Лингвистическая сказка к уроку осетинского языка по теме Номдар.

Номдар.
(Лингвистикон аргъау)
Раджы-ма раджы œвзагзонынады уыди алœмœты бœстœ. Уыцы бœстœйы сœрдариуœг кодта паддзах. Йœ ном хуынди Морфологи.
Райсомœй раджы, хур йœ был фœсхохœй куыддœр сдардта, афтœ ракаст уœладзыгœй Морфологи йœ къухы аууонœй, йœ бœрны цы дзырдтœ уыди, уыдонмœ.. Дзœвгар рœстœг сœм фœкаст паддзах. Цœуыл ахъуыды кодта, чий œ зоны, фœлœ сœ œваст афарста:
-Чи уœ нысан кœны предметтœ?
-Ǽз.
- Мах дœр,- райхъуыстысты алы къуымтœй хъœлœстœ.
-Цавœр грамматикон миниуджытœй хайджын сту?-афарста сœ Морфологи.
-Ис нын нымœц.
-Уœдœ нын хауœны категори дœр ис,-дзуапп радтой ныхœстœ.
-Ǽмœ уœ бон хъуыдыйады исты бакусын бауыдзœн. œви нœ? –афарста сœ паддзах.
- Куыннœ, дœ бœрзонддзинад, махœн хъуыдыйады нœ бон у уœвын алы уœнг дœр.
- Тагъд уœдœ, фœхицœн ут дзыллœйœ œмœ алœуут хицœн къордœй. Абонœй фœстœмœ сымах хуындзыстут НОМДАРТǼ,уымœн œмœ нысан кœнут предметы нœмттœ. Мœнœ диссœгтœ, ай уœ œнœхъœн œфсад куы рауад , œнœхъœн. Ныр ма сын œз , хорз адœм, цы кœнон?. Уœдœмœ –ма рауайут мœ фœдыл, œз уœ œрлœууын кœндзынœн мœ паддзахады œппœты бœрзонддœр къœпхœныл. Уырдыгœй уœ бон уыдзœн сœрдариуœг кœнын œппœт ныхасы хœйттыл!
-Мœнœ цы хорз у!- бацин кодтой номдартœ œмœ ныххал сты Морфологийы фœстœ.