Сочинени ?рдзы ?рфыст авзаг
Урочы темж: Сочинени-жрдзы жрфыст.
Урочы нысантж:
1. Скъоладзауты бацжттж кжнын сочинени-зымжгон жрдзы жрфыст фыссынмж. Дзургж жмж фысгж ныхасы ржзтыл бакусын.
2. Жрдзурын тексты теорийы фарстатыл.
3. Ахуырдзаутжм гуырын кжнын жрдзмж уарзондзинад, эстетикон жнкъаржнтж.
Урочы цыд:
I. Бацжттжгжнжн ржстжг.
II. Урочы темжйыл куыст.
1-аг хжслжвжрд.
Уж зжрдыл жрлжууын кжнут, цы у текст.
2-аг хжслжвжрд.
Уж зжрдыл жрлжууын кжнут тексты (ныхасы) хуызтж.
Цы у жрфыстон текст? Цжмжй хицжн кжны ныхасы иннж хуызтжй?
3-аг хжслжвжрд.
Бакжсут.
Хъжды баталынг.
Зымжджы хъызт иннжрджм хизы бжлжсты зжнгты, фыруазалжй сж къжс-къжс цжуы. Жвзист халас рог тъыфылтжй сынджггай згъжлы зжхмж. Стъалытж ныйирд сты арвыл, цжхжртж калынц.
Зымжгон хъжд ныссабыр, иу сыбыртт никжцжй хъуысы.
Фжлж уазал зымжгон жхсжв джр хъжджн йж сусжг цард не ’рлжууы. Кжмджр ныккжрц кодта салд къалиу – бжлжсты бынты гжппытжгжнгж азгъордта тжрхъус. Бжзджын хъжлжсжй ныууасыд зжронд уыг. Нынниудтой, стжй жвиппайды фжсыкк сты биржгътж. Йж лыстжг фждтж митыл уадзгжйж, азгъордта мыстулжг, тжхсал (хорек) хъуыддагхуызжй фжуайы мыстытыл цуан кжнынмж, жнжуынжржй миты хъжпжнты сжрты атахтысты уыгтж.
Жрмжст ма бжласы къалиуыл, аргъауы жхсжвгжсау, бады уыджы лжппын. Жхсжвы тары иунжг уый уыны зымжгон хъжды сусжг цард, аджймаджы цжстжй жмбжхст чи у.
(Калоты П.)
Куыд ужм кжсы, скъуыддзаг текстыл банымайжн ис жви нж? Уж хъуыды бафидар кжнут, лжвжрд пъланмж гжсгж йж равзаргжйж.
1. Темж. (Тексты ныхас цжуыл цжуы, уый). Сжргонд.
2. Тексты сжйраг хъуыды (Автор цы зжгъынмж хъавыд?).
3. Ныхасы стиль (хуымжтжг ныхасы, аив литературон, публицистон, наукон, официалон-хъуыддаджы).
4. Тексты хуыз (жрфыстон, тауржгъон, тжрхжттж).
5. Хъуыдыйждты бастдзинад тексты (цжгон, параллелон).
6. Архайды афон тексты (мивдисджыты афонтж).
7. Тексты лексикон анализ: тексты аивгжнжн мадзжлттж.
Хжслжвжрдтж текстмж:
Сбжржг кжнут тексты стиль жмж функционалон хуыз.
Лжмбынжг жркжсут тексты аржзтмж. Куыд аржзт у жрфыст? Цжй жрфыст у (предметы, бынаты, уавжры)?
Текстжн сжргонд жрхъуыды кжнут.
Текстжн пълан бацжттж кжнут.
Зжгъут, цавжр архжйдтытж жвдыст цжуы тексты – иу ржстжджы цжуынц жви кжрждзи фждыл? Цавжр мивдисджытжй жвдыст сты архжйдтытж (жххжст хуызы, жнжххжст хуызы)?
4-жм хжслжвжрд: Бакжсут скъоладзауы фыст сочинени. Цавжр рждыд дзы бафиппайдтат? Рафыссут жй, йж рждыдтытж раст кжнгжйж.
Жрбахжццж стжм хъждмж.
Зымжг. Бжлжсты къалиутж миты ужзжй жркъул сты. Сж сжрмж – сыгъджг цъжх арв. Хъжды астжужй хъуысы хъждхойы къупп-къупп. Хорз у зымжгон хъжды! Митыл зынынц тжрхъусы фждтж. Бжлжсты къалиутыл рагжпп-багжпп кжнынц цъиутж. Къалиу куы базмжлы, ужд миты тъыфылтж жрызгъжлынц. Мит хурмж жрттивы.
5-жм хжслжвжрд: Бакжсут зымжгимж баст жмбисжндтж-цжстдаржнтж. Бацамонут сын сж хъуыды.
