Открытый урок по осетинской литературе Биография К.Л.Хетагурова

Урочы темж: «Сжджгай азты иу хатт райгуыры» (Къостайы биографийыл афжлгжст)

Урочы нысан: зонгж кжнын Хетжгкаты Къостайы цард жмж сфжлдыстадимж,скъоладзаутжм ржзын кжнын цымыдис фыссжгмж куыд аджймагмж, йж удыхъжды бжрзонд миниуджытжм,йж сфжлдыстадмж,ныхасы ржзтыл бакусын,ржзын кжнын цымыдисдзинад жмж зонындзинждтжм тырнындзинад.
Урочы жрмжг: поэты портрет, йж хуызистытж йж царды алы ржстжджы жмж карты, йж нывтж, йж чингуытж алы азты жмж алы ржтты уагъджй, «Хетжгкаты Къостайы заржг». (слайд-шоу)


Хъуысы « Хетжгкаты Къостайы заржг» (жвдыст цжуы презентаци)

Ахуыргжнжджы разныхас. Ахжм аджймаг сжджгай азты иу хатт райгуыры, куы райгуыры, ужд та никуы амжлы.Стыр цымыдисаг сты зындгонд ахуыргонд Абайты Васойы ныхжстж Хетжгкаты Къостайы сфжлдыстады ахадындзинады тыххжй: «Алы аджмтж джр жхсызгонжй жмж сжрыстыржй фжзжгъынц, дзыллжты цжсты сж кадджын чи скодта, сж национ гени, уалдзыгон дидинжгау, кжй фжрцы райхжлд, сж уыцы ахсджиаг хъжбулты нжмттж. Англисаг сжрыстыржй фжзжгъы Шекспиры ном, шотландиаг – Бернсы, немыцаг – Гётейы, италиаг – Дантейы, уырыссаг – Пушкины Мах, иржттж та фжзжгъжм Къоста, жмж нын уыцы ном нж зжрджтж байдзаг кжны сжрыстырдзинад жмж хъжбулы уарзондзинаджй».
- Абайты Васойы ныхжстж:
(«Махжн та ис Къоста») – (жвдыст цжуы презентаци)

Ахуыргжнжг:
- Цжмжн нын ахжм зынаргъ у, цы «сусжгдзинждтж» жмбжхсы йж цыбыр, фжлж фжрнжйдзаг цард?
- Цавжр уыд сабийж? Нж цжстытыл ма нын жй ауайын кжнут.

«Сывжллон сывжллон у» (йж саби бонтж )- (жвдыст цжуы презентаци)

1-аг скъоладзау
Къостайы фыд Леуаны чи зыдта, уыдоны мысинжгтжм гжсгж уый уыди хъуыстгонд аджймаг жппжт Ирыстоны джр, нымад уыдис зондджын жмж растзжрдж аджймагыл. Леуанжн стыр аргъ кодта Къоста джр: «Мж фыды канд уарзгж нж кодтон, фжлж йж нымадтон зжды хуызжн аджймагыл Ахжм хжд – зонд, аджмуарзон, растзжрдж,жнжзыд аджймжгтыл никуы жмж никжд сжмбжлдтжн. Махжн не’хсжн никуы уыди быцжудзинждтж, суанг ма чысыл куы уыдтжн, ужджй фжстжмж нжмгж нж, фжлж уый мжнжн карз уайдзжф никуы бакодта.»

2-аг скъоладзау
Къоста йж мады нж зыдта – йж мад амарди, Къоста куы райгуырди, ужд. Къостайы фыды ус Сухиты Хъызмыдж разынд карз жмж хъжбжрзжрдж сылгоймаг, нж бауарзта жнахъом сидзжр сабийы, ждзух жй жнжхъуаджы схуыста, лжгъз ныхасжй йжм никуы сдзырдта. «Хъызмыджйыл та ныхас джр нжй. Нж мж уарзта жппынджр.Йж чызгжн мжнжй ужлдай хъулон митж кодта. Мж фыды ус кжй уыд, уый тыххжй йжм жз схуыстжй никуы сдзырдтон», - фыста йж мысинжгты Къоста.

