Тренинг ?БТ-?а психологиялы? т?р?ыдан дайынды?

Тренинг тақырыбы: «Жағымды көңіл – күй»
Мақсаты: Сыныптағы ұйымшылдықты, бірлесуді дамыту, психологиялық және дене қатаюынан, күштенуінен арылту, бітірушілерге өз күштерін тексеруге, өзін терең білуге көмектесу, жағымды көңіл-күй қалыптастыру және өнімді іс-әрекетке кедергі келтіретін мінез-құлқын өзгертуге көмектесу.
Тренинг құрылымы:
I.Ұйымдастыру кезеңі
II.Тренингтің мақсат міндеттерін хабарлау
III.Негізгі бөлім
«Салемдеме хат» жаттығуы
«Күншуақ» жаттығуы
«Суретті сал және екінші адамға бер» жаттығуы
«Жүйкелік-психологиялық қысымнан арылу тәсілдері»
IV.Қорытынды бөлім
«Менің көңіл-күйім» тест
«Келесіде кездескенше жаттығуы»
Тренингтің жүру барысы
I.Ұйымдастыру кезеңі (амандасу, тренингке қатысушыларға алғыс айту)
II.Тренингтің мақсат міндеттерін хабарлау.
III.Тренингке дайындық, ережесімен таныстыру.
Топта жұмыс істеу ережесі
Бір-бірімізді сыйлау, тыңдау, сөзімізді бөлмеу.
Белсенді қатысу
Әркім өз пікірін білдіруге құқылы
Пайда болған ой, сезімдеріңді осы жерде және қазір айт
«Басынан» «Аяғына» дейін жұмыс істеу
IV. Негізгі бөлім
А)«Сәлемдеме хат» жаттығуы.
Мақсаты: жағымды көңіл-күй, сынып ұйымшылдығын арттыру, эмпатия сезімін дамыту.
Нұсқау: Мен сіздерден өз сәлемдемелеріңізді жазып, мына столдың үстіне қоюларыңызды сұраймын. Ал енді бұларды араластырамын. Сіздер оны қайтадан алып, өзіңізге келген сәлемдемені оқисыздар. Қаласаңыз кездесудің естелігі ретінде өзіңізде қалдырыңыз.
Талдау: Сәлемдеме жазу қиын болдыма?
Сіз сәлемдемені оқығанда өзіңізді қалай сезіндіңіз?
Тренингті жалғастыруға дайынсыздарма?
Б) «Күншуақ» жаттығуы
Мақсаты: оқушылардың өз бойындағы жақсы қасиеттерін жаздыра отырып, басқалардың көзімен жақсы қасиеттерін білдіру арқылы сенімділіктерін арттыру.
Нұсқау: «Күншуақ» деп жазылған парақ таратылады. Параққа өзінің 3 қасиетін жазу тапсырылады. Парақ екінші адамның арқасына жапсырылады, досы оның бойындағы жақсы қасиеттерін жазып шығады.
Талдау: Әр қайсысына жеке жеке қандай жақсы қасиеттерін достары жазғанын оқытып, талдату.
В) «Суретті сал және екінші адамға бер» жаттығуы
Мақсаты: Психологиялық және дене қатаюының күштенуінен арылту, топты ұйымдастыру.
Нұсқау: Бір ақ парақ алып, ең жағымды қарандашты тандаңыз. Мен шапалақ ұрғанда, сіздер нені қаласаңыздар соны саласыздар. Шапалақ ұрғанда көршіңізге сурет пен қарандашты бересіз. Сосын тағы шапалақ ұрып келесі адамға жалғаса береді, сөйтіп қағаз иелеріне келгенше жаттығу жалғасады. Мүмкін сіздердің біреулеріңіз өз суретін өзгерткісі келедіме, немесе жаңа сурет салғысы келеме.
Талдау:
Сурет ұнадыма?
Өз сезіміңізбен көңіл күйіңізбен бөлісіңіз?
Өзге адамның суретін жалғастыру қиын болдыма?
Г) «Жүйкелік-психологиялық қысымнан арылу тәсілдері»
Мақсаты: ӨЗін-өзі реттеу түсінігі мен таныстыру және жүйкелік психикалық қысымнан арылудың тиімді тәсілдерін ұсыну.
Релаксация – қатаю, релаксация – қатаю және осылайша қайталау.
Спорт сабақтары
Контрасты душ
Кір жуу
Ыдыс жуу
Саусақпен сурет салу
Газетті мыжып жане лақтыру
Өз қысымыңызды газетті мыжуға пайдалану, газетті мүмкіндігінше кішкентай етіп және алысқа лақтырыңыз
Газетті жақсылап жыртып, қоқыс тастағышқа тастау
Газеттің беттерін бояу
Сүйікті әніңізді дауыстап айту
Бірде жай бірде қатты айқайлау
Музыкаға билеу, бірде жай, бірде қарқынды
10 рет терең демалу
Таза ауада серуендеу
Тісіңізді ішкі жағынан санау
«Менің көңіл-күйім» тест
Мақсаты: әдеттері жеке ерекшеліктері туралы ойлануына мүмкіндік беру.
Нұсқау: Сіз төмендегі пікірлерге «иә» немесе «жоқ» деп жауап беріңіз. Мүмкіндігінше ашық жауап беруге тырысыңыз. Тест қорытындысы туралы мәлімет, ең алдымен сізге қажет. Ол тренинг жаттығуларына қатысу кезінде өзіңіз, әдеттеріңіз және жеке рекешеліктеріңіз туралы ойлануыңызға мүмкіндік береді. Егер тесттегі мінез-құлық бойыңызда болса, онда «иә» деп жауап бересіз.
Тест сұрақтары
Менде жиі нашар көңіл-күй болады, жылаймын.
Адаммен кездескенде оның көзіне тура қараудап қашамын.
Жиі ренжіген, қамыққан қүйде боламын.
Мен білетін және білген адамдардың көпшілігі менің көңілімді қалдырады.
Көпшілігінде өмірде маңызды болып табылатын, мәселелерге қызықпаймын.
Соңғы кезде кейде ғана көңілді боламын, мүлде күлмеймін.
Мен өзімді жиі әлсіз сезінемін, өмірім туралы жақындарыма және таныстарыма шығымданамын.
Қазіргі уақытта көптеген сұрақтар бойынша менің жеке позициям жоқ.
Мен жай сойлеймін
Кейде әңгімелесушінің сұрағына қалай жауап беруді білмеймін, тек басымды изеймін.
Тест кілті:
Әрбір «иә» жауабына 1 балл, оны қосыңыздар.
1-2 балл. Кейде өмірлік қиындықтарға қарамастан, сіз өмірді жеңіл қабылдайсыз. Бұл жаман емес, дегенмен бір шек болғаны дұрыс.
3-6 балл. Сіздің өмірге деген көзқарасыңыз қалыпты, бірақ қазірдің өзінде шаршау байқалады. Ерте емеспе?
7-10 балл. Сіз болғанның бәрін жағымсыз түрде қабылдайсыз. Сіздің өміріңізде қуанышты сәттер жоқ па?
«Келесіде кездескенше жаттығуы»
Мақсаты: Топ қатысушыларынан қайтымды байланыс алу, сенімділігін дамыту.
Нұсқау: Сіздер мына допты бір-біріңізге беріп, бүгінгі тренингтен алған әсерлеріңізбен бөлісіп, тілектеріңізді тренингке қатысушыларға арнайсыз.
Талдау:
Бүгінгі кездесу сізге не берді?
Жаңа не білдіңіз?
Болашақта нені қолданар едіңіз?