Алтын к?з. К?з мереке, к?з береке. 2-3сыныптар


Күзгі карнавал аясында өтіп жатқан 2-3 сыныптар арасындағы
«Күз мереке, күз береке» атты күзгі бал кеші.
Мақсаты: Мектебімізде өткізіліп жатқан  «Күзгі карнавал»  мерекесіне ұйымшылдықпен қатыса отырып, күз-байлық, күз-береке, күз-молшылық, күз-шаттық,  күз-қуаныш  екенінін  оқушы санасына жеткізу.
Өздеріне ерік бере отырып, ауызбіршілікке, ынтымақтастыққа баулу
Барысы:   Кеш жарық, қымбатты ұстаздар, ата-аналар, оқушылар!  
 «Күз мереке, күз береке » атты күзгі бал кешіне қош келдіңіздер.  Берекелі, мерекелі алтын күз құтты болсын. Қасиетті күз мезгілі туралы бір сөзбен айтып жеткізу мүмкін емес.  Күз дегеніміз-жазира даланың дархан дастарханы.   Күз дегеніміз- байлық, молшылық.
Алтын күз біз бен сізге шуақ шашсын,Көңілді серіппелі күйін ашсын.Бақ пенен  шаттық бірге қатар қонып,Береке бірлікпенен ортақтассын,– дей келе  кешіміздің шарттарымен таныстырып өтейін.
1 .«Күзге сағыныш» (белгілі ақындардың өлеңін мәнерлеп жатқа айту )2. «Қосылшы менің әніме» (күз тақырыбына ән шырқау.) немесе
«Жапырақтай жайқалып» ( би өнері)3. «Күз әшекейі»  (күз элементтерінен сән үлгісін көрсету)4. «Жұмбақ шешейік »
5. Сурет сайысының қорытындысыОсы шарттарға сәйкес топтарға әділ баға берер әділ-қазылар алқасымен таныстырып өтейін.1.Тәрбие ісінің меңгерушісі: Абишева Лаззат Тәңірбергенқызы
2.Әлеуметтік педогог Абишева Айнур Айтбайқызы
3 Тәлімгер Рахметова Фарида Кенжебайқызы
 Білім- теңіз,   мектепті –  кеме   дейміз,
Білім мен тәрбие егіз неге дейміз?
Әдебі мен тәлімі үндесетін,
Жастарды болашаққа жетелейміз.
Жеңістер мен жеңілістен тұратын
Өмір-күрес, жеткізе ме мұратын.
Жеңбедім деп,  жеңілдім деп ренжімегін,
Қатысу да бір жеңіс, жан болсаң сен ұғатын,-
 деп кешіміздің алғашқы шарттарына кезек берейік.
Бүгінгі күзгі бал мерекемізді табиғатты аялау, табиғат сұлулығын сақтау тақырыптарымен ұштастырсақ артық айтпаған болар едік. Мұнда қатысушыларымыз  күз тақырыбына белгілі ақындардың өлеңдерінен  көркем сөз оқиды және күзге арнау өлеңдерін оқиды.   Құрметті әділқазылар алқасы оқу мәнеріне, сөйлесу шеберлігіне баға бересіздер.«Күзге сағыныш»  (белгілі ақындардың өлеңін мәнерлеп жатқа айту және күзге арнау өлеңін айту)
Алтындай сылдырлайды күздің үні,
Жібектей майда шуақ алтын күні.
Биылғы мерекелі нұрлы күздің
Тамаша бірдей сұлу күн мен түні
Сондықтан биылғы күз мерекелі,
Байлығы өте-мөте берекелі
Мәз-мейрам барлық ұлт шат, байлығы мол,
Міне осы, шын бақытты ел екені.
Табиғат – күллі тіршілік атаулының құтты қонысы, алтын ұя бесігі, құт берекесі. Осы табиғаттың төрт мезгілінің өзіне тән ерекшелігі, жақсылығы, әр түрлі мерекесі, берекесі бар. Соның ішінде күздің алатын орны ерекше. Күз мезгілі адамның ішкі  жан дүниесін  оятып,   сағыныш әлемінде  тербейді. Ендеше,
3. «Қосылшы менің әніме» (күз тақырыбына ән шырқау.)
Алтын күз бірде шуақ, бірде салқын,
Жер мен көк жалтыраған сап-сары алтын
Ағашта жапырақтар сылдырлайды,
Төгілген алтын теңге сансыз жалқын.
Сары алтын батсайыдай дала мидай,
Үйілген мая-мая қызыл мидайҚырманда қызыл алтын, қызыл маржан,
Жайнайды жаратылыс берген сыйдай,
-деп Сәкен Сейфуллин ағамыз алтын күзді керемет шабытпен сары алтынға теңеп жырлаған екен. Қазақ өнер десе ішкен асын жерге қоятын халық қой. Ендеше, құрметті көрермендер  «Жапырақтай жайқалып» би өнеріне   кезек берейік.
Бүгінгі кеш өтіп жатыр өз мәнімен,
Әр сұлу әсем болар өз жаныменӨз қолынан шығарған киім үлгісін
Сіздерге көрсетеді өз сәнімен,
-дей келе келесі кезекте сән үлгісі.
5. «Күз әшекейі»  (күз элементтерінен сән үлгісін көрсету)
Жомарт-күз – деудің себебі: піскен жеміс-жидек, көкөніс, астық табиғаттың күзгі сыйы. Күзде егінді жинап болған соң ата-бабаларымыз «Сабан той» деп күз берекесін тойлаған. «Алтын күз», «Күзгі бал» кештерін өткізу дәстүрге айналған.
Жұмбақ шешейік.
Білім аққан сел дейді, Бірақ оңай келмейді.
Ала білсең білім көп,Ақыл ойға кел дейді
Білім ой мен арымыз,Рухани ол нірімізСайыскерлер сіздерге,Қол соғамыз бәріміз!
Қатысушылармыз өз тапқырлықтарын, шеберліктерін білдірсе, шығармашылығымен танылса,  арайлы алтын күзіміздің жүлдегерлерін анықтайық. Ендеше кезекті әділқазылар алқасына сөз береміз. Әділ- қазылар  әділ бағасын бергенше _____________________________________
Қош демейміз, әлі талай сайыстар бар
Өнерлерің өрлей берсін, қайыспаңдар,
Ойлы орта кеңейсін күннен-күнге
Өскен елдің жұртынан қалыспаңдар,-деп отырып бүгінгі кешімізді аяқтаймыз. Жеңісті күндерде кездескенше, достар!!!