Жол т?ртібін са?тайы?, аман-есен ж?рейік! сынып са?аты

Тақырыбы: Жол тәртібін білейік, аман-есен жүрейік!
Мақсаты: 1. Көшеде жүру тәртібі туралы білімдерін тиянақтау, жинақтау.
2. Көше тәртібін әрдайым сақтауға, қиын жағдайларда дұрыс шешім таба білуге тәрбиелеу, құқықтық тәрбие беру.
3. Оқушылардың ой-өрісін, жан-жақты білімдерін дамыту.
Ұйымдастыру.
Қызығушылығын ояту.
Сұрақ-жауап
Балалар көшеде жүру ережесін білу бізге не үшін керек?
Жиекжол деген не?
Жаяуға қай жермен жүруге болмайды?
Көшеде жүру тәртібін кім басқарады?
Бағдаршам туралы не білесіңдер?
Бағдаршам макетін киген оқушы және бағдаршамның үш көзін ұстаған төрт оқушы ортаға шығып, тақпақтар айтады.
Қызыл көзі
Мен көзімді ашқанда,
Ешқашанда баспа алға.
Орныңда тұр қозғалма-тен аспауы керек..
Ереже бұл «Сен тоқта!»
Сары көзі
Мен көзімді ашқанда
Қарап қалам аспанға
Жүруге әлі болмайды
Дайындықты сақтайды
Жасыл көзі
Мен көзімді ашқанда
Көліктер саған тоқтайды
Ережені білгендер
Өтуге еш қорықпайды
Бағдаршам
Жолды кесіп өтерде
Сол жағыңа қарайла
Жарты ортаға келгенде
Оң жағыңа қарайла
Білгеніңді басқаға
Үйрете жүр, жарай ма?
Топқа бөлу
Оқушылар бағдаршамның түстеріне сәйкес қызыл, сары, жасыл түстерді таңдап, топқа бөлінеді.
1-топ – «Қызыл»
2-топ – «Сары»
3-топ – «Жасыл»
Сайыс кезеңдері
1-сайыс «Кім шапшаң?»
Суретті тест тапсырмаларға жауап береді. Тақтадан үш топқа үш суретті тест көрсетіледі. Топ оқушылары кезекпен жауап береді.
2-сайыс. Блиц-турнир сұрақтары
Тақтада әр топқа кезекпен үш сұрақ шығып тұрады. Топ оқушылары үш сұраққа бірден жауап беруі керек.
Қызыл
Жаяу жүргіншілер қандай жерлермен жүреді?
Жол бойында балалардың ойнауына қатаң тыйым салынған себебі неліктен?
Жолды неге тек жол өткелдерінен қиып өтуге тиіспіз?
Сары
Жол өткелінен жүгіріп өтуге бола ма?
Жол жиегінде тұрған автобус, троллейбус, т.б. көлік түрлерің қай жағынан өтуге болады?
Бағдаршам жарықтарының қызметі қандай?
Жасыл
Велосипедпен неше жастан бастап жолмен жүруге болады?
Бағдарша қойылған жол өткелі қауіпті ме, әлде бағдаршам қойылмаған жол өткелі қауіпті ме?
Жол бойында тоқтап тұрған көлік неліктен қауіпті?
3-сайыс. «Жол белгілерін еске түсірейік» суретті лото ойыны.
Әр топқа лото ойыны таратылады. Жол белгілерін дұрыс тапса, жол ережесіне байланысты мазмұнды сурет құрастырылады. Ойынның мақсаты: жол белгілерін еске түсіру, шатастырмауға үйрету.
Тақтада өлең шумақтары көрсетіліп тұрады.
А) Ескерту белгісі
Қып-қызыл үшбұрыш
Ескерту белгісі мен болам
Қауіптен сақ бол деп
Сәт-сапар жолдаған
Ә) Тыйым салу белгісі
Қызылмен боялған шеңберім аумақты,
Тыйымшыл белгімін, қатылмын, салмақты.
Мен тұрған жерлерде хақың жоқ жүруге
Қауіп бар бағдарла, көз салып жан-жаққа
Б) Нұсқау белгісі
Баратын жерінің бағыты тұрағым,
Үн-түнсіз жөн сілтеп, жол нұсқап тұрамын.
Кұндіз де, түнде де от болып жанады,
Көк түске боялған төртбұрыш шырағым.
4-сайыс. «Кім тапқыр?» сөзжұмбақ сайысы.
Әр топқа сөзжұмбақ жазылған үлестірмелі материал таратылады. Сөзжұмбақ дұрыс шешкенде «Бағдаршамды сыйлағдар» деген сөз шығады. Сұрақтары мен суреті тақтада көрсетіліп тұрады.
Жолдажүруге байланысты «Бағдаршам» мультфильмін көріп тамашалау.
Әрдайым жол тәртібін есте сақтап, көшеде сақ жүрейік!
Қорыту, марапаттау.