3-аг скъоладзау.
Къостайы мад уыди Гуыбаты Габрелы чызг Маро. Чи йж зыдта, уыдоны мысинжгтжм гжсгж, Маро уыди хжрзжгъдау, фжлмжнзжрдж, ржсугъд сылгомаг. «Ацы ныв саржзтон, мж мады мын хорз чи зыдта, уыдоны ныхжстжм гжсгж, жмж куыд дзурынц, афтжмжй бынтонджр рауад йжхи жмхуызжн», - фыста Къоста.

Нжй, ничи мж уарздзжн дж хуызжн,
Мж уарзон, мж ныййаржг мад.
Дж фырты куыницыуал уырны,
Ыстыхсын жй кодта йж цард.

Ды куы уаис – куыд бирж мж уарзис,
Жмбарис дж фырты зжрдж.
Тыхмийж, фыджй йж цжргжсау
Ды хъахъхъжнис царды бжргж

(жвдыст цжуынц йж ныййарджыты къамтж)
(жвдыст цжуы презентаци)

Ахуыргжнжг:
- Ныййаржг-мады фжлгонц Къостайы сфжлдыстады ссардта стыр бынат.
(ныв «Донхжссынмж»-йыл афжлгжст)

Фарст:
-Цы равдыста Къоста нывы?
Дзуапп: Къоста нывы равдыста мады фжлгонц,гыццыл лжппу та у,жз куыд хъуыды кжнын,афтжмжй Къоста йжхжджг.Сывжллон ныххжцыд йж мады фждджийыл.Къоста ждзухджр мысыд йж мады,хжлжг кодта,мады фжлмжн къухты ржвдыд чи жййжфта,уыцы сывжллжттжм.Йж иу жмдзжвгжйж Къоста афтж фыста:

Тжхудиаг,буц хъжбулжй
Йж уалдзжджы царды хуржй
Чи бафсжст йж мады хъжбысы!

Скъоладзаутж (Дзурынц «Къостайы каджг»-жй скъуыддзжгтж «Мысты жхсжртж» жмж «Мыды аскъжфт»)
Ахуыргжнжг: Цавжр уыди Къоста гыццылжй? (тжригъждгжнаг,хорз жмбал)

Ахуыргжнжг: Къоста тынг бирж уарзта сабиты.Ныффыста сын ссждз жмдзжвгжйы бжрц.Бацжттж сж кодта мыхуыры рауадзынмж джр. Йж чиныг схуыдта «Зжрватыкк»,йж бынмж та фыст уыдис «Мж лжвар ирон сывжллжттжн».
Скъоладзаутж кжсынц жмдзжвгжтж «Гино», «Фыдуаг», «Скъолайы лжппу», «Уасжг», «Лжгау»)

Ахуыргжнжг:
- Сывжллжтты темж Къостайы сфжлдыстады жрцахста стыр бынат.
- Цы равдыста Къоста нывы?
(ныв «Дурсжтджытж»-йыл афжлгжст)
Дзуапп: Нывы уынжм диссаджы жрдз.Ржсугъд жрдзы хъжбысы Къоста равдыста дыууж хохаг лжппуйы.Сывжллжттж сты мжгуыр, архайынц фжндаджы аржзтады.Сж ужлж бызгъуыртж, сж буар гом, фжлж сты цардбжллон.



«Жсхъомыл джн уырысимж» - (жвдыст цжуы презентаци)

Ахуыргжнжг:
-Кжд ужззау уыдысты Къостайы сывжллоны бонтж, уждджр тырныдта ахуырмж.
- Цавжр ахуырджтты ахуыр кодта Къоста?

