Творческая работа на тему: Традиции моей семьи

КЪОРАНТАМНЫНЪ УРФ-АДЕТЛЕРИ
Мен сизлернен озь тюшюнджелеримнен пайлашмагъа истейим. Тюневин дерсте белли алим,аджайип шаир БекирЧобан-заденинъ иджадынен таныш олдыкъ.Биз онынъ «Яз акъшамы эв алдында» шииринден бойле сатырларны эзберледик:
Яз акъшамы эв алдында…
Кок ачыкъ, йылдыз отькюр,
Эв алдында сармашыкъ,акъшам сефа.
Арасында тёшельген миндер,килим,
Отургъанмыз тиз-тизге бар къоранта.
Бу муаббет къорантанынъ аиле азалары яз акъшамларыны оюн- кулькюнен бирликте,самимий мунасебетте вакъыт кечирип,озь эвлятларына миллий адетлеримизни къартана ве къартбабаларынен бирликте оларгъа ашлайлар. Балаларына халкъымызнынъ урф-адетлерини синъдирелер.Олар-бахытлылар.
Эр бир миллетнинъ озюне хас урф-адетлери, мерасимлери бар.Бизим халкъымызнынъ де озюне коре аджайип ве чешит-тюрлю аньанелери бар. Мен оларны билем ве кутем, эм де пек бегенем. Байрамлар, урф-адетлер бизим байлыгъымыз,несиллерден къалгъан мирастыр. Чокъ шукюрлер этем,чюнки биз Ана тили дерслеринде меракълы ве тарихий малюматларны огренемиз. Биз бильгенимизни, эльбетте, озь баларымызгъа огретеджекмиз.
Бизим къорантамыз балабан ве муаббет.Меним битамнынъ беш эвляды бар. Эр бир къорантада олгъаны киби бизим къарантамыз истисна дегиль. Аилемизде урф-адетлер бар.Олар чокъ йыллар девамында аилемизде чешит-тюрлю урф-адетлер асыл олды,темеллешти, эм де бизге яшамагъа ярдым этелер. Адетлеримизнинъ бириси - бу миллий байрамларымызны берабер къайд эткенимиздир.
1


Чешит мерасимлерни биз беш эвляды олгъан Эмине битамнынъ эвинде топлашып къаршылаймыз.Бир-бирлеримизни хайырлап, яхшы тилеклер Аллахтан истеп, донатылгъан софра этрафында берабер къонушып, вакъыт кечиремиз.Энъ къуванчлы дакъкъаларны берабер кечирмеге биз ичюн зевкълы ве меракълыдыр. Даа бир аилевий адетимиз – бу азбар ишлеримизни берабер япкъанымыз. Эр кес бир-бирине ярдым эте ве ишимиз тез япыла.Бирликте биз буюк кучь, деген сёзлер бизим шиарымыздыр. Урф-адетлеримиз бизлерни бирлештире, мунасебетлеримизни къавийлештире. Къырымтатар къоранталарында озюне хас аньанелер де яратыла. Бу аньанелер несильден – несильге кече, сонъ аиледе адет олып къала.Бизим несилимизде де бир аньане бар десем, янъылмам. Бу зенаат тарафындандыр.Ойле олгъан ки, битамнынъ къартбабасы Осман,о, Фотисала коюнде кой мектебинде тарих фенинден оджалыкъ япкъан, ве бу мектепнинъ мудири олгъан.Онынъ торунлары, яни меним битам оджа зенаатыны сечип, оджалыкъ эте.Битамнынъ бабасы Зеки къартбаба Озьбекистанда къуруджылыкъ техникумында оджалыкъ япкъан. Битамнынъ беш баласы бу оджалыкъ зенаатыны сечип,бугуньки куньде оджалыкъ этелер.Демек, бизим сой-сопларымызда оджалыкъ зенааты аньане олып къалды. Мен де озь келеджегимни бу зенаатнен багъламагъа истейим. Бойле этип, эр бир аиледе адетлер шекиллене ве аньане ола.Биз оларны урьмет этмелимиз.Олар бизлерни бирлештире ве мунасебетлеримизни къавийлештире, миллетимизнинъ шекилленмесинде ярдымджы олалар.
2