О?у іс-?рекетіні? та?ырыбы: ?ас?ыр, т?лкі, ?теш» ертегісі.

Білім беру саласы: Қатынас
Бөлімі: Тіл дамыту
Оқу іс-әрекетінің тақырыбы: «Қасқыр, түлкі, әтеш» ертегісі. 10 – бет
Мақсаты: 1. Ертегі мазмұнын түсіндіру. 2. Сөздік қорларын толықтыру, сөйлеу мәдениетін, ойлау қабілеттерін дамыту. 3. Қоршаған ортаға мейірімді болуға тәрбиелеу.
Көрнекіліктері: ертегі мазмұнына сәйкес салынған сурет.
Жаңа сөз: шаһар, мұржа, таулы өлке, ну орман.
Қостілділік компонент: қасқыр – волк, түлкі – лиса, әтеш – петух.
Іс-әрекет
кезеңдеріМүғалім ісәрекеті Балалардың
іс-әрекеті
Мотивациялық-қозғаушылық І. Ұйымдастыру кезеңі. 1. Шаттық шеңберін ұйымдастыру.
Өтті қызық көп күндер, Алты жасқа жеткендер. Өсті ақыл ойларың
Өсті, міне, бойларың. Иіліп сәлем береміз, Әдепті боп өсеміз.
Ұйымдастыру-іздестіру
2) Тыныштық сәті. - Ертегі – бұл ерекше жанр. Ертегідегі жануарлар адам сияқты сөйлей алуы және адам үшін түрлі нәрселер істей алуы мүмкін. Ертегі де сиқырлы құралдар бар. Жануарлар, аңдар туралы қандай ертегі тыңдадыңдар? Естеріңе түсіріңдер. (Балалар көздерін жұмып, ата-аналарынан немесе басқа ересектерден тыңдаған ертегілерін естеріне түсіреді. Бір-екі бала естеріне түсірген ертегілерінің мазмұнын қысқаша айтып береді).
2. Негізгі бөлім. «Қасқыр, түлкі және қоян» ертегісі.
а) Тәрбиеші дауыс интонациясын дұрыс қойып, мәнерлеп оқиды, мазмұнын дәптердегі сурет арқылы түсіндіреді.
ә) Сөздік жұмысы: Шаһар – қала. Мұржа – пештің, ошақтың түтін шығаратын мойны, түтіндік. Күлтеле – шоқтау, шоғырлау. Түлкінің күлтеленген құйрығы.
б) Сұрақтарға жауап беру. 1. Ертегі кейіпкерлерін атаңдар. 2. Қасқыр, Түлкі және Әтеш не салмақ болды? 3. Түлкі Қасқыр мен Әтешке қандай тапсырма берді? 4. Түлкі өзі не істеді?
5. Ертегі қалай аяқталды? в) Балалардың пікірлерін тыңдау. - Балалар, сендерге ертегідегі кейіпкерлердің қайсысы ұнады, қайсысы ұнамады? Шаһар салу үшін не істеу керек еді? Балалардың үлгі жауабы: - Маған Қасқыр мен Әтеш ұнады. Өйткені екеуі де Түлкінің айтқан тапсырмасын орындады. Екеуі де еңбекқор екен. Ал Түлкі ұнамады. Өйткені Қасқырды орманға жұмсап жіберіп, Әтешті жеп қойғысы келді. - Шаһар салу үшін үшеуі де тату-тәтті болу керек еді. Бірігіп еңбектенсе, шаһарды салып шығатын еді.
г) «Қасқыр, Түлкі және Әтештің жолын тап» ойыны.
Дәптерге ертегі кейіпкерлерінің үйлеріне апаратын жолды сызып көрсету.
ғ) Жұмбақ шешу. Жұмбақтың шешулері: әтеш, түлкі.
Әтеш, түлкі сөздерін қатыстырып, сөз тіркестері мен сөйлемдер құрату. Мысалы: әдемі әтеш, қу түлкі. Әтеш шақырады. Түлкінің құйрығы ұзын. Ол күлтеленіп тұрады. Кіріспе әңгімені тыңдайды
Сурет бойынша әңгімелейді.
Сөздік
жұмыс жасайды.
Балалар дидактикалық
ойынды ойнайды.
Жұмбақ шешеді.
Рефлексивті-түзетушілік ІІ. Оқу іс-әрекетін қорыту. Ертегі мазмұнын мазмұндау.
- Балалар, бұл ертегі бізді өтірік айтпауға, әділ, адал болуға үйретті. Бірлік болған жерде кез-келген жұмысты да аяқтауға болады. Күтілетін нәтиже:
Нені біледі: сурет бойынша ертегі мазмұнын түсіндіру.
Қандай түсініктерді игерді: сөздік қорларын толықтыру, сөйлеу мәдениетін, ойлау қабілеттерін дамыту.
Меңгерген дағдылары мен іскерліктері: қоршаған ортаға мейірімді болуға тәрбиелеу.