4-жм скъоладзау:
Къоста ахуыр кодта Нары скъолайы, Дзжуджыхъжуы прогимназийы, Стъараполы гимназийы жмж Бетъырбухы Аивждты академийы. Стъараполы гимназийы ахуыр кжнгжйж Къоста ужлдай жргом зджхта нывкжнынадмж. Нывкжнынады джсныйыл жй ахуыр кодта Василий Иваны фырт Смирнов «.Ацы лжппу суыдзжн зындгонд аджймаг.», - дзырдта стыр ахуыргонд. В.Смирнов Къостайы бирж уарзта, нымадта йж курдиатджынджр ахуыргжнинагыл. Смирнов Къостайы сразжнгард кодта, цжмжй бацыдаид Бетъырбухы Аивждты академимж. Ам, Бетъырбухы, Къоста бирж ржстжг хардз кодта уырыссаг жмж дунеон литературжйы классикты уацмыстж кжсыныл. Фиджны стыр поэт тынг аржхст ныв кжнынмж. Къоста архайдта хъазын спектаклты, аржзта сын декорацитж. Уымжй ужлдай уарзта зарын джр, жмж кафын джр. Жцжг, Къостайы материалон уавжр уыди тынг ужззау. Надежда Шарапова-Прошинская йж хойы ныхасмж гжсгж фыста: «Къоста-иу фылджр хатт уыди жххормаг, фжлж-иу йе стонг, цыфжнды тыхст ужвгжйж джр, нж хъжр кодта. Йж зын уавжр уынгжйж-иу жй курсисткжтж жфсонжй-жфсонмж сжхимж хуыдтой, цжмжй йын исты бахжрын кодтаиккой, уый тыххжй, фжлж-иу уый нж куымдта, сихор ныртжккж бахордтон, зжгъгж. Ахжм зын уавжрты Къостайы бон нал баци Академи фжуын жмж рацыдис Кавказмж.


«Жрцыдтжн, мжхицжй фыдджр» - (жвдыст цжуы презентаци)

5-жм скъоладзау:
жрцыдтжнМжхицжй фыдджр
Мжгуыржй куы ссардтон джу джр,
Мж уарзон, мж иубжстон аджм!...
Нж хжхтжй, тыгъд быдыртжй
Жмхуызон нж иужн джр нжй, -
Кжм кусжм, кжм цжужм, кжм баджм!...

Лжджы хуызжн лжг нжм-жстжм,
Бжржг джр нж нал ис, цы стжм,
Цы уыдзжн нж фиджн, нж фжстаг? –

Фжлж Къостамж йе’нкъард хъуыдытж абырсынмж разынди фаг хъару. Уый ноджы хуызджр бамбжрста, йжхи амондыл нж, фжлж йж дзыллжйы амондыл тох кжнын кжй хъжуы, уыцы хъуыды, жмж йын уый йж зжрджйы фылджр ныфс бауагъта: «О, жппжты тыххжй мжт кжнын! Уый скодтон мж царды сжйраг нысан. Цыма мж разжнгарддзинаджн кжрон нал уыди, афтж мжм каст». «Жз пехуымпар нж джн»,- зжгъгж загътон сжрыстыржй, мж размж цы хжс жржвжрдтон, уый сыгъджгдзинад мж тынг уырныдта, афтжмжй, - Ждзард быдырмж нж лидзын жз фыдхахуыржй жмж фыдбылызтжй». (Йж зынгжджр статьятж «Писмотж Дзжуджыхъжужй», «Стыр ивддзинждты агъоммж», «Жнжсжрфат митж Цжгат Кавказы», «Мид-знжгтж», «Ахсджиаг фарстатж», жмж жнджртж.

Ахуыргжнжг:
- Уыцы азты Къоста ныффыста йж диссаджы уацмыстж «Додой», «Азар», «Ракжс», «Балцы заржг» «Салдат», «Хъуыбады», «М.Ю. Лермонтовы цырты цур», «Bis»-мж рацыд повесть «Фатимж», йж зындгонд нывтж «Сыгъджг Нинж», «Дурсжтджытж», «Хъынцъымгжнжг зжд», фыццаг хатт аразын байдыдта нывты равдыстытж, архайдта спектаклты, иу цалджржн та сж саржзта декорацитж.
-Кжд фжзынд Къостайы чиныг «Ирон фжндыр»?