1) Хъызт зымжг кжндзжн – дудахътж тжхынц (дудахъ – дрофа).
2) Хъжбжр зымжг – къжрц уалдзжг.
3) Зымжгон хурхжтжны дон цжй бжрц сабуза, сусжны цъитидоны ивылд джр уый жрфжн у.
4) Зымжгон жхсжв афждзы джргъжн у.
5) Зымжгон бон ыскжс жмж ныккжсжй ужлдай нжу.
6) Зымжгон боныл жуужнк нжй.
7) Зымжгон фжндагыл рагацау цжуын хъжуы.
8) Зымжгон фжндагыл къах фжллайаг у.
6-жм хжслжвжрд: Бакжсут текст. Цавжр у йж стилистикон ахуырст? Цжмжй бжржг у?
Боныхъжд:
Райсомжй ужлджфы температурж уыд 2 градусы уазал. Уымжлад 80%. Фжнджгтж сты бырынцъаг. Сихоржй ужлджфы температурж уыдзжн 1-2 гардусы хъарм. Ранжй-ржтты уардзжн мит. Хжхты тжссаг у зжйтж рацжуынжй.
7-жм хжслжвжрд:
Равзарут, зымжгон ныв равдисынжн жххуыс чи фжуыдзжн, ахжм дзырдтж, дзырдбжстытж.
Арв: цъжх, сыгъджг, ирд, мигътжй жхгжд, бжрзонд, жгжрон, зымжгон, ныллжг, талынг, райдзаст, тар.
Хъжд: стыр, тар, бжзджын, хихджын, жрыгон, зжронд, бжласджын, зазджын, сабыр, сыфтжрджын, къутжрджын.
Боны хъжд (ржстжг, бон):
хорз бон, хур бон, ирд бон, хъарм бон, дымгж бон, уазал бон, хус бон, уарынджын ржстжг, хъызт бон, асжст бон, райдзаст бон, жнтжф ржстжг, тжвд бон, сур ржстжг, мигъ бон, къжвда бон, уаргж бон.
Мит: урс-урсид, хжмпус, рог, хуылыдз, ужззау, уазал, арф, хъжбжр, фжлмжн, тжнжг, бжрзонд, чъизи.
Ужлджф: уазал, сыгъджг, рог, хъарм, чъизи.
Абарстытж: ног чындзау, аргъауы хуызжн, урс пжлжзау, жвзистау, урс хызау,
8-жм хжслжвжрд.
Текст бакжсгжйж, цжстытыл ауайынц цавжрджр фжлгонцтж, аджймагмж сжвзжрынц алыхуызон жнкъаржнтж.
Бакжсут тексттж. Баххжст кжнут таблицж, цы жнкъаржнтж ужм сжвзжрд, уж хъустыл жмж уж цжстытыл цы ауад, уый жргомгжнжг дзырдтжй.
Хуызтж
Зжлтж
Жнкъаржнтж
1)
"Зымжг нж хжхты цух нж уадзы,
Лжджы жмбжрц жруары мит,
Жфцжгжй коммж уад дзыназы,
Их доныл саразы йж хид". (Къоста)
2) Диссаджы ржсугъд у жрдз зымжгон, ужлдайджр та хъжды. Зымжгон хъжд у аргъауы бжстжйау.
Зымжг йж урс нымжтжй жржмбжрзта зжхх. Хъжд аныгъуылди хжмпус миты бын, цжмжджр ныхъхъусжгау, ныссабыр. Бжлжсты къалиутж жркъул сты урс-урсид миты ужзжй. Жрмжст ма жхсжвы тары райхъуысы сж сусжг ныхас. Раст цыма сж тарф фынжйж фехъал вжййынц, сж диссаджы фынтж кжрждзийжн адзурынц, уыйау дардыл айхъуысы сж сыбар-сыбур.
Уазал у. Фжлж уждджр цъиуты цъыбар-цъыбур дардмж хъуысы.
(газет «Ржстдзинад»-жй)
3) Ужлиау хжхты цъуппытыл жвзистау жрттивынц райсомы хуры фыццаг тынтж. Митмж цжстытж нж лжууынц. Арв – сыгъджг. Мит хъжрзы къжхты бын. Цъити дон ныйих, ныдджвджг бынтонджр, ранжй-ржтты айджнау жрттивы.
(Цжгжраты М.)
4) Зымжг йж тжккж карзы. Цымж нжм зымжджы жввонгхор цжмжн хонынц? Аджймагжн бирж азмжлжнты фадат кжй нал вжййы, уый тыххжй? Арф мит бамбжрзта хжхтж, кжмттж жмж къуылдымтж. Сжрдыгон та? Зжхмж акжс: алкжм джр жнджр жмж жнджрхуызон. Ныр та? Къуылдымжй, жрхжй, адагжй, къуыпп жмж дзыхъхъжй жмхуызон урс дарынц. Къждзжхтжй мит кжуыл нж хжцы, уыдон сжрды бонты цъжхжй фжзынынц, фжлж ныр урс миты астжужй сау дарынц.
