«Жас ?ланны? жар?ын ?лемі» шы?арма

Қызылорда облысы Қармақшы ауданы №183 орта мектебі
«Жас ұланның жарқын әлемі»
Дайынадаған: 10 «б» сыныбы оқушысы: Атабаева Аружан
Жетекшісі: мектеп тәлімгері Қарабалаева Азина Әбілбайқызы
2015 – 2016 оқу жылы
Қажу бар ма тұлпарға?
Талу бар ма сұңқарға?
Иман күшті оларда!
Мен жастарға сенемін!
Мағжан Жұмабаев
Біз – «Жас Ұлан»
Жарқын күнге жол ашады «Жас Ұлан»
Армысыздар, тәуелсіз елдің жадыраған жастары! Міне, Қазақстан да  XXI ғасырдың жаңа  онжылдығына қадам басты. Әрине, еліміздің арайлы таңының пердесін тек белсенді жастар ғана аша алады.   Елбасы, Н. Назарбаев, жолдауында: «Мен сіздер, бүгінгі жастар, ерекше ұрпақ екендеріңізді қайталаудан жалықпаймын. Сіздер тәуелсіз Қазақстанда өмірге келдіңіздер және сонда ержетіп келесіздер. Сіздердің жастық шақтарыңыздың уақыты – біздің еліміздің көтерілу және гүлдену уақыты. Сіздер осы жетістіктер рухын және табысқа деген ұмтылушылықты бойларыңызға сіңірдіңіздер»,  - деп пайымдаған.
Халық, ел жастарға сенеді. Ал ол сенімді бүгінгі жастар қалай ақтауда? Әрине, бес саусақ бірдей емес, олай болса жастардың барлығына кінә тағуға болмайды. Десе де бүгінгі жастарға рухани байлық, таза ой, терең білім, адамгершілік, адалдық, қайрат, қала берсе, денсаулығымыз да жетіспейтін секілді. Біз бір қоғамның азғындау жолында тұрған сияқтымыз. Ойланып көрейікші, бізді қазіргі уақытты не қызықтырады ? Елбасымыздың Халыққа Жолдауында ХХІ ғасыр білім ғасыры делінген. Олай болса, елімізді өркендету үшін білімді жастар керек, жақсы оқып, жан- жақты білім мен ғылым алуымыз керек. Ел ертеңі – біздердің, келер ұрпақтың қолында деп айтып та, жазып та жатыр. Елімізді көркейту, оны өзімізден кейінгі ұрпаққа жеткізу-біздің борышымыз деп білем. Ал осы дұрыс жолдан тайып, нашақорлық пен маскүнемдікке салынып жүрген жасөспірімдердің саны өсуде. Неге денсаулығымызды, жанымызды таза ұстап, талғамымыздың биіктігін білдіріп, салауатты өмір сүрмеске ? Бұған не кедергі, кім кінәлі? Бұған әр адамның өзі кінәлі. Өйткені біз келешегімізді ешқашанда қабылдағымыз келмейді. Пайғамбарымыздың хадистерінің бірінде: Ішімдікпен достастым дегенше, адамгершілікпен қоштастым дейтін ұлағатты сөзі бар. Бүгінгі батыстық әдеттерден арыла алмай жүрген жастар адамгершілікпен баяғыда қоштасқан. Ондайлар өздері өмір сүрген қоғамды қайтып көктетеді? Елінің қамын қашан ойлайды? Оны қалай қорғамақ? Осының бәрін ойлағанда қоғамды түсініп болмайсын. Ел боламын десен, бесігіңді түзе, - дегендей, еңсесін енді ғана көтеріп келе жатқан біздің еліміз үшін дарынды, білімді, жігерлі ұрпақтардың орны бөлек қой. Ал барлық жігер, қайрат, еліміздің болашағы тек жастардың қолында. Елбасымыздың Халыққа Жолдауында: Біздің ұрпақ алдында бабалар қол жеткізген игілікті сақтау, қайта қалпына келтірілген мемлекетімізді нығайту және дүниежүзілік қауымдастық талаптарына сай жаңа