Ашы? саба?. Балаба?ша балаларына ертегімен психологиялы? ?ызмет к?рсету

Балабақша балаларына ертегімен психологиялық қызмет көрсету.
Балабақша балаларына ертегімен психологиялық қызмет көрсету.Балабақша балаларына ертегімен психологиялық қызмет көрсету. Балабақша балаларының көркем әдебиетке деген қызығушылығын қалыптастырудың орны балалар өмірінде ерекше орын алады. Баланың интеллектуалды қабілетін, рухани байлығын, ой - өрісін дамытуда шығармалардың маңызы зор. Балабақша балалары көркем шығармалармен таныса отырып, олардың жанрын айыра білуге қол жеткізеді. Әдеби шығармалар баланы өмірдегі ең күрделі әлем - адамдар сезімі, қуанышы мен қайғысы, қарым - қатынастары, мінез - қылықтары әлеміне енгізеді. Айналадағы шындық туралы балалардың білімін кеңейтеді. Мектепке дейінгі балаларды көркем әдебиетпен таныстырудың негізгі міндеті - болашақта әдеби білімді адам тәрбиелеудің негізі болып табылады. Көркем әдебиет сабағында балалар жаңа шығармалармен танысады, оларды тыңдауды, түсінуді үйренеді. Балаларға ертегі, тақпақтарды түсіну, олардың образдарына кіру, қылықтарын бағалау өте маңызды. Әрбір адам туылғаннан бастап ертегі, батырлар жырын, аңыздарды, өсиет әңгімелерді тыңдап өседі.Ертеде білім мен ақыл ұрпақтан ұрпаққа ертегі түрінде жеткізіліп отырған, себебі ол қабылдауға жеңіл, әрі есте жақсы сақталады. Бала ертегі кейіпкеріне ұқсағысы келген кезде ертегі терапиялық әсер етеді. Ертегі жақсылыққа үміт береді де баланың өмірінде болып көрмеген бірқатар өмірлерде өзін көз алдына елестеткізеді. Ертегіні оқып жатқан уақыттағы елестетіп ойлау арқылы пайда болатын суреттер әр баланың өзіндік жеке екендігіне қарамастан, ертегінің феномені балалардың түсіндіруге мүмкін емес таңғаларлық ғажайып шытырман оқиғаға қызығушылық болып табылады. Ертегі елестетіп ойлау қабілетін қалыптастырады.Ертегіде мейірімділік пен зұлымдық, жомарттық пен сараңдық, батылдық пен қорқақтық сияқты т. б ұғымдар берілген. Бұның бәрі адамгершілік құндылықтар арқылы бала тұлғасын қалыптастырады. Ертегі педагогикада, психологияда және де психотерапияда қолданылады. Бұл әдістің қолдану кеңдігі қол жетімділік пен тиімділікте белгіленген. Ертегі - баланың ішкі дүниесінің айнаша ақтарылатын символикалық үлгісі деуге болады. Ол балаға мүлде әр түрлі әлеуметтік рөлдерді басынан кешуге, ертегі оқиғалары мен нағыз өмір арасындағы байланысты айыруға мүмкіндік береді. Ертегіде көзге көрінбейтін ұстаз бар екені сезіледі, ол сездірмей үйретіп отырады, кейіпкердің қателік жасауына жол бермейді. Балаға келіспеушілік жағдайды шешуге болатын жолдарды қарастыруға ұсыныс жасалады. Бұл жағдай баланың альтернативті және позитивті ойлау қабілетін дамытады.Тәрбиелік мағынада бала мен үлкен адам арасындағы жағымсыздықты жеңіп шығуға мүмкіндік беретін байланыстырушы ретінде әсер етеді. Ертегі эпизодтарын ойнау - балаға басқа кісіге айналуға, кейіпкердің көңіл - күйін сезінуге, өз эмоцияларын білдіруді жетілдіруге мүмкіндік беру. Қойылымды ойнауға тек балалар қатыспай, қуыршақтарды қолданып ойнауға болады. Ертегіні талдауда балалар естігенін және оқығанын терең өзгерте алады. «Ертегі не туралы? Қай кейіпкер бәрінен де қатты ұнады, неге?»деген сияқты сұрақтарға байланысты талқылау әңгімелеуге итермелеуі тиіс. Әңгімелеу - балаға таныс ертегіні бірінші немесе үшінші жақтан немесе тіпті ол сол ертегінің кейіпкері болмаса да басқа кісінің атынан әңгімелеуді ұсынуға болады. Мұндай тәсіл елестету мен бейнелеу қабілетін дамытады, бала өзін басқа адамның орнына қоя алады, ішінен ашылады да өзіне назар аударады.