учууталбыт,
Үөрэппит-такайбыт үтүөлээх киһибит!
Дьоһуннаах, соргулаах олоҕу тутуохпут,
Үйэлээх эн ааккын үрдэтэ туруохпут.
Ытык-мааны учууталбыт Елена Егоровна!
Күн сирин күлүмнэс күөнүгэр, оҕо саас сибэккилээх кырдалыгар кыһалҕата суох көмүс кэмнэрбит сылаас ахтылҕана, учууталбыт барахсан, орто туруу бараан дойдуга олорбутун 75 сылынан нохтолоох болуо сүрэхпититтэн истиҥник-итиитик эҕэрдэлиибит!
А буукубаттан саҕалаан ааҕарга үөрэппитин, эбиини, көҕүрэтиини, төгүллээһини өйгө суоттуурга эрчийбитин, доҕордуу буоларга, дьону убаастыырга такайбытын, учуутал диэн киһи олоххо хайдаҕын биллэрбитин . Эн сэмэй, нарын куолаһыҥ, эйэҕэс-сайаҕас майгыҥ, ийэлии сырдык сэбэрэҥ биһиэхэ олох суолуҥ арыйбыта, оскуолаҕа дириҥ тапталы иҥэрбитэ.
Тапталлаах маҥнайгы учууталбыт, сыл-хонук төһө да аастар, илииҥ сылааһа, эйэҕэс көрүүҥ, дьоһун бэйэккэҥ куруутун үтүө холобур буолар, эн оҥорбут оҥкулун биһигини араҥаччылыы, арчылыы сылдьар, ол иһин махтал бастыҥ тылларын анаатахпыт буолуохтун!
Күндү киһибит, аан дойду дьэрэкээн иэнигэр өрүүтүн бүгүҥҥү курдук кэргэниҥ, сөбүлүүр учууталбыт Николай Иванович, оҕолоруҥ, сиэннэриҥ, үөрэнээччилэриҥ тапталларыгар угуттанан сиэдэрэй, быйаҥнаах, толору дьоллоох олоҕу олор, үөрэ-көтө, ыалдьыбакка мичилийэ сырыт, баҕа санааҥ, кэрэ ыраларын туоллуннар!
Махталы кытта үөрэнээччилэриҥ Төхтүр оскуолатын 199...сыллааҕы выпуһа