сапалық деңгейге көтерілу міндеті тұр,- деп , жастарға зор сенім мен үміт артып отыр. Еліміз Тәуелсіздік алғалы түрлі жастар ұйымдары құрылып, әр алуан істер атқарған болатын. Десек те, ешбірі бүкіл ел аумағындағы балалар мен жасөспірімдерді түгелдей қамтып, жұмылдыра алмады. Елбасының бастамасымен «Жас Ұлан»   атты бірыңғай балалар мен жасөспірімдер ұйымы ғана барлық жастарды бір жерге жұмылдыра алды. Ұйымның басты мақсаты – өскелең ұрпақтың бойына отаншылдық сезімді ұялату. Еліміздегі барлық бала осынау белсенді ұйымның қатарына енуге талпынады. «Жас Ұлан» - өскелең ұрпақты жоғары рухани-адамгершілік құндылықтар, гуманистік, толеранттылық пен демократиялық ұстанымдарға негізделген қазақстандық патриотизм рухында қалыптастыратын ұйым. Қазақ халқының тілін, мәдениетін, тарихын білу негізінде өскелең жас ұрпақтың бойында рухани - адамгершілікті қалыптастыру, балалар мен жасөспірімдердің азаматтық белсенділігі мен саналығын арттыру, танымдық жұмыстарды ынталандыру, балалар мен жасөспірімдердің зияткерлік, шығармашылық және әлеуметтік дамуы үшін жағдай жасау, жауапкершілік пен еңбексүйгіштікті қалыптастыруға, көшбасшылық және ұйымдастырушылық қабілеттерін дамытуға бағытталған баланың жеке тұлғалық қасиеттерін дамыту мақсаттарында «Жас Ұлан» ұйымы аудандық оқушылар үйімен, аудандық жыраулар үйімен, аудандық мәдениет үйімен,аудан орталығындағы жастар ұйымдарымен, қоғамдық, үкіметтік емес ұйымдармен және мемлекеттік мекемелермен бірлесе түрлі жұмыстар жүргізіп келеді. Ұйымның мүшелерінің осындай жұмыстарға қатыса отырып отан сүйгіштікке, ата - анасын, жақындарын, достарын құрметтеуге, өмірде баланың өзін тануға үйренеді.
Біз, Республикалық бірыңғай "Жас ұлан" балалар мен жасөспірімдер ұйының қатарына кіре отырып, Отанымыз - Қазақстан Республикасының патриоты, Мемлекеттік рәміздерді құрметтеуге, дәріптеуге, Туған еліміз, жеріміз, Отанымызды мақтаныш етуге, ата - анамызды қадірлеуге, үлкенге құрмет, кішіге ізет көрсетуге, білімге табандылықпен ұмтылуға, салауатты өмір салтын ұстануға, табиғатты аялауға, "Жас ұлан" ережесін бұлжытпай сақтауға және оны өз достарымыздан талап етуге, біздің жерлестеріміздің даңқты ерлігі, өнегесі негізінде ерлікке үйренуге және Отанға шексіз қызмет етуге /АНТ етеміз!/-осы ант арқылы біз Жас ұландықтар Мемлекетіміздің келекшек ұрпағы екенімізді көрсетеміз.
Басты алға азат ел - анамыз,Бастауда Нұрсұлтандай данамыз.Гүлденді кең байтақ даламыз,Түрленген сәнді сан қаламыз.Елдікке, ерлікке сенеміз,Елдікке, тірлікке кененбіз.Қажырмен қарыштап келеміз,Болашақ бағына енемізБасқарған Елбасы ұлы іс,Басталған жаңаша құрылыс.Баянды басталды бетбұрыс,Оңарған ер көсем құрып іс.Жаңаша дарыған білімім,Жараса дамыған ғылымым.Қазақтың өркенін өсірген,Азат күн - бақытым - ұлы күн.
Жас ұлан, қалыспа! Қырандай қарышта. Еліміздің абыройын Асқақтатып әлемге Нық ұстайық байрағын!