Беттерді? параметрлері. Жиек. Алдын ала ?арау. ??жатты баспадан шы?ару.
Қысқа мерзімдік жоспары
27.01.2015 Информатика 6-сынып
Сабақ тақырыбы: Беттердің параметрлері. Жиек. Алдын ала қарау. Құжатты баспадан шығару.
Жалпы мақсат: Мәтіндік редакторда дайындалған құжаттарда беттің параметрлері орната алады; Жиек сыза алады; құжаттарды баспаға шығармас бұрын қарауды үйрене алады; дайындаған құжаттарын қағазға басып шығара алады.
Сілтеме: 6-шы сыныпқа арнлған электронды оқулық
6-сыныпқа арналған информатика оқулығы.
ЦБР материалдары
Оқу нәтижесі: Мәтіндік редакторда дайындалған құжаттарда беттің параметрлерін орната алады(кейбіреуі);
Жиек сыза алады(барлығы);
Құжаттарды баспаға шығармас бұрын қарауды үйрене алады(барлығы);
Дайындаған құжаттарын қағазға басып шығара алады(барлығы).
Сабақта қолданыла-
тын материалдар: ДК, интерактивті тақта, ЭО, видео, тұсаукесер, оқулықтар, дәптерлер,тараптпа карточкалар.
Оқыту әдістері: Түсіндірмелі-практикалық сабақ
Дерек көздері: Информатикаға арналған жұмыс дәптері.
Оқулық
Сілтемелер
Электронды оқулықтар
ЦБР
Тапсырмалар: Оқулықпен жұмыс, жеке жұмыс, интернетпен жұмыс, деңгейлік тапсырмалар.
Сабақ бойынша мұғалім мен оқушының іс-әрекеті:
Тапсырмалар Мұғалімнің іс-әрекеті Оқушының іс-әрекеті
І. Ұйымдастыру кезеңі (2 мин) Оқушылармен амандасу, түгендеу, сабақтың мақсатымен таныстыру. Амандасады, сабаққа келмеген оқушылардың тізімін береді, сабақтың мақсатың тыңдап, сабаққа дайындалады.
ІІ. Үй тапсырмасын сұрау. (5 мин ) ЦБР-мен жұмыс
1-жаттығу.
2-жаттығу.
3-жаттығу.
Жауабы:
Жауабы:
Жауабы:
ІІІ. Жаңа тақырып
(7 мин)
Ернеулердің (Поля) батырмасы жоғарғы, төменгі, сол жақтағы немесе оң жақтағы ернеулердің мөлшерлерін таңдауға мүмкіндік береді (56-сурет ).
Егер құжатты парақтың екі жақ бетіне басу және соңынан тігу керек болса, онда Айналық ернеулерді қосады және тігу үшін ернеулердің бірін кеңейтеді. Бұл жағдайда ернеулердің Сол жақ және Оң жақ атаулары сөйкесінше Ішкі және Сыртқы болып өзгереді.
Беттің терілу бағытымен (кітаптың немесе альбомдық) және қағаздың мөлшерімен сендер бұрыннан таныссыңдар.
Мәтіндік құжаттағы емле қателерін тексеру
Мәтіндік процессор құжаттың грамматикасы мен орфографиясын автоматты түрде тексеру мүмкіндігін тудырады (орыс, ағылшын т.б. тілдерде осындай мүмкіндік бар). Дұрыс енгізілмеген немесе белгісіз сөздердің асты қызыл толқынды сызықпен сызылады. Синтаксистік қателері бар фрагменттердің асты жасыл сызықпен сызылады.
Сөзді түзету үшін оған меңзерді апарып, тінтуірдің оң жақ батырмасымен жанама мәзірді шақырса және қатені түзету үлгісін таңдаса, жеткілікті.
Құжаттың толықтай қатесін тексеру үшін Ғ7 басу керек. Бұл жағдайда егер қате табылса, онда сұхбаттық терезе шығады да, соның ішінде мәтіндік процессор тапқан қателерді түзетуге немесе өткізіп жіберуге болады (57-сурет ).
Құжатты басып шығару өлшемдерін баптау
Құжат құрудың соңғы қадамы оның қағаздағы көшірмесін алу болып табылады. Ол үшін «Office» батырмасы => Басып шығару бұйрықтар блогы жауап береді. Құжатты басып шығару кезеңдерін қарастырайық, оның алғашқыларының бірі Алдын ала қарау бұйрығы (58-сурет).
Алдын ала қараудың негізгі қызметі - басылып шығатын беттердің қағазда қандай түрде болатынын көрсету. ( 59-сурет ).
Алдын ала қарау терезесінде беттің параметрлерін баптауға болады.
Беттен бетке ауысу Келесі бет және Алдыңғы бет батырмаларымен жүзеге асырылады.
Алдын ала қарау терезесінен құжатты тікелей принтерге басып шығаруға жіберуге болады. Ол үшін Басып шығару батырмасы қарастырылған.