Жмбисбонмж арвы цъжхжй ницыуал зынд. Мигъ жрбадт хжхтыл, жфцжг та аныгъуылд йж уазал хъжццулы бын. Стжй дымгж джр райдыдта йе ’нкъард заржг.
(Дзесты К.)
5)
Жргъжвстжй, гомгжрццжй кжсынц
нж къохтж, се стжгдар та разынд.
Ныр дзы жфсиниужг кжнынц
жрмжст дзжгъындзжг жмж сау сынт.
Хжрам, жнжджелбетт у хъызт –
сжумж (мж фыджнжн? Мж цжстмж?)
Ныууадзы рудзынгыл йж куыст:
сжрдыгон дзагсыфтжр бжлжстж.
(Хъодзаты Жхсар)
Жргъжвстжй – уазалжй, салджй.
Гомгжрццжй – бжгънжгжй.
Къохтж – роща.
Стжгдар – скелет.
Дзжгъындзжг – сорока.
Жнжджелбетт – (хуымжтжг ных. стиль) жнжрхъуыды, фыдуынд, гуымиры.
6)
УРС БЖРЖГБОН
Уары мит йж зжрджйы дзжбжхжн,
Уары мит йж уды рухсжн,
Бадын цыма зымжгжн йж бжхыл,
Афтж митуарджй фжбуц джн.
Урс бжржгбон сабитжн джр адджын –
Ахсынц стъалытж сж къухтжй,
Сфжйлауы сж хъжр ждзжмы байбын,
Цин-зжй ракжлы сж худтжй.
Уалынмж сж къаннжгджр нырхжнджг,
Арвмж скасти жмж скуыдта.
– Уый та чи у? Раттут ын сывжджг! –
Лжппутжн сж хистжр сдзырдта.
– Арвжн ма ныр стъалытж кжм уыдзжн, –
Стъалытжй куы байдзаг бжстж
– Ма тжрс, гормон, митуард та фжуыдзжн,
Гъе дын уары стъалытж, куыннж стжй!..
Растжн куы у сывжллжтты кжстжр,
Галиу ма хонут йж митж –
Арвжй нжм сыгъджгдзинад жрхжссы,
Уазалжй джр рухс у митуард.
Растжн цыма арвы сусжг зоны,
Уары мит жнцад-жнцойж,
Зжххжн джр жрвон уазжг жнцон у,
Тагъд ын суадздзжни йж дойны.
Ленк кжны – жнцад, жвжлмон, сабыр,
Нжй дзы рухсау ужз жппынджр,
Уымжй ма цы уа фжлмжнджр, уазджр!
Хауынц стъалыты лжппынтж
Акасти тъымы-тъымамж зжрдж
Митуарды кжлжны рухсы,
Ахжм жхсжв айрох вжййы сжрд джр,
Ахжм жхсжв айвжзы жнусау.
(Къадзаты Станислав)
ждзжмы байбын – сабырдзинад.
нырхжнджг – нынкъард.
сывжджг – (соска).
гормон – ам: узжлгжйж загъд сиджн – жвзжр, ждылы.
уазджр – рухсджр.
Жвжлмон – жнцонтжй.
Бацамонут жмдзжвгжйы сжргонд.
Зжгъут, цавжр у фысджыты ахаст зымжгмж. Цавжр зжрджйы уаг жм дарынц? Уж дзуапп бафидар кжнут текстжй ист ржнхъытжй.
9-жм хжслжвжрд: Лжвжрд пъланыл жнцой кжнгжйж, темж "Зымжгон райдзаст бон хъжды"-мж гжсгж жржмбырд кжнут жрмжг.
Пълан:
1) Цавжр у боны хъжд? Арв цы хуызжн у?
2) Цавжр у хъжд дарджй кжсгжйж?
3) Хъжды:
Цы уыныс зжххыл?
Цы хуызжн сты жрдузтж?
Цавжр бжлжстж зайы хъжды? Цавжр сты бжлжстж, къудзитж?
Байхъус хъжды зжлтжм. Цы фехъуыстай?
Хъжды цжржгойтжй кжй федтай?
III. Хждзармж куыст.
Темжтжй иумж гжсгж ныффыссут сочинени:
"Миты гжлжбутж",
"Уары мит",
"Заз бжлас миты бын",
"Халас",
"Цжугждон зымжг",
"Зымжгон цъиутж",
"Зымжгон райсом",
"Иу зымжгон бон",
"Зымжг нж хжхты цух нж уадзы" (Къоста),
"Зымжгон хъжзтытж".
13PAGE 15
13PAGE 14515