Эссе на тему ?ар?ынды ба?ыт

Білім кеңістігі
Ақылмен ойлап білген сөз,
Бойына жұқпас, сырғанар.
Ынталы жүрек сезген сөз,
Бар тамырды қуалар, деп
Абай атамыз айтқандай , бүгінгі күні мектеп тренері курсынан алған қуатты мәліметтерімді саралалап ой елегінен өткізетін болсам: берілген ақпаратты дайын қалпында қолданысқа түсірсем есімде ұзақ сақталмас.Бойыма қуат дарытқан,жүрегімде ынталылықты оята отырып үйренген жаңашыл әрекеттерімді өмір бойы есімде сақтап,саналы тұрғыда оқу үрдісіне қолданатын болсам білім әлемінде табыстылыққа жететініме сенімдімін.
«Адам ұрпағымен мың жасайды», осы ұлағатты сөздің астарында қаншама терең сыр жатқанын шын жүрекпен сезіне аламыз ба? Бүгінгі күннің ұрпағы ертеңгі жарқын болашаққа жол салушылар емес пе? Ал, олардың салған жолдарының жарқын болуына кепілдік бере аламыз ба?Міне, осындай сипаттағы сан алуан сауалдар мені ойландырмай қоймады.Осындай сыни тұрғыдағы сауалдар төңірегінде ойлану , оған жауап беруде іске асқан жұмыстардың астарынан дәлел іздеп тапқандаймын.Мені ойландырған маңызды мәселе мектеп мұғалімдерінің болашақтағы әрекеті еді.Мектеп мұғалімдері болашаққа жол салушыларымыздың жарық жұлдызға айналуына ықпалды әрекет жасай ала ма?Мектеп тренері курсының ұйымдастырылуы осы мәселенің шешімін табуға жол сілтеуде.Мектебімде деңгейлік курстан тәлім алмаған ұстаздарымыздың кейінгі әрекеттері не болмақ деген сауал көкейімді мазалайтын.Болашаққа сенімді қадам жасау үшін жаңа бағдарлама идеясының мағынасын түсінген оқыту әдістерін жаңашылдықпен ұштастыра отырып жаңғыртып жетілдіретін ұстаздар қауымы басым болуы қажет деп түйсінемін. Алдымызда қаншама кедергілер кездессе,соншалықты ілгері қадам жасау арқылы мектеп тренері курсынан көкейіме түйген,санамды жаңғыртқан тың идеялар көмегімен жою арқылы мақсатқа жетуге бағыттап қолданбақпын.
Курс тыңдау кезінде үйретуші тренер мен тыңдаушы әріптестердің бірлескен ынтымақтасқан ортадағы пікірлері мен кедергілерді болдырмау жолдарын талдау дағдылары оң әсерін қалдырды. Көзделген мақсатқа жету жолында ілгерілеу байқалды.Алғашқы сәттерде кейбір беймәлім ұғымдардың болғаны да шындық. Бүгін міне, аспаным бұлттан сейілгендей,себебі, менің тренерім шуағын шашқан күн нұрын орната алды.
Айналама қарап,мені қоршаған әлемдегі сан алуан өзгерістерге шаттана қуанып, қанатымды кеңге сермеп,шабыттана түскендеймін.Алдымыздағы үлкен асуға – біліктілік пен ұстаздық шеберлігімізді ұштастыра отырып, шәкірттерімізді ,мынау кең әлемді мойындататын рухани биік шыңға шығару міндеті тұр. Терең ойларға беріліп,сенім жүгінің ауыр екендігін сезіндім.
«Бір әріп үйреткенге 40 жыл сәлем бер» деген халық даналығына сүйеніп, тренерім Гүлшат Бейсенбековнаға «сапалы әдістер үйреткен тренеріме 40 рет тағзым». Алдағы уақытта мектеп ұжымын жаңашылдыққа жұмылдыруда Луций Анней Сенека айтқандай: «Басқаларды үйрете жүріп біз өзіміз үйренеміз».
«Тәжірибедегі рефлексия» мектеп тренері курсының
тыңдаушысы Нұрханова Ләззат Сүйеубайқызы