Алтай тилдин кунине учурлалган ойын «КУУЛГАЗЫНДУ JАЛА?»


«КУУЛГАЗЫНДУ JАЛАҤ»
Тургузаачызы : Ертакова Сурая Васильевна
Алтай тиле литература нын ӱредӱчизи
Ӧткӧн ӧйи: ӱлӱрген айдын 23-чи кӱни
Акjол jурт
Акjол 2015
Jакшылыкту энирле, кару ӱренчиктер, ӱредӱчилер, ада-энелер. Ончогорды бу ӧдӱп jаткан байрамла уткуп тура, «Куулгазынду 1алан» деген ойынды баштап турус. Эмди сценага баштапкы турга 1,2 окруктын ла школдын 1 ӱренчиги чыксын деп кычырып jадыбыс. (Ады-jолын, ӱйе-сӧгин, бойы керегинде куучындап ла экелген сыйлары бар болзо, сыйлазын деп сураар.)
Баштапкы тур:
Бичиичинин «Туулардан келген балдар» деген повезинде, чокол Пайскан деп литературный герой туштайт. Слер билерер Л.В.Кокышевтин чӱмдемелдериндеги геройлор ол чын ла jӱрӱмде болгон улус. Айдарда , бӱгӱнги кӱнде чокол Пайсканнын прототибы Василий Сапырович эмдигенче ле эзен. Сурак: Василий Сапыровичтин ӧбӧкӧзи кем? (Тюков).
Баштапкы турдын jенӱчили…. Туружаачыларга сыйлар берилет.
Экинчи тур:
Туружаачыларды кычырып турус.
Кандый да jакшы учулардарды сананып та турзас, кажы ла кижинин кӧксинде улу поэдис ак- jарыктан бойынын коногыла барбаган деп билерис. Онын учун бу каршылу кӱн керегинде унчукпаска болбос. .…1975 1ыл, 7 май , 6 саат 55 мин. эртен тура. Медучилищенин ӱренеечизи Валентина Тилькердин телефоны. Училищенин общежитиезинин jанында ӧлтӱрип койгон Кижи. Кокышев? Jок! Jок! Jаныс ла ол эмес. Jок,Jок…. Бу jеткерден бери 42 jыл ӧдӱп калды, улус оны ундугалак. Ӧлтӱреечилер отурала jанып келгендер. Л.В.Кокышев дезе ортобыста jок…
Сурак: Улу поэттин jурумин кыйган каршучылдын ӧбӧкӧзи кем болгон? (Елфимов)
Jенӱчил табылды, эмди 2-чи турдын ойынчыларына сыйлар сыйлалат.Ӱчинчи тур:
Туружаачылары сценага чыккылайт.
«Чындык поэзияны сӧслӧ эмес, музыкала рецензировать ла комментировать эдер керек» - деп, Л.В.Кокышев айдатан.
Ӱлгердин эн-чындык рецензиязы – поэттин сӧстӧрине бичилген кожон. Мындый рецензия Б.Шульгиннин онын «Турналар» деп ӱлгерине бичилген болгон.
Сурак: Бу кожонды ончозынан артык кем кожондогон? (Эльза Тозыяк)
Jенӱчилдердин ойыны:
Сурак: Л.В.Кокышевтин романында Jергелейдин болушчы нӧкӧри, казак кыстын ады кем болгон? (Нарыйан)
«Эн билгир ойынчы»:
Сурак: Л.В.Кокышев jер-телекейди кӧп эбирген. Ол Кубада, Пинарь дель Рио деп провинцияда болгон кийнинен 1964 jылда, мындый ӱлгер чӱмдеген:
Энедий энчейген пальманын тӧзинде
Эди шыркалу индеец jыгылган.
Кӧс jеткенче оны эбиреКӧпӧгӧш, кӧпӧгш тӧрӧли jайылган.
Казыр улустын ӱндери угулат!
Калганчы индеец jӱк ле тирӱ.
Коркышту ӱндер там ла jууктайт…
Корызан оны,
О Санта Мари!
Jе калганчы тирӱ индеецтин айтканкалганчы ла сӧзи: ….

Сурак: Кандый болгон?
(«Ю- мари»)
«Куулгазынду jаланнын» jенӱчили……… . Бистин алдыста Л.В.Кокышев керегинде эн ле кӧп билгири бийик кижи эмтир.База катап jенӱчилди уткуп турус. (Приз сыйлалат.)
Келер туштажуга jетире,мынан да кӧп бичиктер кычырып аларар деп иженедис. Тилибистин чеченине, чокымына, эптӱзине Л.В.Кокышевтин чӱмдемелдеринен ӱренбезес кемнен ӱренерис? Эмди, кажы ла jыл Кокышевтин кычырыштары Камлак jуртта ӧдӱп турар, онын учун кажы ла кӱӱндӱ кижи кычырыштарга барар аргалу. Айдарда, поэттин ады качан да ундулбай, анан бийик кемине jылдан- jылга чыксын деп кӱӱнзеп турус! Келгенигерге ле турушканыгарга jаан быйан! Jакшы болзын келер туштажуга jетире!
Кош материалдар