Мектептегі білім апталы?ыны? берері мол

Тусупбекова Асель Доскеновна
Қарағанды облысы,Ұлытау ауданы «№11 Қоскөл орта мектебі»КММ
жаратылыстану –математикалық пәндер әдіс бірлестігінің
жетекшісі,физика,информатика пәнінің мұғалімі
Мектептегі білім апталығының берері мол
Елбасы Н.Назарбаев: «Бәсекеге қабілетті қоғам орнатудың негізі - білімде» - деген болатын.Себебі,ХХІ ғасыр білім,ғылым,сапа ғасыры,жаңа технологияның дамыған ғасыры.
Ұстаз - білім жүйесінің дамуының түпнұсқасы,оның міндеті - тұлғаны қалыптастыру,оқушының бойына адам мәдениетінің негізін қалау,өмірге бейімдеу, әлеуметтендіру.Педагогтардың кәсіби өсуі оның іс-әрекет,кәсіби мәдениет ,кәсіби құзіреттілік,педагогикалық шеберліктерінен көрінеді.Осы орайда әдістемелік жұмыстарды дамытуда әсіресе жоспарлауға,ұйымдастыру,басқару мен
бақылау талаптарына қоса,мұғалімдердің шығармашылықпен жұмыс жасауына ықпал жасайды.
Әр оқу жылында өтілетін білім апталығының өзі бір төбе. Апталық оқушы білімін ұштай түседі. Жаратылыстану-математикалық әдіс бірлестігінде жалпы тоғыз пән мұғалімдері жұмыс атқарады. Әдіс бірлестікте І – ші және ІІ -ші санатты мұғалімдер.«№11 Қоскөл орта мектебі»КММ –да жаратылыстану математикалық пәндер әдіс бірлестігінде «Ғылым – шексіз ғажайып...» атты білім апталығы өтті.Мақсатымыз ғылымның шектеусіз қыр-сырлары мен ғажайыптарын әр пән арқылы жаңа қырынан көрсету.Апталығымыздың бірінші күні Интернет жаңалықтарын радиохабар арқылы бастап, «Математика –өмірде» атты Ахметова Роза мұғалімнің математикалық журналымен жалғасын тапты.Сабақ уақытындағы үзіліс кезеңдерінде мұғалім ұстаздардың жетекшілік жасауымен табиғат сырлары туралы,спорттық жетістіктер,діни экстремизмдер туралы видео қойылымдар , имандылық тәрбиесі,

тәжірибелік жұмыстар туралы оқушыларға түсініктеме беріліп отырды.Соның ішінде Дүйсенов Боранбай ағайдың «Шахмат» ойыны балалар жүрегінен жақсы бір серпіліс тапты деп ойлаймын.Зияткелік, интеллектуалдық сайыстар, мысалы: география пәнінің мұғалімі Жандильдинев Ғалымжан ағайлың

«ХХІ - ғасыр көшбасшысы» оқушылардың шыңдалуына,жігерленуіне көп көмегін берді.Спорттық шара жұмыстары Абуов Қасқырбек мұғалімнің ұйымдастыруымен салауатты өмір салтын қалыптастыруда оқушылар мен ұстаздарды бір серпілтіп тастады.Ондағы волейбол ойыны сайыс ретінде ұстаздар мен оқушылар арасында жоғары деңгейде өтті деп айта аламын.Апталықтың қорытынды кеші Тусупбекова Асель информатика пәнінің мұғалімі «Білім биржасы» атты топтық сайыспен аяқтады.Оқушылар сайыста ақпараттық білімдерін сынай отырып,білімдерін биржаның көрсеткіші доллармен есептей және де ұта білді. Ғылымның шексіз ғажайыптарын басқа қырынан көріп,біліп үйрену оқушылар үшін көп көмегін берді.Осы тақырыптар бойынша біраз мағлұмат алып,сонымен қатар көңіл-күйлері көтеріліп жақсы әсер алды.Осындай апталықтар оқушылар үшін жақсы бір жаңа бағыттағы серпін береді деп ойлаймын.
Өмір талабы әрбір ұстаздың өз жұмысына оң көзқарас,ұдайы ізденіс,жаңаны меңгеру заманда өз тарапымнан ұстаз еңбектерін байыту,ынталандыру,мәртебесін,біліктілігін жоғарылатып отыру міндетті деп білемін.