Наурыз — жыл басы!
Тақырыбы: Наурыз-жыл басы
Мақсаты:
1. Наурыз мерекесі туралы түсініктерін кеңейту. Қазақтың ұлттық тағамдары, ойындары, киімдері туралы білімдерін кеңейту.
2. Грамматикалық тұлғада жүйелі сөйлеуге баулу.
3. Наурыз - жыл басы, ұлыстың ұлы күні, қазақ халқының жаңа жыл мерекесі екенін балалардың бойына сіңіру. Салт-дәстүрімізді қолдана отырып, адалдыққа, ұлтжандылыққа, мейірімділікке тәрбиелеу.
Барысы:
Жүр: Құрметті қонақтар, мерекемізге қош келдіңіздер, төрлетіп, балаларымыздың өнерлерін тамашалаңыздар. Ұлыстың Ұлы күні-Наурыз мерекесі құтты болсын! Еліміз тыныш, жұртымыз аман болсын.
- Балалар қазір жылдың қай мезгілі?
- Көктем мезгілі неше айдан тұрады?
- Көктем мезгілінде қандай өзгерістер болады?
- Наурыз айында қандай ұлттық мерекені тойлаймыз?
Наурызда күн мен түн теңеледі. Байырғы қазақ күнтізбесі бойынша, наурыздың алғашқы күнін жаңа жылдың басы деп, ұлыстың ұлы күні деп атаған
Әнім де саған, биім де
Құт қонақ өзің үйінде
Қуаныш сыйлап еліңде
Күлімде Наурыз күлімде.
Сұлтан:
Бүгін күн-түн теңелді
Жер шуаққа кенелді
Наурыз тойы салтымыз
Кемелденсін халқымыз.
Ульяна: Осыншама жақсылығы
Алып келген Наурызың
Төрлет бізге нұр беріп
Шуақ шашып ақ жүзің.
Алишер:Наурыз гүл көктем
Сәнді ай арайлы
Күлімдеп күн көктен
Нұр шашып қарайды.
Лаззат: Наурыз тойын тойлайық,
Жалқау бала болмайық
Бөбектерді жұбатып
Үлкендерді сыйлайық.
Ұлыс оң болсын,
Ақ мол болсын!
Жүр: Құлақтан кіріп бойды алар, әсем ән мен тәтті күй
Көңілге түрлі ой салар, әнді сүйсең бізше сүй
Жүр: Балалар, қараңдаршы, айнала жарқырап кетті бұл кім екен келе жатқан?
Күн: Сәлем ата-аналар
Айналайын балалар
Балалар: Сәлеметсіз бе?
Күн: Уақыт үдеп келдім мен
Құтты болсын мерекең
Әне Наурыз келеді
Әсемденер жер енді.
(музыкамен Наурыз кіреді)
Наурыз:Жайнатамын гүл-гүлді
Сайратамын бұлбұлды
Мерейлі жұрт тойласын
Мейрам етіп бұл күнді.
Күн:Күнде ұзарам мен енді
Күн менен түн теңелді
Гүлде Наурыз сен енді.
Ренат :
Наурыз тойын әдемі
Әжем еске түсірді
Біздерге арнап әдейі
Наурыз көже пісірді
Ашылды да кебеже
Дәм әзірлеу басталды
Гүлбаһар :Әжем наурыз көжеге
Жеті түрлі ас салды
Бидай, күріш, тары бар
Ащы құрты тағы бар.
Көже-елдің ырыздығы
Наурыз көженің жасалу жолдары туралы, ұлттық тағамдар туралы әңгімелеу.
Ән: «Дастарқан»
Ұлттық ойын: «Қамшы алу».
Ойын шарты: Балалар екі топқа бөлінеді.Екі немесе төрт баладан ортаға шығады. Бір-біріне арқаларын тіреп тұрады, қамшыны аяқтарының ортасына қояды. Берілген белгі бойынша қамшыны жылдам алып, жоғары көтеру керек. Кім тез алып көтерсе, сол баланың епті болғаны.
Мерей :Қыс өтіп, қар кетіп
Шырайлы жаз жетіп
Шаруаны кеңелген
Құтты болсын Наурыз.
Асылай :Босанып жерім бай
Төсінде қалқып ән
Наурыз көңіл бай
Шаттығы шалқыған.Көрініс: «Жарасып тұр дәстүрім»
Толғанай : Жаңа жыл, жаңа жыл
Бақыт жылы болғайсың
Бізге беріп жаңа жыр
Бізден алғыс алғайсың
Бексұлтан :Ойнаймыз шаттана
Ішеміз күнде айран
Балаға, қартқа да
Ортақ қой бұл мейрам
Ризван :Наурыз келді құт болып
Мына бізге сүт болып
Аққа аузымыз толады
Бар жақсылық болады..
Сағыныш: Бәйшешек гүл ашады
Мұздар сайға қашады,
Суға толып, өзен, көл
Кемелінен асады.
Жүр: Көкке бояп өңірді
Көктем келді көңілді
Бау-бақшада, орманда
Құстар әні төгілді.
Айдос :Құстар ұшып келеді
Бізге ән сап береді
Қарлығаштар ұясы
Торғай жемін тереді.
Ән: «Қошақаным»
Жүргізуші: Ал, балалар, тұрмайық
Көңілді ойын ойнайық
Жүр:Балалар, Наурыз мерекесіне құтты болсын айтуға бізге қонаққа әже келе жатыр.
Әже: Амансыңдар ма балалар,амансыңдар ма қонақтар.
Ұлыстың ұлы күні - Наурыз мерекесі құтты болсын!
Еліміз тыныш, жұртымыз аман болсын!
Жүр: Мерекеге қош келдіңіз әже ,төрлетіңіз. Қазір сізге батыр ұлдарымыз би-билеп береді
Би: «Жорға»
Әже кіреді
Көрініс: «Бесікке салу»
Арпа бидай бастаған
Жеті дәмнен аспаған
Наурыз көже ежелден
Бұл тойдағы бас тағам
Айналайын балалар
Жеті түрлі дәм салып
Наурыз көже пісірдім
Шақырамын бәріңді
Ерсултан :
Мамамыздың анасы
Ақ жаулықты ақ әжем
Айналайын құлыным
Деп айтатын дана әжем
Гулсезім :
Шашымды өріп тараған
Қабағыма қараған қараған
Үлкен кіші демейді
Сыйлайды оны бар адам бар адам
Ойын: «Қол күресі»
Ару:
Құрт пен майын жинаған жинаған
Қабағыма қараған қараған
Бұл әжемнің өмірі
Таусылмайтын жыр маған жыр маған
Ұлы күні ұлыстың
Күн мен түн теңелді
Тәтті дәмін ырыстың
Таттық наурыз көжеден
Аспан ақ бұлт құрсанып
Дала жатыр бусанып
Наурыз келді алақай
Бізге сыйлап нұр шабыт
Әжемізден бата алайық
Әже: Жаратқан ием құдірет
Ақ батамды қабыл ет
Аман сақта елімді
Аман сақта жерімді
Тыныштық заман болсын
Ел жұртым аман болсын.
Ертеңгілігімізді аяқтаймыз.