Разработка урока по осетинскому языку Туганов»

Аивад-удварны ржзжн

Конференци
Зассеты Людмила
Джиужргуыбайы мжйы 20 бон


Эпиграф: «Махарбек Туганов выхватил из эпической дали такие нравственные силы, как мужество, благородство, высокое представление о человеческом достоинстве, сострадание к человеческому горю, любовь к подвигу и обогатил ими духовный мир нашего современника Он обладал искусством творить из прошлого будущее» (Н.Джусойты).

КОНФЕРЕНЦИЙЫ ХЖСТЖ:

1) ахуырдзауты Тугъанты Махарбеджы цард жмж сфжлдыстадимж базонгж кжнын;
2) Реализмы, импрессионизмы, экспрессионизмы тыххжй теори практикжимж бабжтгжйж, цыбыр зонжнтж раттын.

КОНФЕРЕНЦИЙЫ ФЖЛЫСТ: Махарбеджы фотоальбомжй хуызистытж, урочы цы нывтыл дзырд цжудзжнис, уыдонжй репродукцитж, интерактивон фжйнжгыл иллюстративон жрмжг аивадон зджхтыты фждыл.

КОНФЕРЕНЦИЙЫ ХУЫЗ: лекци беседжйы элементтимж.

АХУЫРГЖНЖДЖЫ РАНЫХАС.
Аивады егъауджр хжстжй иу у, аджмы зонджн ахъаз жмж намысонжй цы ис, уыдон фжлтжржй фжлтжрмж аджттын, сжнусон кжнын. Уый хорз жмбжрста Ирыстоны аджмон нывгжнжг, Гуырдзыйы аивждты сгуыхт архайжг Тугъанты Махарбег (1881-1952).
Йж царды фжлтжржнтж. (Биографион жрмжг джтты скъоладзаутжй исчи). Тугъаны –фырт йж цард снывонд кодта йж уарзон аджмжн, йе сфжлдыстад егъау фжд ныууагъта Ирыстоны жхсжнадон жмж аивадон хъуыдыйы. Нывгжнжг, публицист, фольклорон уацмыстж жмбырдгжнжг жмж иртасжг, педагог жмж этнограф – Махарбеджы курдиат алкжм джр йжхи равдыста тыхджын жмж алывжрсыгжй.
Йж фыд Сафар – Ирыстоны фыццаг ахуыргонд ботаник, агроном – каст фжци Бонны университет. Ахуыры азты йж зжрджмж хжстжг айста социал-демократон идеалтж, архайдта йжхи фжллойж цжрынмж. Тугъанты ужздан мыггаг уымжй разы нж уыдысты, кусжг аджммж хжлар цжстжй кжй кастис, уый йын нж барстой. Сафары нал бафжндыди семж иу цары бын цжрын. Махарбеджы фыд Дур-Дуры балхждта къаннжг (дыуужуатон) хждзар. Суинаг нывгжнжг райгуырдис ам. Йж мад – Санаты Гацыры чызг Асиат, йж ржстжгмж гжсгж райста хорз ахуырдзинад. Санаты жфсымжртж, Гацыр жмж Дзантемыр, Ирыстоны зындгонд сты куыд рухстауджытж, аджмон сфжлдыстады фыццаг жмбырдгжнджытж.
Иу дзырджй, Махарбеджы Дунескжнжг курдиаты генжй мадырваджлтырдыгжй джр нж фжхъулон кодта Лжппу райдианы ахуыр кодта Кизеры пансионы, фжстжджр реалон училищейы. Суанг ужд фжбжржг ис йж зжрджргъжвддзинад ныв кжнынмж. Иу ржстжджы Алыккаты Аннжмж, Къостайы хорз зонгжмж, бахатыди, цжмжн йын уый йж фыццаг фжлваржнтж Къостамж равдиса. Алцы джр йжхицжй аразгж у, нырау жнувыджй йж нысанмж куы тырна, ужд дзы нывгжнжг жнжмжнг рауайдзжни, зжгъгж, Аннж лжппуйжн Къостайы ныхжстж куы рафжзмыдта, ужд ын стыр ныфсы хос фесты. Фжлж йж ныййарджытжм сж фырты фжлтжржнтж хи ирхжфсынау кастысты. Жмж йж 1900 азы Бетъырбухмж афжндараст кодтой, цжмжй фжлваржнтж радта Хжххон институтмж. Лжппу конкурсы нж ацыди(геометрийж «цыппар» кжй райста, уымж гжсгж), фжлж сжхимж нал азджхти. Сфжнд кодта Къостайау уый джр Аивждты академимж бацжуын. Уый тыххжй уал иу аз сахуыр кодта нывгжнжг Гольдблаты цжттжгжнжн скъолайы жмж 1901 азы ссис Аивждты академийы студент.