6-жм скъоладзау
Ирон царды энциклопеди «Ирон фжндыр» мыхуыры фжзынд 1899 азы.Уыцы ржстжджы Къоста Дзжуджыхъжуы нж уыд, жмж чиныг мыхуырмж бацжттж кодта йж хорз хжлар Байаты Гаппо. Уыцы ржстжджы Гаппо бжрнон бынжтты куыста, фжстжджр та уыдис Дзжуджыхъжуы горжты сжргължуужг джр. Уый тарст, Къостамж та, мыййаг исты маст куы жрхауа, уымжй. Уымж гжсгж йын йе’мдзжвгжтжй иужй-иуты, йжхи куыд фжндыд, афтж рацаржзта, цалджр та дзы бынтонджр систа. Уый тыххжй Къоста тынг смжсты Гаппомж жмж йжм ныффыста тынг жфхжржны ныхжстж. «Ныртжккж джр мын амал куы уаид, ужд ацы рауагъд жржмбырд кжнин жмж йж басудзин, фжд джр дзы куыннжуал баззайа, афтж».
Скъоладзаутж (кжсынц «Ирон фжндыр»-жй жмдзжвгжтж «Додой», «Азар», «Салдат»)


Ахуыргжнжг:
- Къоста фылджр царди йж нывтжй, декорацитж аржзта театры спектакльтжм.
- Жркжсут – ма йж нывтжм. Базонут сын сж нжмттж. (равдыст презентаци)

- Цавжр зжрджйы хицау уыд Къоста?
Скъоладзау (кжсы тауржгъ «Фжстаг 5 сомы», «Сауджыны сугтж»)

«Ничто человеческое мне не чуждо»- (жвдыст цжуы презентаци)

Ахуыргжнжг:Къоста джсны уыд кафынмж жмж зарынмж. Йж уарзон заржг уыд «Бигъаты Сосейы заржг». Цы диссаджы аджймаг уыди Къоста, жппжтжй жххжст.

7-жм скъоладзау
Зындгонд ирон нывгжнжг Тугъанты Махарбек фыста: «Къоста фылджр хатт дардта бжгжныхуыз, кжнж та цъжх цухъа сау куыржтимж. Йж диссаджы сатжг – сау сжрыхъуынтж фжсте зындысты йж сау худы бынжй. Уый асжй уыдис ржстжмбис аджймаг, наржгастжу жмж фжтжн ужхскджын, гуырджын. Йж къахайст уыди рог, ужгъдибар, йж хуымжтжг даржсы бын уыдис хъаруджын буар. Стыр сау цжстытж ждзухджр зынгау жрттывтой Йж хъжлжсы уаг уыди зжрджмждзжугж. Аджм хистжржй-кжстжржй жмхуызон хжстжг ластой сжхи Къостамж. Уый се’ппжтжн джр уыди жфсымжры хуызжн зынаргъ»

Ахуыргжнжг: Къоста уарзта йж бынат, йж бжстж, уарзта сылгоймжгты джр жмж нын сж махжн джр уарзын кжны не’гъджуттж немж, афтжмжй.
(ныв «Хъынцъымгжнжг зжд»-ыл афжлгжст)

8-жмскъоладау
«Всю жизнь я жаждала встретить человека с высоким умом и с богатой душой, - фыста йж боныджы Попова, - человека, который мог бы своими познаниями, своим миропониманием, своими высшими стремлениями обогатить и мою душу, развить ум и, в тяжелые минуты, поддержать, быть истинным мне другомИ вот на пути встречаю Коста, который подходил к тому типу друзей моего духовного идеала, к которому так стремилась моя душано, - дардджр фыссы Попова, - не на радость, не на счастье оказалась эта встреча. Нам было не по пути»
Жмдзжвгж «Да, встретились напрасно мы с тобою»(кжсы скъоладзау)
«Мы из когтей самого ада вырвем свое счастье», - фыста нывгжнжг Аннж Поповамж. Увы, этому счастью так и не удалось свершиться.
«Ныртжккж дын кастжн дж портретмж жмж дуэт къаммж, жмж афжстаг чи у, ууыл тынг фжхъыг кодтон, кжд жмж райсом рамкжйы жвжрд жрцыд, уждджр, фжлж уыйадыл ма жржнкъард у, уымжн жмж ды, цыфжнды даржсы джр ржсугъд дж».
(портрет «Цжлыккаты Аннж»-йыл афжлгжст)

