Рабочая программа по мордовской литературе (6 класс)

Пояснительнай запискась
Котоце классонь покодемань программась кочкаф, нежедемок мокшэрзянь литературань программать лангс, конань аноклазь 5-11 классненди Е.И. Азыркина, А.М. Катарова, А.И. Брыжинскяй. Сон кемокстаф Мордовия Республикань Образованиянь министерстваса и нолдаф Саранскяйса, мордовскяй книжнай издательстваса 2010 кизоня. Тяфта жа программась кочкаф основной базиснай Левжиень школань учебнай планть коряс.
Тя программась ладяф 6 классонь тонафнихненди.
Тонафнемань предметть характеристикац
Лама лия предметтнень ёткста, конат тонафневихть школаса, няевикс васта максови мокшэрзянь литературати. Сон лезды тонафнихненди шарьхкодемс эряфть, перьфпяльдень явлениятнень, крхкалготфтсыне тевснон – мяльснон, козякофтсыне кяльснон – валснон, кеподьсыне корхтамань и сёрмадомань кялень культураснон, келептьсыне эстетическяй ванфксснон.
Литературань произведениятнень вельде тонафнихне сяда цебярьста кармайхть содама эсь народснон тевонзон – мялензон, иланзон, сонь кяль – валонь мазышинц и эряфонь киса смузенц, сядонгольдень эряманц – ащеманц.
Эсь кяльса сёрматф произведениянь тонафнемась панжи кели ки рузонь литературать шарьхкодеманцты и сонь вельденза лия нароттнень литератураснон содаманцты, сон лезды сяда тёждяста шарьхкодемс сембе искусствань виттнень: киноть, театрать, живописть, музыкать и лиятнень.
Родной литературась кемоста сотневи эряфть мархта, сяс и полафксне, конат молихть тя пингста, фалу эрявихть кирдемс мяльса сонь тонафнемстонза.
Урокса произведениятненди идейно - художественнай питнеть путомста сави кирдемс мяльса нравственнайть и эстетическяйть. Анализонь тиемста васенда эряви шарфтомс мяль общечеловеческяй проблематнень панжемаснонды, азомс эряфста писательть ванфонц видеть – аф видеть лангс, кодама художественно - выразительнай средства вельде авторсь панчсесыне геройхнень тевснон – валснон, потмоёжснон, ванондсы кялень козяшить. Тяка пингоня шабатне аф ламонь – аф ламонь тонафнихть арьсема, эсь мяльснон – арьсемаснон азондома, пара тефнень и афсатыкснень няема.
Лама лия предметтнень ёткста, конат тонафневихть школаса, няевикс васта максови мокшэрзянь литературати. Сон лезды тейст шарьхкодемс эряфть, перьфпяльдень явлениятнень, крхкалготфтсыне тевснон – мяльснон, козякофтсыне кяльснон – валснон, кеподьсыне корхтамань и сёрмадомань кялень культураснон, келептьсыне эстетическяй ванфксснон.
Литературань произведениятнень вельде тонафнихне сяда цебярьста кармайхть содама эсь народснон тевонзон – мялензон, иланзон, сонь кяль – валонь мазышинц и эряфонь киса смузенц, сядонгольдень эряманц – ащеманц.
Рабочай программатть эса тифт полафкст:корхтамань и сёрмадомань кялень навыкнень касомаснонды программаса максовихть 4 част. Ня урокнень эса эряви тонафтомс шабатнень мазы и шарьхкодеви валса эсь мялень азома, беседань вятема, лиянь корхтамань кулхцондома, эсь кялезост валмуворксонь и цитатань сувафнема. Родной литературань урокса лувомань занятиятне лездыхть крхкалгофтомс и кемокстамс урокса ётаф материалть, кеподемс теориянь содамошитнень, келептемс эряфть лангс ванфксть, сяда лацкас кельгомс тонцень кяльцень и литературацень.