Йе сфжлдыстадон фыццаг къахдзжфтж акодта хъуыстгонд Репины жрмадзы, курдиатджын педагогтж Чистяков, Мясоедов, Саввинский жмж иннжты разамынджй. Фжлж Махарбеджы фжндыди Антон Ашбейы скъоламж. Мюнхен уыди ног аивады – авангарды центр.
Фжсаржнты Махарбегжн фадат фжци Берлины, Мюнхены, Венжйы аивждты музейтж бабжржг кжнын. Жрыгон нывгжнжджы зыд цжстжнгас зылди Тицианы, Рембрандты, Делакруайы жрмдзжфы бжрджытыл, «касти» сын сж джсныйады сусжгдзинждтж.
1907 азы Махарбег сызджхтис йж фыдызжхмж. Дзжуджыхъжуы байгом кодта аивадон студи, уыди джсны ахуыргжнжг жмж жмржстжджы – жнувыд ахуыргжнинаг. Кърандасжй ныв кодта хохаг рагон хждзжрттж: сж орнаменты характерон нывжфтыдтимж, цжджындзты сжртыл хъжджйскъахт фыры здыхт сыкъатимж, ныв кодта мжсгуытж жмж зжппждзтж, кувжнд
·жттж, хждзары дзаумжттж, жмбырд кодта кадджытж жмж тауржгътж.
Ирыстоны Советон хицауад куы жрфидар, ужд Махарбег ссис Терчы зылды аивадон – агитацион плакатты хайады сжргължуужг. Фыста цыргъ карикатуржтж – кулактж, урсгвардионтж, ног царджн цжлхдуртж чи аразы, уыдоны ныхмж.
1924-1925 азты афтыди Бакумж, уырдыгжй Туркменимж, ахуыр кодта амы аджмты цард. Астжуккаг Азийы сахартж жмж змисджын быдырты сжмжбжлди цымыдисаг типажтыл, разагъды архитектуржйыл, базонгж, нырмж кжй никуы федта, ахжм жрдзон ахоржнтж жмж фжзындтимж.
Дзжуджыхъжумж куы жрызджхтис, ужд куыста Ирон педагогон техникумы, уыдис аивадон къорды сжргължуужг.
1930 азы Махарбег жрцарди Чъребайы, амы Бжстжзонжн музейы байгом кодта аивадон студи жмж национ нывты галерей. Ноджы йж сжйраг нывгжнжгжй жрбахуыдтой Хуссар ирыстоны паддзахадон театрмж.
1942 азжй фжстжмж лжууыди Хуссар Ирыстоны наукон-иртасжн институты аивады хайады сжргъы, ныффыста бирж иртасжн куыстытж культурж, фольклор жмж аивады ахсджиаг фарстатыл.
1952 азы, июны кжрон, Махарбег жвиппайды жррынчын жмж 4 июлы йж царджй ахицжн ис. Бирж сфжлдыстадон фжндтж йын баззадис жххжстгжнинагжй. Йж гуырахстджынджр уацмыс «Нарты куывд»-ыл джр кжронмж нал бакуыста.
Нывгжнжджы хъысмжт, йж курдиаты ржзт жмж ивжнтж жнгом баст уыдысты ржстжгимж, стжй ужржсейаг жмж Европжйаг хуызфыссынады ног агуржнтимж. (Ахуыргжнжг скъоладзауты зонгж кжны аивады ацы зджхтимж, сж алкжйы тыххжй ныхас бафидар кжны интерактивон фжйнжгыл фыст цыбыр характеристикжйж, скъоладзаутж сж радыгай рафыссынц сж кусжн тетрждтжм).