9-жм скъоладзау (кжсыКъостайы фыстжг Цжлыккаты Аннжмж)
«Ныртжккж дын кастжн дж портретмж жмж дуэт къаммж,жмж а фжстаг чи у ,ууыл тынг фжхъыг кодтон,кжд жмж райсом рамкжйы жвжрд жрцыд, ужддар.Фжлж,уыйадыл ма жржнкъард у,уымжн жмж ды цыфжнды даржсы джр ржсугъд дж.»

Каждый день все часы и минуты,
Я заветной мечте отдаю.
Как навеки с любовью Анюты
Солью в стройных аккордах свою,
Как в гармонии этой могучей
Упиваясь блаженством легко
Унесемся в мир высший, в мир лучший
От мирской суеты далеко.

«Уж сжнттж, сжнттж. Кжм ис уж адджындзинад.Цжй, жгъгъжд фжужд, кжннод джхиуыл жгжр фервжсдзынж.»
Ужхи жнжсжттжн Къоста.

«Тжхуды, ныр уж къжсжржй куы базарин жз джр Раст цыма уж мжхи цжстжй уынын, афтж ужм ардыгжй кжсын жмж уын уж ныхжстж жмж уж худын хъусын.

Тжхуды, ныр уж къжсжржй
Куы базарин жз джр:
«Хждзаронтж, хждзаронтж,
Уж сжрвжлтау мж сжр!»

Жнжзивжг куы рауаис
Уж уазжджы хъжрмж!..
Мж иу цжстжй куы бакжсин,
Мж хуры хай, джумж!

Хжстжгджр мжм зжрджуужнкжй
Куы равдисис джхи
Дж мидбылты куы бахудис,
Куы зжгъис:«Чи дж, чи?»

Дж къухмж дын куы февналин,
Куы зжгъин: «Гъей, чызгай!
Йж царды йас джу чи уарзы,
Гъе уый, мж хуры хай!»

«Фысс мжм, хуыцауы хатыржй! Сымах хждзарвжндагжй писмо куы райсын, ужд мж зжрдж ныррухс вжййы»
Ужхи Къоста

Скъоладзаутж (кжсынц жмдзжвгжтж «Фесжф», «Хжрзбон», «Не верь,что я забыл родные наши горы»)
Аджмы уарзондзинад Къостамж (презентаци Къостайы цыртдзжвжнтимж)
Ахуыргжнжг:Къоста махжн у Хуыцауы лжвар. Къоста махжн у нж рухстаужг, нж цардаразжг, уымжн жй уарзжм жмж йын бжржг кжнжм йж 155 азы юбилей. Уымжн жвдисжн у тауржгъ «Жз Къоста джн.»
Скъоладзау (кжсы тауржгъ «Жз Къоста джн.»)
3. Хъуысы « Хетжгкаты Къостайы заржг» (жвдыст цжуы презентаци)










Республикон семинар ирон жвзаг жмж литературжйы ахуыргжнджытжн


Темж: « Хетжгкаты Къостайы биографи ахуыр кжныны методикж астжуккаг скъолайы.»
Къостайы 155 азы боны юбилеймае











Ахуыргжнжг: Битарты Ларисж
Дзжуджыхъжуы 30-жм астжуккаг скъолайы
ирон жвзаг жмж литературжйы ахуыргжнжг



Дзжуджыхъжу, 2014аз









13PAGE 15


13PAGE 14215




15