Методиктиг суме Ойнатпышаан ооредир

Ойнатпышаан өөредир.
Бичии чаштарны дурген аай болгаш дедир санап өөредиринге шүлүктээн одуругларны шээжи-биле чугааладып тура кылдырар сула шимчээшкиннер дыка дээштиг болур. Ындыг шүлүктээн одуруглар уругларның чугаа сайзыралынга, сөс курлавырын байыдарынга дузалыг база мага- бот быжыктырарынга, ээлгир, шимченгир,кашпагай болурунга ажыктыг. Куш-ажыл кижизидилгезинге болгаш салгалдан салгалче дамчып чоруур чаагай чанчылдарывысты, ужур-сагылгаларывысты уругларга дамчыдып бээривистиң база бир аргазы бооп болур.
Тараа тыва кижинин эң кол чеми, ону тарып өстүрүп алыры улуг ажыл-үүле. Тарааны ажаап алыры улуг өөрүшкү - тодуг-догаа чуртталга.
Согааш, бала, деспи—тыва өгнуң чугула эдилелдери. Ону чазап кылырынга улуг тура- сорук,чуткул болгаш билдилиг уран- шевер, ажылчын, чогаадыкчы холдар херек.
Ачам тарып өстүрген
Арбай – тараам көвейн.
Авам хооруп быжырган,
Амзап көрдүм, чаагайн.
Сонам акым чазап каанСогаажы бо, ишкирин.
Бажы борбак, узун буттугБалажыы бо белен бар.
Аажок кежээ, эрес мен.
Арбай соктап чиир мен.
Согаажымга тараам ургаш,
Соксаш дивейн соктаайн-соктаайн.
Бирээ, ийи, үш, дөрт, беш,
Алды, чеди, сес, тос, он.
Он, тос, сес, чеди, алды,
Беш, дөрт, үш, ийи, бирээ.
Тараа дүктен адырылзынДагын-дагын күштүг кагайн.
Биче-даа бол соксаш кынмайнБирден онга чедир санаайн.
Бирээ, ийи, уш, дөрт, бешАлды, чеди, сес, тос,он.
Арбай тараа арылган боор,
Аажок камнап деспиже урайн.
Деспижиимни эптиг туткаш,
Дески, чараш челбиийн-челбиийн.
Бирээ, ийи, үш, дөрт, беш,
Алды, чеди, сес, тос, он.
Челбип, челбип арыглап каанТергиин чаагай аккыр тараам,
Дээрбелеп тыртайн-тыртайн,
Дескиндир долгаайн-долгаайн.
Бирээ, ийи, үш, дөрт, беш,
Алды, чеди, сес, тос, он.
Он, тос, сес, чеди, алды,
Беш, дөрт, үш, ийи, бирээ.
Алдын-кыс Ооржак. Ак сумузу.