Литературань процессь аф ащи фкя вастса, эвондайхть писателень од лепт, цебярь произведеният, сяс эряви старандамс, штоба шабатне улельхть анокт одонь вешема и содама

Цельсь и задачатне
Родной литературань урокнень инголи путневи цель – тонафтомс шабатнень родной кяльть и литературать вельде шарьхкодемс эсь народснон историянц и тяниень пингонь эряманц.
Дисциплинать задачанза: 
- максомс тонафнихненди содамашит мокшэрзянь литературать жанровай системанц колга;
- содамс текстовай материалть;
- шарфтомс тонафнихнень мяльснон произведениятнень художественнай ширде питнеснон ваномаснонды;
- пачфтемс тонафнихненди литературать художественно-эстетическяй питнеширенц.
Тонафнемань предметть вастоц учебнай планть эса
Учебнай планть эса литературать тонафнеманцты максф 34 ч. (1час недяляти).
Учебно- методическяй обеспечениясь
Мокшэрзянь литературань программат. 5 - 11 классненди. - Саранск, 2010.
Е. И. Азыркина. Родной литература. Саранск, морд. кн. изд., 2015к.
В.А. Меркушкин, Н.С. Нарваткин. Методическяй руководства «Родной литература» хрестоматияти. Саранск, морд. кн. изд., 1976к.
И.М. Куркин. Методическяй разработкат литературань урокненди. Саранск, морд. кн. изд., 1972к.
А.Д. Шуляев. Народть мяляфтомац пефтома. Саранск, морд. кн. изд., 1993к.
Ваймонь лихтибрят. «Мокшеть» и «Якстерь тяштенять» книгасна.
А. Алешкин. Арьсемат. Саранск, морд. кн. изд., 1989к.
Н. Черапкин. Мордовскяй советскяй литература. Саранск, морд. кн. изд., 1984к.
М. Имяреков. Писательсь и эряфсь. Саранск, морд. кн. изд., 1992к.
М. Малькина. Эряфть вайгяленза. Саранск, морд. кн. изд., 2005к.
Диск. Сказки финно-угорских народов.

Шабатненди эряви сатомс тяфтама результатт:
Личностнайхть:
-шарьхкодемс мокшень кяльть вастонц эряфса, фкя-фкянь ёткса корхтамста, перьфпялень ванфтомста;
-маштомс кочкаф содамошитнень и сатфкснень нолямс школань и эрь шинь эряфса;
-касфтомс маштомашитнень ялга и оцю мархта прянь вятема; шабрань ломаттнень мархта сотксонь кирдема;
- содамс иттненди народоньконь эряфста мокшетнень эряма койснон, унксснон.
Метапредметнайхть:
- маштомс мушендома разнай источникста информация;
- маштомс кулхцондома ялгать и вятемс диалог;
- максомс анализ и оценка тиф заданиятненди;
- маштомс корхтама мокшень кяльса.
Предметнайхть:
- содамс тонафнеф художественнай текстттнень содержанияснон;
- маштомс мушендома изобразительно – выразительнай средстватнень.
- содамс тяфтама понятиятнень: народнай ёфкс, содама ёфкс, лувомка, кяльяжамка, литературнай ёфкс, аллегория, басня, пьеса, пейзаж, литературнай герой, олицетворения, эпитет.

Мокшэрзянь литературать дисциплинать потмоширец.
Ушетксонь вал
Кельгома авторхне и кельгома произведениятне.
Устнай народнай творчествась
Народнай ёфкст: «Юртай», «Цёра – богатырь»
Ёфкснень колга шабатнень содамошиснон кемокстамасна. «Юртай» ёфксса тонафнемать эрявиксшинц шнамац. Скупой шить сялдомац. Магическяй числатнень смузьсна.
«Цёра – богатырь» ёфксть содержанияц и смузец. Геройхнень обуцясна, видешить инкса тюремасна. Гиперболать ролец богатырть обуцянзон няфтемаса.
Литературань теориясь. Гиперболать колга шарьхкодемась.
Валмуворксне.
Валмуворкссь кода устнай народнай творчествань жанра. Сонь эсонза народть ёнюшинц и смузенц няфтемац. Валмуворкснень тиевомасна, виде и ётафтф смузьса молемасна. К.Т. Самородов – мокшень и эрзянь валмуворкснень кочкайсна и тонафнисна.
