Сочинение по осетинскому языку на тему Фыст?г х?сты ветеранм?.

Фыстжг хжсты ветеранмж
Зынаргъ хжсты ветеран!
Цытджын Ужлахизы бонмж та джм фыссын фыстжг.
Цжудзысты бонтж, азтж, иу фжлтжр ивдзжн иннжйы, фжлж де сгуыхтдзинждтж, дж ном жнустжм цжрдзжни нж зжрджты. Дунейы историйы миджг тжккж карзджр, жвирхъауджр хжстмж Цжгат Ирыстонжй демж ацыдысты джсгай мин лжппутж жмж чызджытж. Мах, дж фждонтж, нж ферох кжндзыстжм Гжзджнты авд жвд жфсымжры, Темырты жмж Хестанты, Дзебойты, Дзугаты, Багаты, Уырымты, Габыаты цыппжргай жфсымжрты рухс нжмттж.Уыдысты иужй иннж цардбжллонджр, иужй иннж гуыппырсарджр. Жрмжст ма баззади жнустжм сж рухс ном.
Мж зынаргъ ветеран, зонын, зын дын у, дж зынгхуыст жмгжртты дын дж зжрдыл кжй жрлжууын кодтон, фжлж йж зонын, кжд дж алыварс тынг бирж туг калди, уждджр ыл фжсмон нж кодтой, уымжн жмж хжцыдтж нж Райгуыржн бжстжйы сжраппонд, жмж дж уырныдта-Ужлахиз уыдзжн мах.
Уж зжрдж дардтат, кжй ралжудзжн уыцы лжгмар фашисттжн сж мжлжты бон жмж ужлахизимж жрцжудзыстут, фжлж хъыгагжн, де мбжлттжй биржтж сж райгуыржн ужзжгыл нал сжмбжлыдысты.
Абон нж Райгуыржн бжстж сжрибар паддзахад кжй у,уымжй мах сымахжй, ветерантжй, стжм бузныг.
Кжд хжст раджы ахицжн, уждджр уж жнжмжлгж сгуыхтдзинждтж рохуаты никуы баззайдзысты.
Мж зынаргъ хъахъхъжнжг, Фыдыбжстжйы Стыр хжсты азты ды фжцыдтж намысджын хжстон фжнджгтыл Дзжуджыхъжужй Берлинмж.
Кжд-иу фжцжф дж, уждджр-иу жрбазджхтж хжстон ржнхъытжм жмж дардджр джржн кодтай знаджы, жфсжддон ардхжрдыл зжрдж нж ивгжйж, стыр хъжбатырдзинад жмж лжгдзинад жвдисгжйж. Знжгтимж тохы хъжбатырдзинад жмж лжгдзинад кжй равдыстай, уый тыххжй дын лжвжрд жрцыдис хжрзиуджытж. Ды дж райгуыржн бжстжйы жнувыд, иузжрдион фырт. Дж хъжбатырдзинждтж никуы амжлдзысты нж зжрджты, фжзминаг уыдзысты махжн, Ирыстоны фжсивжджн, куыд Райгуыржн бжстжйыл иузжрдиондзинады, патриотизмы, аджймагон миниуджыты ирд джнцжг.
Кждджр ды уыдтж хъжлдзжг, худжг ныхасгжнжг, фжлж аджймаг йж кары куы бацжуы, ужд ыл жртжфсынц разджры зындзинждтж, хжстон цжфтж, тухитж. Афтж джуыл джр жружз кжнынц иужй иухатт хжстон азты фжстиуджытж. Кжд дж цард джужн нж рауад джхи фжндиаг, кжд дж фжндыд бирж фжрныг хъуыдджгтж скжнын, фжлж Уыцы жнаккаг 1941аз дын ахаста йемж дж ржсугъд фжндтж.
Ныр рагжй уадзыс дж хжстон фжллад, зжронд салдат, фжлж, жнжнцой ветеран, дж бон иу ран бадын нжу, ссарыс джхицжн исты куыст хждзары. Схъомыл кодтай джхи хуызжн жцжг ирон лжгты. Ис дын хъжбулы хъжбултж. Дж зжрдж рухс у уыдоны жнтыстдзинждтжй.
Мж зынаргъ жмбжстон!
Мж зжрдыл дарын дж алы фждзжхст, дж алы ныхас джр. Бузныг, сжрибар дунейы кжй цжрын, уый тыххжй.
Бузныг, царды рухс мын кжй фенын кодтай, уымжй.
Цыма цжмжй фидгж сты дж бирж хжрзтж? Джу аккаг лжггад кжм ссарджуа
О мж хъжбатыр! Ужнжниз, зындзинждтж макуыуал фен дж царды. Зжрджрухсжй нын бирж азты цжр.
Бузныг дын, жмж дж историйы кадджынджр Ужлахизы боны арфж ужд!
Мж сжржй дын ныллжг кувын!

15