Урок Да амондан нывонд канын ма сар
Темж: Дж амонджн нывонд кжнын мж сжр. (Кочысаты Мухарбеджы «Сау цжстытж» - мж гжсгж).
Эпиграф: Уарзынжй ржсугъдджр а зжххыл нжй.
(Чеджемты Ж.)
Урочы фжлгонц:
Урочы цыд
Ахуыргжнжджы разныхас:
Абон мах дзурдзыстжм, аджймагжн зждтж жмж дауджытжй лжвжрд чи у, цжргжсау ыл базыртж чи фжсадзы, ахжм ужларвон тых – уарзондзинадыл жн. Цард байсысын кжй фжрцы нж комы, цжтджинагау жй жнхъжвзын чи кжны, дзжм-дзжмы суадонау кжй руаджы абухы, уыцы алжмжты жрдзон лжваржн.
– Нж урочы темж у «Дж амонджн нывонд кжнын мж сжр» (Кочысаты Мухарбеджы жмдзжвгж «Сау цжстытж» - мж гжсгж).
Ныр та уал байхъусжм, уарзондзинады арт аджмы зжрджтж куыд басудзы, суанг ма дойнаг дуры джр дон куыд кжны, уыцы азжлгж ржнхъытжм.
Хъуысы заржг – «Уарзондзинад дойнаг дуры джр дон кжны» (2 куплеты).
Ахуыргжнжг: Заржг, цжй диссаг дж, цж Фжлж нж алкжмж нж разыны заржджы фаг аккаг ныхжстж. Агурын бахъжуы зжрджйы уаг раргом кжнынжн ног фжржз. Мж зжрдыл жрлжууыд уарзондзинады тауржгъ:
«Ржсугъд, тыхджын лжппу Адонисы бауарзта уарзондзинады бардуаг Афродитж. Бурдзыкку жрыгон ржсугъд хъахъхъждта йж уарзоны цуаны. Куырдта йж, цжмжй тугдзых сырдтжй йжхи хызтаид, ужлдайджр Афродитж йемж куынж уа, ужд.
Фжлж – иу Адонисыл фжтых йе рыгон туг жмж – иу дзы цуаны ржстжг ферох тас. Жмж йж иуахжмы йе стыр ссыртжй мжлжтдзаг цжфтж фжкодта хъжддаг хуы. Йж бирж хъждгжмттжй хъизжмжртты амард. Афродитж дзыназгж рахау-бахау кодта Кипры хжхты. Цыргъ дуртж жмж йын сындзытж йж ржсугъд буар куыд лыгтж кодтой, уый жмбаргж джр нж кодта. Бирж цжссыг фжкалдта жрыгон чызг йж уарзоны мардыл. Адонисы тугжй сыржзын кодта диссаджы дидинжг. Афродитжйжн йжхи туджы ртжхтж кжм жртагъдысты йж цжф къжхтжй, уым та сзади сырх уарди-уарзондзинады дидинжг».
- Жвждза, цжй диссаг дж, жрдзжй лжвжрд уарзондзинад!
Сымахмж гжсгж та цы у уарзондзинад?
Скъоладзауты дзуаппытжй:
а). Уарзондзинад абаржн ис жрмжст дидинжгимж.
ж). Сыгъджг уарзондзинад джр дидинжгау хъахъхъжнын хъжуы.
б). Дж амонджн нывонд кжнын мж сжр.
в). Уарзондзинад иууылджр дидинжг у.
- Жмж уждж ужм куыд кжсы, уарзондзинады темж куыд жвдыст жрцыд зарджыты? (Скъоладзаутж дзурынц зарджыты тексттж).
«Сагъжстж»
Жхсжрыл сыфтжр нал хжцы, –
Уый, дам, уазалы тыххжй у.
Жхсжв мыл хуыссжг нал хжцы, –
Уый та уарзоны тыххжй у.
Урсдоны былыл – сау фжрдыг,
Бирж дзы уымжн банызтон,
Урсцонг дж, чызгай, саужрфыг,
Бирж дж уымжн бауарзтон.
