Ашы? саба?: Дыбыс пен ?ріп

«Дыбыс пен әріп»

Павлодар облысы Лебяжі ауданы «Айналайын» балабақшасының тәрбиешісі Курмангалиева Сымбат ТоктаровнаТоп: Ересек
Білім беру саласы: Қатынас.
Бөлімі: Сауат ашу .
Тақырыбы: Дыбыс пен әріп
Мақсаты: Дыбыс пен әріп туралы түсінік беру, дыбыс пен әріптің айырмашылығын ажырата алуды, жазу кезінде дұрыс отыруға, дәптер, қарындашты дұрыс ұстауға үйрету; ойлау қабілеттерін дамыту;,
Бастаған істі аяқтай білуге, шыдамдылыққа тәрбиелеу.
Сөздік жұмысы: әліпби.
Билингвальдық компонент:әліпби – алфавит, жаңбыр жауды – дождь идет.
Көрнекіліктер: жұмыс дәптері, үй жануарларының көркем суреттері
Әдіс тәсілі:әңгімелеу,түсіндіру, сұрақ-жауап
Технология: Монтессори технологиясы
Іс-әрекет кезеңі Тәрбиешінің іс-әрекеті Балалардың іс-әрекеті
І кезең-
мотвациялық- қозғаушы Шаттық шеңбер
Шеңбер болып тұрайық
Алақанды ашайық
Күннің нұрын алайық
Жүрекке жылу салайық
Жиналған жылы шуақты
Бір –бірімізге шашайық
Балалар, біз бүгін дыбыстар бағына саяхатқа барамыз.Бұл бақ «Әліпби» деп аталады. Бұл – әліпби.
Балалар шеңберге тұрып
Бір-бірлеріне күлімдеп қимылдар жасайды
Балалар қызығушылық танытады
ІІ кезең-ұйымдастырушы
лық-
ізденушілік Әліпбиді көрсету.
-Әліпбиде көріп отырғандарың әріптер, олардың саны – 42.Егер біз әліпбидегі әріптерді оқитын болсақ, ол- дыбыс.
Дыбысты естиміз, аузымызбен айтамыз, ал әріпті көреміз, оқимыз және жазамыз.
-Балалар, айтыңдаршы, пойыз тоқтағанда қандай дыбыс шығарады?
-Жақын арада аралар жүргенін қайдан білеміз?
- -Дұрыс айтасыңдар, біз дыбысты осылай құлағымызбен естиміз. Әр естіген дыбыстың жазылу таңбасы – әріп. Әріптер мыналар (әліпбиді көрсету).
әліпби – алфавит,
жаңбыр жауды – дождь идет.
Саусақ ойыны:
Жаңбыр жауса
Тырс - тырс,
Айтады гүл:
-Дұрыс –дұрыс.
Жаңбыр жауса
Тырс –тырс.
Айтады қыр:
- Ырыс-ырыс.
«Не қалай дауыстайды?» дидактикалық ойыны:
Ойын шарты: тәрбиеші үй жануарларының суретін көрсетіп, не істейтінін айтады.Балалар сол жануардың дауысын салады.
Қой маңырайды:
Сиыр мөңірейді:
Жылқы кісінейді:

Түйе боздайды:
Ешкі бақырады:
Бұл ойында үй жануарларының жүрісін де салуға болады.
Монтессори технологиясыКедір-бұдырлы жазба әріптер
Мақсаты:символдарға кіріспе, дыбыстарды символдарға айналдыру.Балалар әріпті екі саусағымен жүргізеді. Есте сақтау түріне байланысты: көру, есту,сипап-сезу, әріптердің жазылуы мен аталуын тез есіне сақтайды.
Керекті құралдар:екі жәшікте толық алфавит бойынша әріптердің бірнеше түрлері салынады.Сылдыр қағаздың көлеміндей
әріптер болуы керек.Дауысты дыбыстар қызыл түспен,ал дауыссыз
дыбыстар көгілдір түспен белгіленеді.Екі жәшікте бір жолда жазылған
әріптер салынады.
Мақсаты: әріппен дыбыс туралы түсініктерін қалыптастыру.
Материалмен жұмыс жасау жолдары:
Тәрбиеші себетке бірнеше заттарды салады.Мұнда атауларымен жазулары сәйкес болады.Бала затты алып
атын атайды,ал тәрбиеші оған сәйкес бірінші әріпін таңдап береді.Бала
сосын қалған әріптерді құрып, сөзді тізіп береді.


.
Мұқият тыңдайды
Дүк-қүк
Аралар ызылдайды
Естиді,
қайталайды
Балалар көреді.
естеріне сақтайды. Балалар орындықта отырып, жаңбырдың дыбысын саусақтарын қимылдата отырып айтады.
Мә мә мә
Мө мө мө
Ио ио ио
Бө бө бө
Бә бә бә
Суретке қарап үй жануарларының даусын салады
Қызығушылық танытады.
Балалар мұқият тыңдап тапсырманы орындайды
ІІІ кезең- рефлексивті- түзеуші Балалар, әріп пен дыбыстың айырмашылығы бар ма?
Қандай айырмашылық?
Балалар бір-бірлерін бағалайды. Әріпті көреміз және жазамыз.
Дыбысты айтамыз және естиміз.
Күтілетін нәтиже:
Біледі: жануарлар мен жәндіктердің, көліктердің дауыстарын, жүрісін салуды, жазу барысында, үстелде дұрыс отыруды
Игереді: дыбыстардың жазылу таңбасы әріптер екенін,дыбыс пен әріптің айырмашылығын, оқу үшін әріптерді тану керек екенін.
Меңгереді: Саусақ бұлшық еттеріне жаттығу жасауды.