Алдын ала қарау режимінен шығу және құжатпен жұмыс істеу режиміне қайта оралу Алдын ала қарау терезесін жабу батырмасы көмегімен орындалады.
Басып шығару
Дайын құжатты мұқият қарап шыққаннан кейін оны қағазға басып шығаруға болады. Тез басып шығару бұйрығы құжатты бірден принтерге жөнелтеді. Басып шығару параметрлерін баптау үшін Басып шығару бұйрығын қолданады (60-сурет ).
Басып шығару сұхбаттық терезесінде көрсетілетіндер:
1) құжатты басып шығарғыларың келетін принтердің аты. Үй жағдайында бұл бір принтер болуы мүмкін. Ал сендердің сыныптарыңда принтерлер бірнешеу болуы мүмкін: мысалы, суреттерді басып шығаруға арналған түрлі
түсті бүріккіш принтер және құжаттарды шығаруға арналған қарааң лазерлік принтер;
2) беттердің басып шығарылатын нөмірлері. Сендерге келесі өрістердің бірін таңдау ұсынылады:
• барлығы - құжатты түгел басып шығару үшін;
• ағымдағы - принтерге тек ағымдағы, яғни меңзер орналасқан бет қана жіберіледі;
• нөмірлер - басып шығарылатын беттердің нөмірлері көрсетіледі. Егер беттерді
таңдап басатын болсаңдар, онда беттердің нөмірлерін үтір немесе дефис арқылы
көрсетесіңдер. Мысалы, 5-10 (бесіншіден оныншыға дейінгі) беттер немесе 5,10
(бесінші және оныншы ғана) беттер. Араластырып көрсетуге де болады, мысалы, 2
4, 6 (екінші, үшінші, төртінші және алтыншы беттер);
3) парақтың екі жақ бетіне басу үшін Басуға шығару ажыратқышын қолданған
ыңғайлы. Алдымен Тақ санды беттерді таңдап, құжатты басып шығарамыз. Одан
кейін парақтарды аударып, қайтадан Басып шығару бұйрығын және Басуға
шығару => Жұп санды беттер ажыратқышын таңдайды. Ол үшін Екіжақты басып
шығару құсқанаты белгісін пайдалануға да болады;
4) құжаттың бірнеше данасын басып шығару үшін Көшірмелер саны өрісінде
қажетті санды тағайындайды. Алдымен құжаттың бірінші данасының барлық
беттерін, одан кейін екінші данасының барлық беттерін және т.с.с. басып шығару
керек болса, онда Көшірмелер бойынша айырып алу құсқанаты белгісін қосады.
Егер белгі өшіріліп тұрса, онда алдымен барлық даналардың бірінші беті, одан
кейін барлық даналардың екінші беті және т.с.с. басылып шығады;
5) Қасиеттер батырмасы таңдалған принтердің қасиеттер терезесін шығарады;
6) барлық параметрлерді баптап болғаннан кейін ОК басады. Тек енді ғана принтер
құжатты басып шығаруға кіріседі.
Түйін!
• Бет параметрлерінің барлық баптауларына жолақтың Бетті белгілеу => Беттің өлшемдері тіркеме парағында қол жеткізуге болады.
• Жиекжолақтар батырмасы жоғарғы, төменгі, сол жақтағы немесе оң жақтағы жиекжолақтардың мөлшерлерін таңдауға мүмкіндік береді.
• Егер құжатты парақтың екі жақ бетіне басу керек болса, онда Айналық жиекжолақтарды қосады.
• Құжаттың толықтай қатесін тексеру үшін Ғ7 басу керек.
• Құжатты Алдын ала қарау және Басып шығару бүйрықтары Office => Басып шығару бұйрықтарының мәзірінде орналасқан.
• Беттің параметрлерінің барлық баптаулары құжатты Алдын ала қарау режимінде қол жетімді.
• Басып шығару алдында принтердің атын, басып шығарылатын беттердің нөмірлерін, құжаттың қажетті данасының санын және басқа да басып шығару параметрлерін көрсетуге болады.
ІV. Компьютердегі тәжірибелік жұмыс
(15 мин)
Оқулықпен жұмыс 136-137 б.б. Компьютердегі тәжірибелік жұмысты оқушылар өз ДК-де орындайды. А деңгейі
1. Бірнеше бағанға бөлу амалын қолданып,
мәтінді теріңдер.
2. Теру кезінде мәтіннің фрагментін көшіру
бұйрықтарын пайдаланыңдар.
3. Мәтіндегі азат жол шегінісін 1 см
етіңдер.
Жұмыс өрісінде боялған торлардың жоқ екені белгілі. Келесі бұйрықтар орындалған соң қанша тордың боялатынын анықтаңдар:
бояу б) бояу
оңға оңға
жоғары бояу
бояу бояу
оңға оңға
бояу оңға
жоғары бояу
бояу бояу
бояу бояу
оңға оңға
4. Құжаттың жіңішке жиек
жолақтарын баптаңдар.
