Мектепалды даярлы? сыныбына арнал?ан о?у ж?мыстарын ?йымдастыруды? технологиялы? картасы Та?ырыбы: «Атам мен ?жемні? ауылына саяхат».


Қостанай қаласы әкімдігінің «Қостанай қаласы әкімдігінің білім бөлімінің № 27 бөбекжай – бақшасы» Мемлекеттік Коммуналдық Қазыналық Кәсіпорны.
Мектепалды даярлық сыныбына арналған оқу жұмыстарын ұйымдастырудың технологиялық картасы
Тақырыбы: «Атам мен әжемнің ауылына саяхат».

Қазақ тілі мұғалімі: Иманкулова Р.А.
Қостанай қаласы
Мектепалды даярлық сыныбына арналған
оқу жұмыстарын ұйымдастырудың технологиялық картасы
Білім беру саласы: «Қатынас»
Бөлімдері: Қазақ тілі.
Тақырыбы: «Атам мен әжемнің ауылына саяхат».
Мақсаты: Жабайы аңдар және үй жануарлары жайлы білімдерін бекіту, сөйлем құрастыру, қысқаша әңгіме құрастыру, аталған тақырыптар бойынша жаңылтпаштар, мақал – мәтелдер, әндер жаттату.
Сөздік жұмыс: жабайы аңдар және үй жануарлары тақырыбына қатысты сөздер.
Іс –әрекет кезеңдері Мұғалімнің іс - әрекеті Балалардың іс - әрекеті
Мотивациялық қозғаушы- Сәлеметсіздер ме, балалар!
- Балалар бүгінгі сабақта біз сендермен атамыз бен әжеміздің ауылына поездбен саяхатқа аттанамыз.
-Балалар естідіңдерме, біз мінетін поезды хабарлап жатыр.Кәнекей билеттерімізді алып вагондарға жайғасайық.
Бүгін пеоздың жүргізуші тілшек болады.Тілшекке поезды жүргізуге көмектесейік.Ол үшін жаңытпаштарды қайталап, тілімізді жаттықтыру қажет:
Ақ тай ақ па?
Қара тай ақ па?
Тебіншек ат – шегіншек
Шегіншек ат – тебіншек
Ақ тай лақтай
Қай лақ тайлақтай.
- Жарайсыңдар, балалар! Орындарынан тұрады.
Амандасады.
Билеттерді алып, вагондарға жайғасады.
Балалар жаңылтпаштарды қайталап, тілдерін жаттықтырады.
Іздену
ұйымдастырушы - Тілімізді жаттықтырып үлгіргенше бірінші станцияға да жетіп қалыппыз.
Бұл хайуанаттар саябағы.
-Балалар барлық аңдар қайда жоғалып кеткен?
-Кәнекей оларды жұмбақ жасыру арқылы тауып алайық.
Ол жабайы аң, аңдардың патшасы.
Ол жабайы аң,банан жейді.
Ол жабайы аң, сары ала жолақты.
Ол жабайы аң,қара ала жолақты.
Ол жабайы аң,тұмсығы ұзын.
Ол жабайы аң,суда мекендейді.
Ол жабайы аң, маймақ, қоңыр.
Жақсы балалар барлық аңдарды орындарына қайтардық.
-Әрі қарай жол жүреміз.
-Қараңдарщы бізге өзен кедергі болып тұр.
-Көпір пайда болу үшін тапсырма орындауымыз қажет.
Тапсырма: Экранда пайда болған Қазақстанда мекендейтін жабайы аңдарды тақтадағы картаға орналастырып, қысқаша әңгіме құрастыр.
Жарайсыңдар балалар,саяхатқа әрі қарай аттанамыз.
Атамыз бен әжеміздің ауылы көрінгендей.
Мінекей, ауылға да жетіп қалдық.
Балалар мынау кімдер?
Балалар біздің атамыз домино ойынын ойнауды өте жақсы көрет екен, бірге ойнап көңілін көтерейік.
«Домино ойыны»
Мақсаты: ойын арқылы үй жануарларының атауларын бекіту.
-Балалар ал әжеміз төлдерге күнде тамақ, су беріп, оларды күтеді.Бірақ төлдерінің санын білмей отыр.Әжемізге төлдерін игровизор арқылы санап берейік.
-Алдымен интерактивтік тақтаға назар аударып,сандарды еске түсіріп алайық.
«Игровизор» ойыны.
Мақсаты: төлдердің санын анықтау (зат есіммен сан есімді байланыстыру).
-Жарайсыңдар балалар! Балалар жұмбақтардың шешімдерін табады:
-Арыстан.
- Маймыл.
-Жолбарыс.
Зебра.
Піл.
Бегемот.
Аю.
Балалар экранда пайда болған Қазақстанда мекендейтін жабайы аңдарды тақтадағы картаға орналастырып қысқаша әңгіме құрастырады:
Мысалы:
Мынау қасқыр.
Қасқыр жабайы аң.
Қасқыр жыртқыш.
Қасқыр Қазақстанда мекендейді.
Мынау ата.
Мынау әже.
Балалар доминоны құрастыра отырып, үй жануарларының аттарын атайды.
Балалар интерактивтік тақтаға назар аударып,сандар туралы көңілді әнді орындайды.
Балалар игровизор ойыны арқылы төлдердің санын анықтап, зат есіммен сан есімді байланыстырады.
Рефлексивті коррекциялаушы-Балалар қараңдаршы, атамыз бен әжеміздің немересі Әли мектептен келіпті.Ол қамшы жүгірту ойыны арқылы сендердің үй жануарлары туралы қандай мақал – мәтел білетіндеріңді көргісі келеді.
-Қараңдаршы Әжеміз бізге арнап бауырсақ дайындапты.
-Біз Әжемізге алғысымызды білдіру үшін «Әже» туралы ән салып берейік.
- Мадақтау.
- Қоштасу. Балалар қамшы жүгірту арқылы үй жануарлары туралы мақал – мәтелдерді еске түсіреді.
Балалар «Әже» туралы ән орындап, билейді.
Балалар қоштасады.
Күтілетін нәтиже:
Орындайды:аталған тақырып бойынша сөздерді біледі,сөздік қоры дамыйды.
Түсінеді: сөздік қоры арта түсіп, ой – өрісі кеңейеді, сұрақтарға жауап береді.
Қолданады: сұрақтарға жауап беріп, сөйлем құрастырады, қазақ халқының аталған тақырып бойынша жаңылтпаштарын. мақал –мәтелдерін қайталайды.