Литературань теориясь. Валмуворкснень шарьхкодемасна.
Легендатне и преданиятне.
Легендатне – устнай народнай творчествань жанра. Ломанть и божестватнень ёткса сотксне.
«Кода тиевсь модась» легендаса божестватне.
«Тяшттнень тиевомасна» легендаса Каргонь Кить тиевомац.
Преданиятнень юрс афкуксоннеть путомац. Преданиятнень маладомасна историческяй моротненди.
«Мамолаево велеть историяц» преданияса путф событиятне.
«Вару» преданияса ляйть лемдеманц туфталоц.
Литературань теориясь. Легендатнень и преданиятнень колга шарьхкодемась.
Мезе эряви содамс и маштомс тонафнихненди:
- маштомс мушендома разнай источникста информация;
- тонафнеф писательхнень эрямань и творчествань киснон;
- содамс тонафнеф художественнай текстттнень содержанияснон;
- маштомс мушендома изобразительно – выразительнай средстватнень;
- содамс тяфтама понятиятнень: ёфкс, валмуворкс, легенда, предания.
Фольклоронь мотифнень коряс сёрматф произведениятне.
Василий Иванович Радаев «Варда»
Фольклоронь мотивонь коряс мокшень и эрзянь кяльса сёрматф литературань произведениятне. Синь эсост фольклорть вастоц.
В.И. Радаевонь легендаса кунардонь пингть няфтемац, ногайхнень каршес тюремась. Нижняй Новгородса Кремлять идемац. Вардань образоц. Сонь подвигонзон и родной масторть инкса педа – пес ащеманц няфтемста художественнай средстватнень вастсна. Витовань и Вежалянь образсна. Вельдест покодемати и видешити мокшэрзянь народть кельгоманц няфтемац. Кяжи и седифтома ногаецнень образсна. Легендаса перьфпяльть вастоц. Произведениять кялень козяшиц.
Дмитрий Степанович Куляскин. «Пичай»
Д.С. Куляскинонь эряфонь и творческяй киц. «Пичай» стихса сёрматф ёфксть содержанияц и темац. Пичаень родной масторть и народть воляшинц инкса ащемац. Геройть пара ваймоц и аф пелезь тюремац. Произведенияса сельмонь каяй и жаднай ломаттнень сялдомасна. Геройхнень обуцяснон панжемста пейзажть вастоц. Ёфксть кяль – валонь козяшиц.
Григорий Ильич Ельмеев. «Ёжка»
Г.И. Ельмеев – мокшень талантливай поэт. Великай Отечественнай войнаса улемац. «Ёжка» ёфксть сотксоц народнай поэзиять мархта. Произведенияса фантастическяй обраснень вельде патриотическяй темать панжемац. Ёжка цёранять образоц. Сонь образонц вельде цебярть и кальдявть няфтемац.
Мезе эряви содамс и маштомс тонафнихненди:
- маштомс мушендома разнай источникста информация;
- тонафнеф писательхнень эрямань и творчествань киснон;
- содамс тонафнеф художественнай текстттнень содержанияснон;
- маштомс мушендома изобразительно – выразительнай средстватнень.
Мокшетнень и эрзятнень сядынгольдень эряфсна
Кузьма Григорьевич Абрамов. «Сараклыч»
К.Г. Абрамовонь творчестваса историческяй темась. «Сараклыч» поэмаса мокшэрзятнень кунардонь пингонь эряфснон няфтемац. Канявань и сонь цёранц Тиньгаень образснон вельде родной масторть ванфтоманц няфтемац. Ногайхнень равжа ваймоснон няфтемасна. Произведенияса мокшэрзятнень и руснень ёткса ялгаксшись.
Николай Иванович Учватов «Маркуз и Лундан»
Н.И. Учватовонь эряфонь и творческяй киц. «Маркуз и Лундан» повестьса мокшэрзятнень кунардонь – пингонь эряфснон колга азондомась. Койхне и обычайхне. Кяль – валонь козяшись.