5. Беттің терілу бағытын альбомдық
етіп өзгертіңдер.
6. Құжаттың қатесін тексеруді
орындаңдар.
7. Құжатты сақтаңдар.
В деңгейі
1. Мәтінді теріңдер.
2. Қаріпті үлгіде көрсетілгендей етіп
әрлеңдер.
3. Бірінші абзацта азат жолды 3 см,
мәтіннің түсін қызыл етіп орнатыңдар.
4. Мәтінге «Программалық жабдықтама»
тақырып атауын қосыңдар.
5. Тақырып атауын жуан қаріппен
ерекшелеп, қаріптің мөлшерін 13 пункт
етіп орнатыңдар.
Жоғары техникалық сипаттамаларға ие
жаңа ІВМ РС пайда болды. Дүниежүзілік ғаламтор желісі дамып және кеңінен қолданылып келеді.
Осы компьютерлерге лайық программалық жабдықтамалар мен Microsoft Windows фирмасының заманауи компьютерлік технологиялары Office (Word, Ехсеl, Аcces, Роwer Point), Internet Explorer, заманауи мәтіндік және графикалық процессорлар (PhotoShop, CorelDraw), Turbo Pascal және Воland С + +, Q Basic, Visual Basic программалау жүйелері, дерек қорларын басқару жүйелері, заманауи вирусқа қарсы, қолданбалы және оқыту программалары пайда болды.
Ақпараттық технологиялар - нысанның, үдерістің немесе құбылыстың қалып-күйі туралы жаңа сападағы ақпаратты алу үшін құрал-жабдықтар мен бастапқы ақпаратты өңдеу және тасымалдау тәсілдерінің жиынын пайдаланатын үдеріс. Ақпараттық технологияның құрал-саймандары - қолданылуы тұтынушы қойған мақсаттарға қол жеткізуге мүмкіндік беретін программалық өнімдердің жиыны.
6. Айналық жиекжолақтарды баптаңдар.
7. Құжаттағы қатені тексеруді
орындаңдар.
8. Мәтінді бөлгіші бар 3 бағанға
орналастырыңдар.
9. Құжатты дискіде сақтаңдар.
С деңгейі
Оқулықтың осы параграфының материалдары бойынша құжат құрыңдар. Суреттерді мәзірлік терезелердің скриншоттары (экрандағы бейнелерінің алмасу буферіне көшірілген нұсқасы) көмегімен орындаңдар. Экрандағы бейнелерді алмасу буферіне көшіру (скриншотты алу) үшін Рrint Screen пернесін пайдаланыңдар.
V. Сергіту сәті.
(2 мин) ЭО-та «Көзге арналған жаттығулар» бөлімін ашып, жаттығуларды орындайды. Қол саусақтарына арналған жаттығулар
Алақанды уқалау.
Қолды қысу
Білезіктен айналдыру
Көзге арналған жаттығулар.
Көзді бірнеше рет жыпылықтату.
Көзіңмен ақырын оң жаққа, жоғары, солға, төмен қарай 3-4 рет айналым жаса
Жаттығуды орындарында отырып орындау.
VІ. Бақылау сұрақтары мен тапсырмалар.
(9 мин) Оқулықпен жұмыс 135 б.б., 1-9 сұрақтарға ауызша жауап беру. Бақылау сұрақтары мен тапсырмалар
1. Жолақтың Бетті белгілеу => Беттің өлшемдері тіркеме парағының бұйрықтарын атаңдар.
2. Өздерің білетін жиекжолақтардың түрлерін атаңдар.
3. Айналық жиекжолақтар өлшемдерін не үшін қолданады?
4. Беттің теру бағыты деген не?
5. Беттің теру бағытын қалай өзгертеміз?
6. Басып шығару үшін әдетте қағаздың қандай мөлшерін қолданамыз?
7. Құжаттың емле қателерін қалай тексереміз?
8. Мәтінде қателер орын алғанын мәтіндік процессор бізге қалай көрсетеді?
9*. Құжатта тасымалдау белгілерін қойып шыгуды қалай қосамыз?
VІI. Үйге тапсырмасын беру. (2 мин) §21 оқу, конспект. ЦБР№1922 Үй тапсырмасын күнделіктеріне жазып алады.
VIII. Бағалау
(2 мин)
Әр оқушыға жеке тұлға ретінде баға беру. (жарайсың, қолыңнан келеді, көп еңбектендің) Бір - біріне баға береді, ұнаған жерлерін айтып пікір таласады
IХ. Рефлексия
(2 мин )
Сабақ ұнады
Тақырып бойынша сұрақтарым бар
Сабақ ұнамады
Сабақ ұнады
Тақырып бойынша сұрақтарым бар
Сабақ ұнамады