Саба?ты? та?ырыбы: Тасымал (5 сынып)


Оқу ісінің меңгерушісі: Жармуханов А.К
Күні: 29.02.2014
Сынып: 5 «а» , «ә»
Сабақтың тақырыбы: Тасымал
Сабақтың мақсаты:
1.Білімділік: оқушылардың тасымал туралы білімдерін кеңейту, жаттығу жұмыстары мен қосымша тапсырмалар арқылы бекіту.
2.Тәрбиелік: оқушыларды адамгершілікке, елжандылыққа тәрбиелеу.
3.Дамытушылық: оқушылардың тасымал және оның түрлерін түрлерін ажырата алу дағдыларын арттыру,деңгейлік тапсырмалар беру арқылы логикалық ойлау қабілеттерін арттыру, талдау дағдыларын арттыру.
Сабақтың типі: жаңа сабақты түсіндіру
Сабақтың түрі: дәстүрлі
Сабақтың әдіс-тәсілі: түсіндіру, сұрақ-жауап, жаттығу, салыстыру.
Сабақтың көрнекілігі: тақырыпқа байланысты кесте,үлестірмелер.
Пәнаралық байланыс: қазақ әдебиеті
Сабақтың барысы:

I.Ұйымдастыру кезеңі: 1.Оқушылармен сәлемдесу
2.Оқушылардың сабаққа қатысын тексеру
3.Оқушылардың зейіндерін сабаққа аудару

ІІ. Үй жұмысын сұрау.
306 –жаттығу. Мәтіндегі өздерің қалаған бес сөзді буынға бөліп жазыңдар да, оларды буын түріне ажыратыңдар.
Білім тексеру.
1.Буын дегеніміз не? мысал келтіру
2.Ашық буын дегеніміз не? мысал келтіру
3.Тұйық буын дегеніміз не? мысалдар келтіру.
4.Бітеу буын дегеніміз не? мысалдар келтіру
ІІІ. Жаңа тақырыпты түсіндіру: Тасымал
Сөздің жолға симаған бір я бірнеше буынын келесі жолға тасымалдауға болады Сөздің жолға сыймаған бөлігін екінші жолға тасымалдау буын жігінен жасалады. Мысалы:са-бақ, мек-теп, таңер-теңгі, таң-ертеңгі. Мына сияқты санаулы сөздерде тасымал дауыстыдан басталады: жу-ын, қи-ыр, ти-ын, бу-ын, жи-ын.
Мына төмендегі сөз түрлерін тасымалдауға болмайды.
Бір буынды сөздерді тасымалдауға болмайды. Мысалы:от,кел,ет, қарт,т.б.
Сөздің бір әрпін келесі жолға тасымалдауға болмайды. Сондай – ақ ата, аю, кею, сия, қия сөздеріндегі и,а,я,ю әріптерін тасымалдауға болмайды.
А.Құнанбаев, М. Жұмабаев деген сияқты қысқартылып жазылған кісі атын оның фамилиясынан бөліп тасымамдауға болмайды.
Қысқартылып жазылған өлшем атауларын (км, кг, г, м, см, мм, т.б) алдындағы саныннан бөліп тасымалдауға болмайды: 10кг, 25км.
Бас әріптері және бас әріп пен сөздің басқа буыны арқылы қысқарған сөздер тасымалданбайды. Мысалы: АҚШ, ТМД, ҚазҰУ, АлҰУ, т.б.
І V. Түсінік тексеру. Оқулықпен жұмыс
310-жаттығу (І топ)
Суреттер топтамасындағы 13 – суретке зер салып қараңдар.
Сонан соң мәтінді мәтінді буынға бөліп көшіріп жазыңдар.

311–жаттығу (ІІ топ)
Сөздерді әуелі буынға бөліп және жолға тасмалдап жазыңдар.
312-жаттығу (ІІІ топ)
Мәтінді көшіріп жазып, тасымалдауға болмайтын сөздердің астын сызыңдар.
Екі сөйлемді тасымалдап жазыңдар.
V. Жаңа сабақты бекіту
Сұрақ-жауап:
Тасымал дегеніміз не? бір сөзді тасымалдап айт?
Дауыстыдан басталатын тасмалдарға мысал келтіріңдер?
Қандай сөздерді тасымалдауға болмайды, мысал келтіріңдер?

VI. Үйге тапсырма
Бағалау
Үйге тапсырма:
1Тасымал туралы түсінік.
2. 313 –жаттығу.
Бояубаев жазған төмендегі сурет-жазуды қазіргі әріп жазуымен жазып шығыңдар.
Өздерің жазған мәтіннің әрбір сөзін буынға бөліп, олар буынның қай түріне жататынын анықтаңдар.