Пётр Семенович Глухов «Кедровай пяштть»
Писательть эряфонь и творческяй киц.
«Кедровай пяштть» васенце азксонц «Васень сяткт» мокшэрзянь прозань и стихонь сборникса печатламац. Палькань образоц. Ломанть и перьфпяльть ёткса сотксне. Пейзажнай картинатнень смузьсна. Кялень художественно – изобразительнай средстватне.
Литературань теориясь. Конфликтть колга шарьхкодемась.
Василий Иванович Ардеев «Кешань приключениянза»
Произведениять сотксоц писательть эряфонь кинц мархта. «Кешань приключениянза» повестьса тайгань пефтома вирьхнень, Сибирень ляйхнень мазышиснон няфтемасна. Тайгаса эряй ломаттнень эряфсна. Сталмотнень, сяськоматнень колга корхтамась тячиень пингонь полафткснень мяльс сявозь. Кешань и Гришань тевсна – валсна, мяльсна – арьсемасна, обуцясна и эрь кодама прябалас повомасна. Перьфпяльть закононзон цебярьста содамасна.
Литературань теориясь. Приключениянь литературать колга шарьхкодемась.
Мезе эряви содамс и маштомс тонафнихненди:
- маштомс мушендома разнай источникста информация;
- тонафнеф писательхнень эрямань и творчествань киснон;
- содамс тонафнеф художественнай текстттнень содержанияснон;
- маштомс мушендома изобразительно – выразительнай средстватнень;
- содамс тяфтама понятиятнень: кофликт, приключениянь литературась.
Мокшетнень и эрзатнень Великай Отечественнай войнать пингста и войнада меле эрямаснон няфтемасна.
Роман Романович Федькин. «Ёмла партизан»
Р.Р. Федькинонь эряфонь и творческяй киц. Литератураса васенце аськолксонза. Великай Отечественнай войнаса улемац.
«Ёмла партизан» поэмаса советскяй ломаттнень эряфонь апак ужяльтть тюремасна. Вася церанять образонц вельде войнань пингонь иттнень тевснон, прянь вятемаснон няфтемасна.
Литературань теориясь. Поэмать колга шарьхкодемась.
Надежда Степановна Живайкина. «Тядязень пильксонза»
Н.С. Живайкинать эряфонь и творчествань киц. Стака идькс пингоц. Путфксоц мокшэрзянь литературав.
«Тядязень пильксонза» азксса войнань стака кизотнень колга азондомась. Ломаттнень фкя – фкянди стака пингть лездомасна. Семьяса фкя – фкянь ёткса ладяматне. Мокшэрзятнень койснон – обуцяснон няфтемасна.
Литературань теориясь. Азксть колга шарьхкодемась.
Николай Лазаревич Иркаев. «Алешка»
Н.Л. Иркаев – иттненди сермады содаф писатель. Лама жанраса покодемац.
«Алешка» повестьса войнада мельдень мокшэрзянь велеть эряфонц няфтемац. Оцюфнень и иттнень ёткса ладяматне. Алешкань и Андрейкань обуцясна, прянь вятемасна. Митричень и Федькань аф фкакс прянь вятемасна.
Литературань теориясь. Прозань виттнень колга шарьхкодемась.
Петр Уварович Поздяев (Гайни). «Шачем край»
П.У. Гайнинь эряфонь и творческяй киц. «Шачема край» стихотворенияса поэтонь лямбе арьсематне шачема ширть колга. Стихотворенияса кялень козяшись, выразительнай средстватне.
Литературань теориясь. Сравнениять колга шарьхкодемась.
Раиса Константиновна Орлова. «Мордовиязе, гайняк!», «Мокшень кяль»
Р.К. Орловань эряфонь и творческяй киц. Тонафнема кизотне. Велень школаса покодемась.
«Мордовиязе, гайняк!» стихотворенияса шачема ширть образоц. Сравнениятнень смузьсна.
«Мокшень кяль» стихотворенияса шачема кяльть ванфтоманц эрявиксшиц.