Ахуыргжнжджы хатдзжг:

Куыд федтам, афтжмжй Тугъанты Махарбег нж ахызтис модернизмы агуржнты иувжрсты. Фжлж советон хицауад куы жрфидар сты, ужд ын йж уыцы жмхицтыл жргомжй дзуржн нал уыдис. Райдыдта социалистон реализмы дуг. Махарбег джр, кой ма нжм уыди, 1920-1930 азты йж курдиаты тых фылджр хардз кодта плакаттж жмж карикатуржтж, хъжууон-хждзарадон равдыстытж жмж партион съездты куыст ныв кжныныл.
Фжлж курдиат дуры бынжй джр жвзар суадзы. Тугъаны-фырты сфжлдыстады ацы фжлтжры джр жмбжлжм, тохы пафос жмж динамизмжй чи улжфы, ахжм кжттжгтыл. Уый фжрцы сж плакатондзинад жмж гротескон сатирж джр цыма иучысыл жрлжмжгъ вжййынц.
Нысаниужгджын историон цауы бындурыл сыржзтис Махарбеджы жмбисонды ныв «Гокъонаты Кябж» (1929). 1919 азы Деникины жфсжддонтж жрхъула сты Чырыстонхъжуыл. Хъжуиргъжвгжнджытж сын ныхкъуырд радтой, фжлж, нымжцжй жмж хжцжнгарзжй фаг ифтонг кжй нж жййжфтой, уымж гжсгж тугкалжн хжсты кжцыджр уысмы фжкъуыхцы сты. Ужд Гокъонаты Кябж, йж фырттж урсгвардионты къухжй кжмжн фжмард сты, уыцы хъайтар сылгоймаг, кжлмжрзжн йж сжржй сыскъуынгжйж, нжлгоймжгтжн сж фжндаг жржхгждта. Фыджлтыккон жгъдауы фарн жмж жфсарм тохы быдыржй лидзжг аджмыл уыйас сахадыдтой, жмж, цжхгжр фжзилгжйж, знаджы уайтжккж сж быны ассжстой. Махарбег джр йж нывы ацы уысм «жрцахста»: хжцжг дзыллж размж куыд ныххжрржтт кодтой. Ныв егъау нжу, фжлж йж автор композицион жгъдаужй уыйбжрц джсны саржзта, жмж дзы тохы быдыр жнжхъжнжй джр цыма зыны, афтж нжм кжсы.
Нывы раззаг пъланы ставд фыстжй – жхсарджын Мад: цжнгтжтыгъджй фидар лжууы йе схжссжг райгуыржн зжххыл: фыдгулжн дзы бжрц джр нж ратдзжнис !.. Йж цжсгомы жнгас, йж гуыржвжрд дзуржг сты тыхгжнжгмж жнжуынондзинадыл. Уынжм жй уджгасау: ацжргж, фжлж нырма хъжддыхтж сылгоймаг ирон фжлысты, дымгж йын фжйлауы йж куыржты фждджитж жмж кжлмжрзжн – рахиз къухжй йж бжрзонд систа, йж галиу къухы сжрыстыр жмж барджын фжтылджй сиды аджммж. Жд «хотыхтж» аджмы бардзы иу хай йж иувжрсты размж фжбырсы, иннжтж джр жрхжстжг сты. Нывы дзжбжх зынынц экспрессионизмы жуужлтж. Уымж гжсгж хорз уаид ахуырдзауты базонгж кжнын Европжйаг аивады джсныты жрмдзжфимж.

15