2) «Нанайы буц чызджы заржг»
Терчы бабызтж куы рбамбырд вжййынц, –
Куы нж дзы вжййы бжлоны хуызжн, –
Хъжуы ржсугъдтж куы `рбамбырд вжййынц
Куы нж дзы вжййы мжноны хуызжн.
Тар хъжды бжлас калын нж комы,
Куы кжла уждджр – хъжды кжронмж.
Нанайы буц чызг чындзы нж комы,
Куы кома, уждджр – хъжуы кжронмж.
Горжты сжрмж хъждуры гага,
Жппынждзухжй йж хъждыл лжууы.
Мжнжн мж уарзон – мж уды гага,
Жппынждзухжй мж зжрдыл лжууы.
3) «Тауыче»
Ржсугъд жфсин Тауыче,
Ой ужржйдж, Тауыче!
Худгж былтж Тауыче,
Ой ужржйдж, Тауыче!
Наржг астжу Тауыче,
Ой ужржйдж, Тауыче!
Нанайы чызг Тауыче,
Ой, рирж, – рирж, Тауыче!
Фжлмжн зжрдж Тауыче,
Ой ужржйдж, Тауыче!
Цыллж дзыкку Тауыче,
Ой ужржйдж, Тауыче!
Уж сау ржсугъд Тауыче,
Ой ужржйдж, Тауыче!
Уж сау жрфыг, Тауыче,
Ой, рирж, – рирж, Тауыче!
4) «Толдзж»
Уой, толдзж, толдзж!
Жз гъастмж цжун ку байдждтон,
Уой толдзж, толдзж!
Кизгуттж уинун ужд байдждтон
Уой, толдзж, толдзж!
Ржсугъди уинун ку байдждтон,
Уой, толдзж, толдзж!
Мжхецжн жвзарун ужд байдждтон,
Уой, толдзж, толдзж.
5. Скъоладзауты хатдзжгтж 2-3 хъуыдыйаджй.
Ахуыргжнжг: Разы джн жз джр уж дзужппытимж, фжлж ма мж фжнды базонын, Ирыстоны зындгондджр аджмжй уарзондзинаджй тынгджр кжй зжрдж сыгъди, уыдоны джр нж зжрдыл куы жрлжууын кжниккам:
Къоста, Барахъты Гино, Кочысаты Мухарбег жмж жнджртж.
Скъоладзаутж.1. Къостайы фыстжгжй: «Жз уарзгж кжнын, уарзгж, 40 мин жфсымжржй джр тыхджынджр куы уарзын. Жз уарзгж кжнын жмж мж уымж гжсгж фжнды, цжмжй уыцы уарзон аджймаг жппынждзух мемж уа, алы сахат, алы минут джр, йж уынджй мжхи жфсадон, мж царды алы уысм джр ын жнжвгъаужй джттон» (Цжлыккаты Аннжйы тыххжй).
2. Барахъты Гинойы 30-жм азты куы `рцахстой, ужд ын йж бинойнаг Калоты Еленжйж домдтой цжмжй йж рахона знаг, фжлж сыгъджг уарзтжй кжй уарзта уыцы аджймагыл йж къух нж систа Еленж, кжд ын йж цард зындон фестын кодтой, уждджр.
Скъоладзаутж хжссынц джнцжгтж сж хжстжджыты сыгъджг уарзондзинады тыххжй.
Ахуыргжнжг: Цымж цы у уарзондзинад? Зжрджйы рухс? Зжрджйы арт? Дунейы зындгонд жмж курдиатджын лжгтж уарзондзинады фждыл сж хъуыдытж аржх нывжзтой. Компютержй жвдыст цжуынц ЖЛВЖСТ ХЪУЫДЫТЖ УАРЗОНДЗИНАДЫ ТЫХХЖЙ
-Кжй уарзыс, уыдонжй хъаст кжнын никуы хъжуы. Жцжг жнувыддзинад куырм у.
/Бальзак/
-Уарзондзинад? Уый у иу зжрджйж иннжмж жппжтжй цыбырджр фжндаг, жмраст хахх.