Петр Иванович Левчаев «Бродяжка», «Ласкань седи»
П. И. Левчаевонь эряфонь и творческяй киц. Идень кудса улемац.
«Бродяжка2 азксса пинеть образонц вельде ломаньца ломаннеть няфтемац. Перьфпяльдень ванфтомань темась. Сибирень ломаттнень эрямаснон, койснон – обуцяснон колга азондомась. Произведенияса кяль – валонь козяшись.
«Ласкань седи» новеласса тядянь кельгомать виец.
Литературань теориясь. Новеллать колга шарьхкодемась.
Федор Семенович Атянин. «Надя»
Ф.С. Атянинонь эряфонь и творческяй киц. Идень кудса улемац. Путфксоц мокшэрзянь литературав. «Надя» азксса нравственностень прябалань путомась. Надянь и Женянь ёткса аф ладямась. Сельмонь каямать сялдомац.
Василий Никанорович Радин. «Шувароеь кельгихть», «Мекольце аськолкссь.
В.Н. Радинонь эряфонь и творческяй киц. Великай Отечественнай войнаса улемац. «Шуваронь кельгихть» азксса шачема масторти пефтома кельгомась. Мокшэрзятнень кунардонь эряфснон няфтемац. Произведениять кяль-валонь козяшись. «Мекольце аськолкссь» азксса учительть и ученикнень ёткса аф ладяматне. Тонафтыть образоц.
Иван Алексеевич Калинкин. «Катф куд», «Валть виец»
И.А. Калинкинонь эряфонь и творческяй киц. Васенце аськолксне литератураса. Поэзиянь жанраса сатфксонза. «Катф куд» стихотворенияса велетнень срадомасна – каладомасна. Художественно – изобразительнай средстватне.
«Валть виец» стихотворенияса ломанень обуцять няфтемац. Шавос корхни ломаттнень сялдомасна.
Александр Макарович Доронин. «Сермань канни», «Апак нардак сельмоведь», «Краезень тядяц – Россиясь»
А.М. Доронинонь эряфонь и творческяй киц. Рана тядяфтома лядомась.
«Сермань канни» стихотворенияса идень сельмоса войнать сталмонц няфтемац.
«Краезень тядяц – Россиясь» произведенияса патриотическяй мяльхне-арьсематне. Шачема крайти кельгомась.
«Апак нардак сельмоведь» стихотворенияса перьфпяльть ванфтоманц эрявиксшиц. Произведенияса кялень художественнай средстватнень смузьсна

Тематическяй планированиясь
№ п/п Наименование разделов и тем Максимальная нагрузка учащегося, ч. Из них
Теоретическое обучение, ч. Лабораторные и практические работы, ч. Контрольная работа, ч. Экскурсии, ч. Проектная работа Самостоятельная работа, ч.
1 Ушетксонь вал. Устнай народнай творчествась
2 2 - - - - -
2 Валмуворксне. Легендатне и преданиятне
2 1 1 - - - -
3 Фольклоронь мотифнень коряс серматф произведениятне
6 6 - - - - -
4 Мокшетнень и эрзятнень сядынгольдень эряфсна
12 10 2 - - - -
5 Мокшетнень и эрзятнень Великай Отечественнай войнать пингста и войнада меле эряфснон няфтемасна
12 11 1 - - - -
Марнек 34 30 4 - - - -


Календарно-тематическяй планированиясь
№урока
(сквозная нумерация) Раздел, тема Кол-во часов Дата проведения по плану Дата проведения по факту
1 Ушетксонь вал. Устнай народнай творчествась
Кельгома авторхне и кельгома произведениятне.Народнай ёфкст. «Юртай» 1 2 «Цера богатырь» ефксть содержанияц и смузец 1 3 Валмуворксне. Легендатне и преданиятне
Валмуворксне. Содама ёфксне. Легендатне и преданиятне 1 4 К/к Од содама ёфксонь арьсемась
1 5 Фольклоронь мотифнень коряс серматф произведениятне
В. И. Радаевонь (Радин-Аловский) эряфонь и творческяй киц. «Варда» легендаса кунардонь пингть няфтемац 1 6 Вардань и лиянь образсна. Легендаса перьфпяльть вастоц. 1 7 Д.С.Куляскинонь эряфонь и творческяй киц.
