Открытый урок Кие сась казневтеме С.М. Люлякинань стихотворениянзо коряс

Ютавтызе Афонькина Т.А.























Темась: С.М.Люлякинань «Кие сась казневтеме» стихотворениясь. Прилагательнойде кемекстамось.
Целесь: 1. Тонавтомс эйкакштнень выразительнасто ловномо.
2. Кемекстамс ды домкалгавтомс эйкакштнень содамочист прилагательнойтнень коряс.
3. Кастомс вечкема сыре ломантненень.
4. Тонавтомс эйкакштнень паро тевень тееме.

УРОКОНЬ МОЛЕМАСЬ:
Организовамонь моментэсь.
Кудонь важодемань ванномась «КАЗНЕ» ёвтнеманть ванномазо.
Темань ды целень ёвтамось.
Ютазь материалонть мельс лецтямось:
Мезе истямо прилагательноесь?
(кортамо пелькс)
Мезе сон невти?
Кодамо кевкстема лангс сон отвечи?
(кодамо? кодат?)
Кодат валтнэнень мерить синонимть?
(вейкеть смустень коряс ды аволь вейкеть сёрмадомань коряс)
Эсь пачкань важодема.
Теемс 333-це упражнениянть.(Муемс синонимтнень максозь валтнэнень. Арсемс колмо валрисьметь).
Эсь пачкань важодементь ванномазо: ваннови, кода теезь 333-це упражнениясь.
Вейсэнь важодема: ваннови, кода эряви теемс 334-це упражнениянть.
Эсь пачкаст важодема: теемс 334-це упражнениясть. (Сёрмадомс сеть признактнень, конатне арыть ладс эсеть бабатень. Кода сырькаеть лемезэ, тетя лемезэ ды фамилиязо? Кода сонензэ мерить тетят ды ават?
Эсь пачкаст важодеманть ванномазо: ваннови, кода теезь 334-це упражнениясь.
10.Налксема «КАЗНЕНЬ МАКСОМА ДЫ САЕМА».Эряви: казненть саемстэ кенярдозь меремс «сюкпря!»; калавтомс тапарксонть ды седеяк кенярдозь ещё весть ёвтамс «сюкпря!». Кенярдомс эряви невтемс мик сестэяк, зярдо казнесь мелезэть аволь пек тусь. Малавикс ломанесь чама умарьс палама. Казнень максыцясь мери: «ИНЕСЬКЕТЬ!»
зярдо максниде казне малавикс ломаннень?
зярдо тыненк меельцеде макснесть казнеть?
ёвтынк эрзякс эсенк чачома чинк?
11.Ёвтнема С.М.Люлякинадо: ёвтнить эйкакштне, мезе помнить икеле ютазенть эйстэ.
12. Обобщения (С.М.Люлякинань эрямокидензэ теи учителесь).
С.М.Люлякина чачсь 1922 иень медьговонь (июлень) 29 чистэ Самара ёнксонь Похвистневбуень Ягодной велесэ. Сокицянь – видицянь семиясо. Шкатне стакальть: прядсь ансяк ушодомань школа. Вишка пингстэ саезь тейнесь кулоютконь тевть, важодсь колхозсо. Вельть вечксь морот, кассь вайгелев тейтерекс. Эсь перьканзо пурнакшнось моронь вечкицят, конатнень марто ардтнесь Россиянь ламо оштнева ды велетнева. А весть казнезь моронь фестивалень Дипломсо.
Кода сёрмадыця, С.М.Люлякина сехте пек кассь, зярдо сась эрямо Саран ошов. Тесэ лиссть зярыя книганзо.
Сёрмадсь ламо морот. Минь тынк марто морсекшнынек зярыя моронзо: «Эрзянь кель», «Семеричка карть».
С.М.Люлякина трясь – кастась кавксо эйкакшт. Сонзэ ламо нуцьканзо.
Течи минь тынк марто ловносынек сонзэ стихотворениянзо «Кие сась казневтеме?» ды ёвтасынек, кона нуцькась эзь кандо казне.
13. «Кие сась казневтеме?» стихотворениянть ловномазо. Ловны учителесь.
14. Важодема а чарькодевиця валтнэнь лангсо.
Семеричка – карть, конат кодазь сисем ленгстэ
Вежениць – сехте вишкине, остатка
Пижень – медной
Паля – оршамо, платия
Паця – платок (квата)
Жомкат – эсензэ паневть лепёшкат
Калацясь – прякат
15. Эсь пачкаст важодема. Тонавтницятне ловныть эсь пачкаст «Кие сась казневтеме?» стихотворениянть.

16. Вейсэнь важодема.
1) Марявозь стихотворениянть ловныть тонавтницятне
2) Ёвтама прилагательнойтнень сеть существительнойтнень марто, конатнень эйстэ сынест максовить кевкстнемат (семеричка карть; веженць нуцькинезэ; викшнезь паля; пижень суркс; цецяв, мазый паця; сёрмав цюлкат; тантей жомкат; чевтель калацясь).
17. Эсь пачкаст важодема. Сёрмадомс стихотворениястонть прилагательнойтнень сеть существительнойтнень марто, конатнень эйстэ сынест максовить кевкстемат.
18. Карточка марто важодема.
Путомс существительнойтнень ламонь числань формасо:

тарваз - коцт -
эмеж – парго -
нурдо – палмань -
карго – пель -
кшумань - ундо –

2. Путодо, козонь эряви чевте знак (ь)
Пил_гтне, пел_сь, с_камонзо, пеидевт_сы, пандят_не, ормалгад_сь, вайгел_т_, тер_деме, сел_мензэ, ортат_не.

3. Сёрмадомс предметэнь признакост:

Модась (кодамо?)
Чувтось (кодамо?)
Школась (кодамо?)
Эйкакштне (кодат?)
Цёрынесь (кодамо?)


18. Уроконь итогось. Ютавтови итог весе уроконть коряс, путневить оценкат.
19. Кудов заданиясь. «Кие сась казневтеме?» стихотворениянть тонавтомс наизусть ды 338-це упражнениянть сёрмадомс тетрадьс (путомс, козонь эряви чевте знак (ь).








13PAGE 15


13PAGE 14515




15