Білім беру саласы: ?леуметтік орта. Б?лімдері: Экология. М?сіндеу. Саба?ты? та?ырыбы: Жануарларды? ?ыс?ы тіршілігі.Т?лкі


Ұйымдастырылған оқу іс-әректінің технологиялық картасы
мектепалды даярлық тобы
Білім беру саласы: Әлеуметтік орта.
Бөлімдері: Экология. Мүсіндеу.
Сабақтың тақырыбы: Жануарлардың қысқы тіршілігі.Түлкі
Мақсаты: 1. Ормандағы аңдардың қысқы тіршілігі, олардың қысқы табиғатқа бейімделуі туралы түсінік беру.
2. Балаларды аңдарды сипаттауға, салыстыра білуге жаттықтыру.
3. Табиғатқа деген қызығушылықтарын арттыру.
Сөздік жұмыс: қуыс, аспан, ін ,үйір.
Түрі: кіріктілген сабақ.
Типі: дамыта оқыту «Тәй-тәй» технологиясы.
Қолданылған әдіс – тәсілдер:сұрақ- жауап,топпен жұмыс.
Әдіс-тәсілдер: Сұрақ-жауап, әңгімелеу.
Сөздік жұмыс: қуыс, аспан, ін ,үйір.
Іс-әрекет
Кезеңдері Тәрбиешінің іс-әрекеті Балалардың іс-әрекеті
Мотивациялық-
қозғаушылық Ормандар, жап- жасыл ормандар,
Орманды отаушы болмаңдар!
Отан мен орман жұп, бір ұғым,
Орманды, Отанды қорғаңдар! Балалар бір- біріне жақсы тілектер айтып, амандасады.
Ұйымдастыру-
іздестіру 1. Тәрбиеші жануарлардың қысқы тіршілігі туралы түсіндіреді.
Мысалы:
- Қыс мезгілінде жануарлардың тіршілігінде біраз қиындықтар туындайды. Сондықтан кейбір жануарлар қысқа азық жинайды.
Мысалы: тиін ағаштың қуысын мекен етеді. Тиінге ағаштармен тез өрмелеуге аяқтары көмектеседі. Ол жаз бойы саңырауқұлақ, жаңғақтарды ағаш қуыстарына жинайды. Қыста соларды қорек етеді.
2. «Дауысынан таны» дидактикалық ойыны. Шарты: аудиотаспадан әртүрлі жануарлардың дауыстарын тыңдатып, олардың атын атату. Сонан соң сол жануардың қысқы тіршілігі туралы әңгімелеу. Педагог балалардың жауаптарын толықтырып, жаңа мәліметтер береді:
3. Сергіту сәті:
Музыка әуенімен жануарлардың қимылын келтіріп билейді. Қоян сияқты секіреді, түлкі сияқты денелерін қимыл- қозғалысқа келтіреді.
Оқу орталықтарында жүрізілетін жұмыстар. Балалар өз таңдаулары бойынша 2 орталыққа бөлінеді.
Кітап орталығы:
Тоқылдақ қыс бойы ағаш діңінде тығылған құрттарды тұмсығымен теріп жейді. Ол ағаш діңін аршыған кезінде құрттардың біразы жерге түседі. Қар бетіне түскен құрттармен шымшық, торғайлар қоректенеді. Орманнан тоқылдақтың «тоқ-тоқ» деген дыбысын жиі естуге болады.
- Аю қысқы ұйқыға кетеді. Ол жаз бойы табанына жинаған майын жалап жатады.
- Қасқыр, түлкі- жыртқыш аңдар.Олар өздерінен әлсіз жануарларды ұстап қоректенеді.
- Сұр қоян қыста түсін өзгертеді. Аппақ қоян болып ағаш бұтақтарын кеміріп күнелтеді.
5. «Жануарлар тіршілігі» дидактикалық ойыны. Педагог балалардың жауаптарын толықтырып тұрады.
«Өнер», орталығы
Тәрбиешінің көмекшісінің басшылығымен өткізіледі.
Түлкіні мүсіндейді.
Қоңырау үнімен ортаға жиналады. Балалардан орталықтарда не жасағандықтары туралы сұрайды. Балалар тыңдайды.
Түсінбегендерін сұрайды.
Суретке қарап әңгіме құрастырады.
Балалар жануарлардың қысқы тіршілігі туралы әңгімелейді.
Би қимылдарын
орындайды.
Тыңдайды. Түсінбегендерін сұрайды
Үлгі жауап:
Аю апанында қысқы ұйқыға кетеді...
Рефлексивті-
түзетушілік Сұрақ- жауап әдісі арқылы сабақта алған білімдерін қорытындылайды.
1. Жабайы аңдарды ата.
2. Қоян қыста түсін қандай түске өзгертеді?
Балалар жабайы аңдар мен үй жануарларын салыстырып айтады.
Күтілетін нәтиже: ормандағы аңдардың қысқы тіршілігін ұғыну.
Білуі тиіс: табиғатқа деген қызығушылығын білдіру.
Түсінігі: туған өлкенің жануарларын қамқорлыққа алу сезімін ояту.
Көрсете білуі: сурет бойынша әңгімелеу.