«Пичай» стихса серматф ефкссь.Содержанияц и темац. 1 8 Гаройть пара ваймоц и аф пелезь тюремац.
Пейзажть вастоц. 1 9 Г. И. Ельмеевонь эряфонь и творческяй киц. «Ежка» ефксть коряс работась 1 10 Ежка церанять образоц. Цебярьсь и кальдявсь произведенияса 1 11 Мокшетнень и эрзятнень сядынгольдень эряфсна
К.Г. Абрамовонь эряфонь и творческяй киц. «Сараклыч» поэмаса мокшэрзятнень кунардонь пингонь эряфснон няфтемац 1 12 Канявань и сонь церанц Тиньгаень образсна.Устнай народнай творчествань мотифне 1 13-14 Сочинения «Сараклыч» поэмать коряс 2 15 Н. И. Учватовонь эряфонь и творческяй киц. «Маркуз и Лундан» повестсь 1 16 Кунардонь пингонь койхнень и обычайхнень няфтемасна. Литературнай геройхне повестьса. 1 17 П. С. Глуховонь эряфонь и творческяй киц.
«Кедровай пяштть» азкссь 1 18 Палькань образоц. Пейзажнай картинатнень смузьсна 1 19 В. И. Ардеевонь (Виард) эряфонь и творческяй киц.«Кешань приключениянза»повестсь. Тайгаса эряй ломаттнень эряфсна
1 20 Кешань и Гришань тевсна-валсна, мяльсна-арьсемасна 1 21 Сталмотнень, сяськоматнень колга корхтамась. Перьфпяльть закононзон содамасна 1 22 Мокшетнень и эрзятнень Великай Отечественнай войнать пингста и войнада меле эряфснон няфтемасна
Р. Р. Федькинонь эряфонь и творческяй киц. «Емла партизан» поэмась. Ломаттнень эряфонь апак ужяльтть тюремасна. 1 23 Вася церанять образоц. Пейзажть смузец. 1 24 Н.С. Живайкинань эряфонь и творческяй киц. «Тядязень пильксонза» азкссь. Войнань стака кизотнень колга азондомась 1 25 Н. Л. Иркаевонь (Никул Эркай) эряфонь и творческяй киц. «Алешка» повестстьса войнада мельдень велеть эряфонц няфтемац 1 26 Алешкань, Андрейкань, Митричень и Федькань образсна 1 27 Повестть художественнай ширенза, кизонь, сексень картинатнень няфтемасна 1 28 П. У. Поздяевонь (Гайни) эряфонь и творческяй киц. «Шачема край» стихотворенияц.
Р. К. Орловань эряфонь и творческяй киц. «Мордовиязе гайняк», «Мокшень кяль» стихотворениятне 1 29 П. И. Левчаевонь эряфонь и творческяй киц. «Бродяжка» азкссь и «Ласкань седи» новеллась
1 30
Ф. С. Атянинонь эряфонь и творческяй киц. «Надя» азксса нравственностень прябалань путомась
1 31 В. Н. Радинонь эряфонь и творческяй киц. «Шуваронь кельгихть» азксса шачема масторти пефтома кельгомась 1 32 «Мекольце аськолкссь» азксса учительть и ученикть еткса аф ладяматне. Тонафтыть образоц 1 33
И. Калинкинонь эряфонь и творческаяй киц. «Катф куд», «Валть виец» стихотворениятне.
А.М.Доронинонь эряфонь и творческяй киц. «Сермань канни», «Апак нардак сельмоведь», «Краезень тядяц – Россиясь»
стихотворениятне 1 34 Сочинения «Инь кельгома произведениязе мокшэрзянь литератураса» 1


Полафтомань лопанясь тематическяй планированияса
№ записи Дата Изменения,
внесенные в КТП Причина Согласование с зам. директора по УР