Тапталлаах оскуолам 95 сааьа кылаас чаас сценарийа

Кылаас чааһын сценарийаБуолар күнэ: кулун тутар 14 күнэ 2017с.
Буолар кэмэ: 1.25 – 6 уруокКылаас чааһын тиэмэтэ: Тапталлаах оскуолам 95 сааһа
Ыҥырыылаах ыалдьыттар: 1 кылаас үөрэнээччилэрин төрөппүттэрэ, оскуола библиотекаря Попова М.В.
Кылаас чааһын сыала-соруга:
Оскуолабыт төрөөбүт күнүн оҕолорго билиһиннэрии;
Оскуолабыт тэриллиэҕиттэн ситиһиилэрин оҕолорго өйдөнүмтүө гына билиһиннэрии;
Оскуолабыт ким аатын сүгэрин билиһиннэрии, хаартыскалары сааһылаан көрдөрүү;
Үөрэнэр оскуолаларыгар харыстабыллаах сыһыаны иитии.
Үтүө күнүнэн үөрэнээчилэрим, күндү төрөппүттэрим, убаастабыллаах ыалдьыттарбыт.
Ханнык баҕарар киһиэхэ оскуолаҕа үөрэммит сыллара умнуллубат, олоҕун саамай кэрэ-бэлиэ кэмнэрэ буолаллар. Ол туһунан араас элбэх ырыалар, хоһооннор, киинэлэр бааллар. Үөрэнээччи кэнники саныырыгар араас көрүдьүөстээх кэмнэр, умнуллубат түгэннэр өйүгэр-санаатыгар хатанан хаалаллар: Маҥнайгы учууталы кытта көрсүһүү, интэриэһинэй уруоктар, араас хайысхалаах куруһуоктар, оскуола муҥура суох үгүс тэрээһиннэрэ, долгутуулаах да кутталлаах да экзаменнар уонна биллэн туран бүтэһик чуораан.
Оҕолоор, эһиги санааҕытыгар, эһиги төрөппүттэргит оскуолаҕа үөрэммит сылларыттан ордук тугу өйдөөн хаалбыттара буолуой? 1кылааһы, маҥнайгы учууталларын.
Дьэ эрэ, билигин биһиэхэ киирэллэригэр көрдөһүөҕүн оскуоланы араас сылларга бүтэрбит маҥнайгы кылаас үөрэнээччилэрин. Төрөппүттэр
Кимнээх кэллилэрий? Билэҕит дуо? Билсиэххэ эрэ. Төрөппүттэр бэйэлэрин билиһиннэрэллэр: ааттарын, маҥнайгы учууталларын, алын кылааска үөрэнэр кэмнэригэр сөбүлүүр уруоктарын, оскуолаҕа үөрэммит кэмнэриттэн ордук өйдөнөн хаалбыт түгэннэрин.
Маҥнайгы кылаас үөрэнээччилэрин олороллоругар көрдөһөбүт.
Онтон мин билигин 1 кылааска үөрэнэ сылдьар оҕолортон ыйытыахпын баҕарабын:
Эһигини үөрэтэр учууталлары төһө биллигитий? Изо, музыка, физкультура, технология.
Оскуоланы салайан, үлэлэтэн олорор кимий? Оскуола директора. Кини аата кимий? Кычкина Л.В.
Оскуолаҕа саамай минньинэс сир? Остолобуой. Күҥҥэ хаста аһыыгытый? Иккитэ. Кимнээх үлэлииллэрий? Петрова Т.Д., Максимова Г.И., Жиркова Нь.А.
Оскуола саамай сырдык, саамай аптаах хоһо ханныгый? Библиотека. Тоҕо библиотеканы саамай сырдык, саамай аптаах диибитий? Онно араас кинигэлэр бааллар, элбэҕи билиэххэ сөп, элбэх араас кинигэ баар.
Хоһоонтон быһа тардыы ааҕыаҕым. Ол хоһооннору оҕолор суруйбуттар – 5 кылаас үөрэнээччилэрэ. Эһиги ис хоһооннорун быһаарыаххыт.
Биһиги оскуолабыт ким аатын сүгэрий? Н.В.Петров. Кини кимий? Кылгастык чекист Н.В.Петров туһунан билиһиннэриэ Никита аҕата В.Д.Петров.
Владислав Дмитриевичка махтал. Ким эбитий Н.В.Петров диэн? Биһиги Николай Васильевич аатынан киэҥ туттуохтаахпыт, хас биирдиибит кинини билиэхтээх.
Биһиги оскуолабыт атын оскуолалартан туох уратылааҕый? Агрооскуола. «Илгэ» лааҕыр, «Вита».
Сарсыарда эрдэ тураммынРюкзакпын сүгэммин,
Элбэх билиини ылаарыТапталлаах оскуолабарҮөрэ-көтө барабын. Венера Егорова
Оскуолаҕа хас күн аайыҮөрэнээри кэлэбин.
Сырдык – ыраас оскуолабар
Итии-истиҥ эҕэрдэ! Ренат АммосовМин оскуолам юбилейдыыр,
Бырааһынньыкка ыҥырар.
Кэлиҥ, сылдьыҥ, көрсүһүҥ,
Уруккуну санаһыҥ! Валерия СивцеваБиһиги оскуолабыт улахан сырдык.
Күн аайы саҥаттан саҥаны үөрэтэбит.
Билиилээх дьон буола улаатыахпыт.
Мин оскуолабын олус таптыыбын. Наина Киренская
Биһиги оскуолабыт киэҥ,
Элбэх оҕо үөрэнэр.
Саҥаны билэбит-көрөбүт.
Мин оскуолабын таптыыбын. Виолетта Кривошапкина
Оскуолабар үөрэ-көтө барабынЭлбэҕи билээри.
Учуутал үөрэтэрин такайарынБолҕойон истэбин.
Учууталбын олуһун таптыыбын,
Улаатыам үчүгэй киһи буолуом.
Оскуолабын 95 сааһын туолбутунан эҕэрдэлиибин. Ваня Варламов
Үөрэх - билии аанын аһан
Оскуола боруогун атыллаанЭлбэх билиини ыланУлахан аартыкка тахсыахпыт Кристина С. Петрова
Оҕо сааспыт дьоллоох биһигэ
Оскуолабыт биһиэнэ
Оҕо сааспыт сылаас биһигэ
Олоххо, сырдыкка ыҥырар Айсена Стручкова
Күн сирин кэрэтэОскуолам доҕоруом
Оскуолам комүһүөмТаптыыбын эйиигин Алина Саввинова