?аза? тілінен саба? жоспары Жапыра?тарды? т?сі ?андай? (4 сынып)

Пәні: қазақ тілі
Мерзімі:
Сыныбы : 4
Сабақтың тақырыбы: Жапырақтардың түсі қандай?
Сабақтың мақсаты:
1.Білімділік: Оқу техникасын жанданыру. Лексикалық тақырып бойынша сөздік қор жинап, күнделікті өмірде қолдана білуге үйрету.
2.Дамытушылық: оқушылардың зейіндерін және есте сақтау қабілеттерін дамыту. Қисынды ойлау қабілеттерін дамыту.
3. Тәрбиелік: Мемлекеттік тілді құрметтеуге баулу.
Сабақтың түрі: жаңа тақырыпты меңгерту сабағы
Әдіс-тәсілдері: сұрақ-жауап, түсіндіру, көрнекілік әдісі
Көрнекілігі: суреттер
Сабақтың барысы:
І. Ұйымдастыру кезеңі
1.1.Оқушылардың сабаққа дайындығын тексеру.
Оқушылардың көңілін сабаққа аударуды ұйымдастыру. Оқулық, қалам, дәптерлерін тексеру.
1.2. Тіл дамыту
- Балалар қазір жылдың қай мезгілі?
- Қазір күздің қай айы?
- Бүгін қазанның нешесі?
- Күзде дала қандай түске боянады?
– Күзде жапырақтар неге сарғаяды?
ІІ. Жаңа сабақ
Жаңа сабақтың тақырыбымен таныстыру.
Көктемде ағаштар жасыл жапырақ жамылып ,әдемі күйге енеді.Неліктен жапырақ жасыл түске боялады? Күн сәулесінің әсерінен жапырақта хлорофилл деп аталатын зат пайда болады. Ол жапыраққа жасыл түс береді.Күннің жарығы мен жылуы жеткілікті кезде өсімдік жасыл болады.
Күз түссе күннің жылуы мен жарығы азаяды.Жапырақта хлорофилл өндіру тоқтайды. Ол сарғая бастайды. Өсімдіктердің қоректенуі баяулайды, қураған жапырақ түседі. 
2.1. Сөздік жұмысы.
1) Жаңа сөздерді алдымен өзім оқимын.
2) Оқушыларға тізбектей және жекелей оқытамын.
3) Сөздік дәптерлеріне көшіріп жаздырамын.
Жапырақ-лист дерева
Ағаш – дерева
Өседі – растет
Жапырақтың суретін салып, бояту. Сол жапырақ туралы қысқаша түсінік жазу.
2.1. 1-тапсырма. Сөзжұмбақты шеш. «Жапырақ» сөзі беріледі.
 Аспанда түнде болады
Ағашта өсетін жеміс
Оқушылар отыратын үстел
Қазақтың тұңғыш педагогы
Өзімен ағаш кесуге де болады, кейде жәндік де боладыҚыста не жауады?
Сиырдың сүтінен жасалатын тағам 
2.2. 2-тапсырма. Сөйлеп үйрен. Дәптермен жұмыс -Дәптерлерімізді ашып,бүгінгі күннің жадын, тақырыбын жазайық. Жапырақтардың түсі қандай?1 Жапырақ 2 көктемде күзде жасыл сары,қоңыр,қызыл 3 өседі  
4 Ағашта өседі
5 Жапырақтар ағашта өседі
1.Зат есім (не?) 2.Сын есім (қандай?) 3.Етістік (не істеді?) 
4. Сөз тіркестері5.Сөз тіркесінен бір сөйлем 
Сергіту сәті.
Жаңбыр жауып басылды Аспан шайдай ашылды Желмен бірге жапырақ Сыбдыр қағып шашылды
2.3. 3-тапсырма Өлеңді мәнерлеп оқы, жаттап ал.
Алтын, сары, қызыл, көк…
Алуан-алуан жапырақ,
Күзгі бақта күлімдеп,
Көз тартады атырап.
Ағаштардан жамырап,
Ұшты кенет жапырақ.
ІІІ. Сабақты бекіту:Бекіту сұрақтарын қойып, жауап алынады.
ІҮ. Үй тапсырмасы: сөздік, өлеңді жаттау, «жапырақ» сөзін фонетикалық талдау.
Ү. Бағалау.
ҮІ. Сабақты қорытындылау. Оқушылар арасында жағымды психологиялық жағдай қалыптастыра отырып, сабақты аяқтаймын.