/Бедель/
-Уарзондзинад у хорз номы хуызжн, иу хатт фжсжфт, зжгъгж, ужд никуыуал разджхдзжн.
/Бен/
-Уарзондзинад закъонтж нж зоны.
/Боэций/
-Уарзоны суржтжн зжрондгжнжн нжй, уымжн жмж йж алы уысм джр у йж райгуырды сахат.
/Гете/
-Бжллицы цъупп ды дж, уарзондзинад.
/Гете/
-Уарзондзинад у, ивгъуыд ржстжгжн джр, фиджнжн джр чи нж быхсы, ахжм иунжг монц.
/Бальзак/
Ирон дзырды джснытжй уарзондзинады темж ирдджржй чи равдыста?
Гждиаты Секъа.
Жвдыст цжуы сценкж «Азау» – жй..
Ахуыргжнжг: Уарзондзинад Жнахуыр цыджр у
Гадиаты Цомахъы куы `рцахстой, Сыбырмж йж куы ахастой,
ужд йж уарзон аджймаг Наталья Мусьпан ацыд СыбырмжЦомахъ жй бакодта хъжды дидинджытжй фжлыст уатмж, раст алжууыд жмж йын жмдзжвгж кжсын райдыдта.
Цавжр жмдзжвгжтж бакжсдзыстут сымах та уа зжрджмж хжстжг жджймагжн?
(Скъоладзаутж кжсынц жмдз-тж)
Хетжгкжты Къоста. «Мж хуры хай»
Айларты Ч. «Уарзондзинад».
Айларты Чермен «Жнхъжлдтон жз».
Ахуыргжнжг: Ахжм ржнхъытжм байхъусгжйж, аджймагыл бахжцы жхсызгондзинад жмж та нж ногжй жрфжнды Кочысаты Мухарбеджы жмдзжвгж «Сау цжстытж»- мж байхъусын.
3 скъоладзауы хайгай кжсынц жмдзжвгж наизусть.
·
·. Текстыл бакусын ахжм схемжмж гжсгж:
Цжимж ис абаржн ацы жмдзжвгжйы ржнхъытж?
– Зжрджимж
Цал «зжрджйыл» ис адих кжнжн ацы жмдзжвгж?
ЦЫППАР.
Цжмжн?
Уымжн жмж дзы жвдыст цжуы зжрджйы уаджы ЦЫППАР хуызы.
Ссарут ма тексты, Мухарбег йж уарзондзинад ирджй кжм жвдисы ,уыцы ржнхъытж. Бакжсут ма сж.
Цавжр хуызжй сж фжхицжн кжндзыстжм?
Сырх
Дардджр та цы жвдисы йе 'мдзжвгжйы?
ЖНКЪАРДДЗИНАД
Цавжр хуызжй фжнысан кжнжм авторы зжрджйы уаг?
Тар
– Бакжсут ма ржнхъытж.
Ацы зжрджйжн та цавжр хуызтж ис саккаг кжнжн?
(Сырх, бур) 13 EMBED PBrush 1415
– Ссарут ма сж чиныджы.
Жмж уждж цыппжржм строфайы та зжрдж цавжр хуызжй равдисиккам?
Сымахмж гжсгж йын цавжр нысаниужг ис?
Урс
Цавжр у лирикон геройы уарзондзинад?
13 EMBED PBrush 1415
Жмдзжвгжйы идейж джр зжрджйы уагимж баст у.
Чысыл беседж саразын ахуырдзаутимж:
Джумж гжсгж та цы у уарзондзинад?
Цы дж бафжндид дж уарзон аджймагжн?
Цы йын нж ныббарис?
Жмбисжндтжм гжсгж скжнын хатдзжгтж:
Чындздзон чызг жмж усгуры зжрдж хуримж хъазынц.
Уарзондзинад дойнаг дур джр дон кжны.
Лжг кжй уарзы, уыимж хохы цъуппыл джр фжцжрдзжн.
Уарзондзинад алцжмжнджр ис.
