Сценарий Т?уелсіздік Ата –бабам а?са?ан, М?зда жан?ан Желто?санны? алауы» атты ?деби кешті? жоспары.

Қазығұрт ауданы Амангелді атындағы жалпы орта мектебі
Тәуелсіздік Ата –бабам аңсаған,
Мұзда жанған Желтоқсанның алауы»
атты әдеби кештің жоспары.
Кештің мақсаты: Тәуелсіздік мәнін кеңірек аша отырып қол жеткізген жетістіктерімізбен таныстыру.
Тәрбиелік мәні: Отанымызды сүюге, Қ\Р –ның нышандарын қастерлеуге, туған елімізге адал қызмет етуге, өз елінің рәміздерін құрметтеуге, тарихын білуге тәрбилеу.
Көрнекілігі: Қазақстанның көк Байрағы, Елтаңбасы, Әнұраны.
Көрме: Кітаптар, суреттер, бүктемелер, шарлар.
Кітапханашы: Құрметті ата- аналар, ұстаздар қымбатты оқырмандар бүгінгі «Тәуесіздік ата- бабам аңсаған, Мұзда жанған желтоқсанның алауы» атты әдеби кешімізге хош келіпсіздер.
Енді бүгін өлген Туым тірілді,
Әнұраным жалғап қалды ғұмырды.
Босағада қалып келген Елтаңбам.
Баяғыша төріме кеп ілінді:
Әнұраным- айбаттым ! Әнұран орындалады.
Кітапханашы: Құрметті оқырмандар, өздеріңізге белгілі Тәуелсіздік бізге оңайлықпен келген жоқ . 1986 жылы желтоқсанда Кеңестер Одағының саясатына ең алғаш қазақ жастары қарсы шықты. Қайрат Рысқұлбеков, Ербол Спатаев, Ләззат Асанова, Сабира Мұхамеджанова тәуелсіздік үшін күресті. Тарих парақтарында бұл күн «Мұзда жанған желтоқсанның алауы» деп аталынды.
Желтоқсанның құрбандарын мәңгілік,
Біз сақтаймыз елімізде ән қылып.
Ләззат, Қайрат, Ербол сынды ерлерді
Есімізде қалдырамыз мәңгілік.
Біздің «Тәуелсіздік ата –бабам аңсаған» атты көрмемізге дүниені дүр сілкіндірген
әйгілі «Желтоқсан оқиғасында» жазықсыз жала құрбандарының тас қапаста, өлі мен тірінің ортасында отырып жазған өлеңдері жазылған «Қаhаста жазылған хаттар» кітабы осы күнге дейін сақталып келеді.
Сонымен қатар, оқырмандарға жалпы стратегиялық жолдау дегеннің не екенін түсіндіру мақсатында «Елбасы мұраты, ел бақыты- гүлденген Қазақстан!» атты кітап көрмесін ұйымдастырып, Елбасының яғни Қазақстан Республикасының президенті Н.Ә.Назарбаевтың кітаптары «Тарих толқынында», «Сындарлы он жыл», «Тәуелсіздік белестері» т.б кітаптары қойылған. Кітаптарға жеке-жеке тоқталу.
Ендігі кезекте Әдеби кешімізге қатысқалы отырған топтармен таныстырып өтейік.
Көруге көрермендер алаңбысың,
Бәріңе бердік сәлем, аманбысың?!
Ортамызда қошеметпен қарсыалайық
Кешіміздің «Тәуелсіздік» командасын.
Тағы бір команда бар талапты,
Онда да талай бала талантты.
Қошеметпен ортада қарсы алайық
Екінші «Желтоқсан» атты команданы.
1.Таныстыру кезеңі . Әр топ басшысы өздерін таныстырады.
Тәуелсіздікке арнаулар және Желтоқсан жайлы өлеңдер оқу.
2. «Сөз тапқанға» іздену кезеңі.
1 топ. «Тәуелсіздік ата-бабам аңсаған»
2-топ. «Мұзда жанған Жетоқсанның алауы» атты тақырыпта баяндама оқу.
3. Ойлан, тап кезеңі.
Мақал-мәтел жарысы. Әр топқа сөз жазылып көрсетіледі. Сол сөзге байланысты мақал-мәтел айтылады. Отан, Туған жер туралы.
4. «Әріптер сыры» кезеңі.Бұл кезеңде әріптер көрсетіліп, сұрақ қойылады. Сұрақтың жауабы сол әріптен басталады.
5. «Кім жылдам» кезеңі.Көрмеге қойылған кітаптардың атын, жылын, баспасын қаншалықты» «Кім жылдам» жаттай алады. Топтан үш оқушы қатыса алады.
6. «Өнерпаз болсаң»кезеңі. 1 топ:«Тәуелсіздік таңы» туралы
2 топ: «Желтоқсан жаңғырығы» туралы әндер айту.
7. Танымпаздық кезеңі.«Желтоқсан- Тәуелсіздік егіз ұғым» атты тақырыпқа көрініс құру.
8. Оқырмандарды бағалау кезеңі. Әділқазы мүшелері ұпай сандарын анықтап, екі топты марапаттайды. Әділ қазы алқалары: Малтаева.Л, Рахымбердиева .М, Тұрысбек. И
Қалың елім, саған қарап жұбанам,
Тарих беті қатар-қатар бұралаң.
Талай зардап қайғы мұңның соңынан,
Егемендік алғаныма қуанам,-
дей отырып бүгінгі «Тәуесіздік ата-бабам аңсаған» атты әдеби кешімізді аяқтаймыз. Тәуелсіз еліміздің іргесі мықты болсын!Бүгінгі мерекеміз құтты болсын!
Кітапханашы: Көлбаева.М