Уарзондзинад кжм ис, уым цард джр ис жмж куыст джр.
Уарзондзинад мжгуыр жмж хъжздыгыл нжу.
Уарзынжй ржсугъдджр а зжххыл нжй.
Урочы кжрон скъоладзаутж хъусынц «Ханты цагъд» -мж (легендж музыкжйы фоныл).
«Иры хжхтыл, дам, идждз лжгжй баззади йе ’нахъом дыууж фаззон чызгимж Аланты Алан. Косерхан жмж Азаухан, «хантж» – афтж сж хуыдта буцжн сж фыд. «Хжххон сжгуыттж раст» Аив сж фжзылд, сж февнжлд. Дзурынц, зжгъгж, дам, – иу кжмттыл азжлыд, хжхты – иу ныццарыдта «ханты» фжндыры цагъд.
О, фжлж, алцжмжн джр ис афон. Фжзыны кжрджг, дидинжг. Сбжлас вжййы тала. Слжг вжййы лжппу, чызг чындздзон чызг свжййы.
Чи хъусы, уый жрбайхъусжд! – ныййазжлыд жрвнжржгау фидиужджы хъжлжс.
Райсом ацы ранмж жмбырд кжнынц Иры сагсур фжсивжд, сж лжгдзинад жвдисдзысты. Аланты номдзыд Алан йж чызджыты моймж джтты.
Нж фехъуыстон мачи зжгъжд! Дыккаг бон аджм зжронджй – ногжй жмбырджй жвзжрстой сж амонд. Фжлж Аланты Аланы «хантж» сж мидбылхудт никжмжн лжвжрдтой, уыдонжн сж зжрджты арф жвжрд уыдысты Тасолтан жмж Жмзоры уарзондзинад. Уыдон абон не 'вдыстой сж лжгдзинад. Нж сын уыдис сираг бжхтж жмж сжрак дзабыртж. Бамбжрста фыд йж «ханты» хъуыды жмж сж саккаг кодта Тасолтан жмж Жмзоржн.
Уыцы хъуыддаг базонгжйж цжхжртж скалдта Афжхъоты Нугзары фырт Бжтжхъо.
«Ды фжхудинаг кодтай мжн, сау цагъарты равзжрстай де `мгжртты раз, фжлж жз, йе `хсжрварсы цжф чи ныббара, уыдонжй нж джн. Аскъжфта Бжтжхъо Аланты Аланы дыууж цыкурайы фжрдыджы. Нал ардтой хждзар Тасолтан жмж Жмзор, фжлж хъжрццыгъайы ахстон ничи зыдта.
Аланты Алан хждзаржй фжцух, хъжуи – хъжу зылд, стжй фжстагмж сжрра жмж хжхты адзжгъжл.
Ир жмж Кжсжджы (жхсжн) аржнмж хжстжг, бжрзонд мжсыджы дуаржхгжджй бадынц Азаухан жмж Косерхан. Дыууж чызгжн сж хъуыды – сж фыд, сж уарзжттж – сж мжт. Бирж фжкуыдтой чызджытж, бирж фждзынжзтой. Зжрджйы уиджгтж кжмж атыдтаиккой ахжм цагъд ныккодтой жмж сжхи жд фжндыр бжрзонд мжсыгжй фехстой.
Сж фжндыры цагъд хжхты ныццарыдта жмж йын дымгж йж зжлтж хъжутыл байтыдта. Гъе, афтж рагжй фжстжмж ирон аджмы жхсжн баззад «Ханты цагъд».
Дзурынц, зжгъгж, дам, ныр джр ма уыцы айнжджы бынты цы хжххон дон згъоры, уый был лжугжйж аджймаджы хъустыл фжуайы зжронд «ханты» зжрджхалжн цагъд.
Цыма хжххон жрра дон жмж цъжх айнжг къждзах ныхас бакодтой уыцы диссаджы цагъд аджммж фжхжццж кжныныл».
13PAGE 15
13PAGE 14915
Сырх
Тар
Сырх
бур
Урс