«О?ытуды? жа?а инновациялы? ?згерістерін енгізу ар?ылы саралап о?ыту принциптерін ж?зеге асыру»

№111 орта мектеп«Оқытудың жаңа инновациялық өзгерістерін енгізу арқылы саралап оқыту принциптерін жүзеге асыру» Қалпиева Ақерке Панабекқызы І. Кіріспе бөлімІІ. Негізгі бөлім2.1. «Оқытудың жаңа инновациялық өзгерістерін енгізу арқылы саралап оқыту принциптерін жүзеге асыру»2.2. Paint графикалық редакторында практикалық жұмысІІІ. Қорытынды бөлім І. Кіріспе бөлім «Халық пен халықты теңестіретін - білім» - деп қазақтың   заңғар жазушысы Мұхтар Әуезов айтқандай, білім бәсекесіне бейім шәкірт тәрбиелеу – біздің мақсатымыз. Сондықтанда жаңа жаңалықтардан қалмай  жаңалық жаршысы болуымыз керек.Бұл мақсаттарға жету үшін мұғалімнің ізденісі, жаңа тәжірибе, жаңа технологиялар қолдану қажеттілігі туындайды. Қазіргі таңда білім берудің басты міндеттерінің бірі оқу жүйесіне оқытудың жаңа технологияларын енгізу болып табылады. Елбасымыз Н.Ә. Назарбаевтың «Болашақтың іргесін бірге қалаймыз» атты жолдауында: «Сапалы білім беру Қазақстанның индустриалдық-инновациялық дамуының негізі болуы тиіс» деп атап көрсетілгендей қазіргі білім беру жүйесі әлемдік өркениет көшіне сай, жан-жақты ақпараттық-коммуникациялық технологиялармен қамтамасыз етілуі қажет. Инновациялық технологияларды қолдана отырып оқыту - таным әрекетін ұйымдастырудың ұтымды формасы. Мақсаты–оқу үрдісінің өнімділігін арттыру.  Инновациялық технологияны қолдану: оқып үйрену, меңгеру, өмірге ендіру, дамыту кезеңдері арқылы іске асады. Инновациялық оқыту білімді тереңдетумен қатар оқушының оқу әрекетіне жетелеп, олардың оқуға деген ынтасын оятады. Казіргі кезде педагогикалық технология ұғымы педагогикалық лексиконымызға берік еніп келеді. Технология – бұл қандай да болсын істегі,  шеберліктегі, өнердегі амалдардың жиынтығы деген ұғымды білдіреді. ІІ. Негізгі бөлім2.1. «Оқытудың жаңа инновациялық өзгерістерін енгізу арқылы саралап оқыту принциптерін жүзеге асыру» Саралап оқыту деп – оқушылардың жеке басының ерекшеліктеріне сәйкес топтап оқытуды айтады. Бұл кезде оқушылардың жеке қабілеті мен бейімі ескеріледі. Саралап оқыту әдісі әр оқушыны дербес ойлай алатын және өз бетінше белсенді жұмыс жасай алатын шығармашылық тұлға ретінде тануды қамтамасыз етеді. Демек, бұл әдіс пән мұғалімнен өз бетінен жұмыс істей алатын оқушыларға жеке тапсырмаларды деңгейлеп дайындауды қажет етеді. Осы орайды көрнекті неміс педагогы Ф. А. Дистервектің: «... нашар мұғалім шындық дүниені баяндап жеткізе алады, ал жақсы мұғалім оны қалай табуды үйретеді» деген сөзі ойға оралады. Деңгейлеп саралап оқыту технологиясы сабақтарына оқушы жұмысты 1-деңгейлік тапсырмаларды орындау мемлекеттік білім стандарты талаптарының орындалуына кепілдік 2-деңгейлік тапсырмаларға бірінші деңгейдегі материалды кеңейтетін, негізгі білімді дәлелдейтін,3- деңгейлік тапсырмаларын орындалуы алған білімді шығармашылықпен қолданатын деңгей. Деңгейлеп саралап оқыту технологиясын қолдануға мақсатымызды жіктеп айтайық: оқушылардың мемлекеттік білім стандарты талаптарына сай білім алуын қамтамасыз ету, оқушыларды пәнге қызықтыру, ынталандыру, оларды өз қабілеттеріне, мүмкіндіктеріне сенуге,оқушылардың өз бетімен жұмыс істеу дағдысын дамытып, шығармашылық белсенділігін арттырады. Деңгейлеп саралап оқыту технологиясы оқушылардың пәнге қызығуын арттырады. Деңгейлеп оқытудың әдіс-тәсілдері арқылы оқушылар: төменгі деңгейлік тапсырмалар бойынша өз бетімен істеуге бейімделіп, берілген тапсырманы орындайды,ортаңғы деңгейлік тапсырма бойынша оқушы теориялық негізде алған білімін нақтылайды,жоғары деңгейлік тапсырма оқушының іс-әрекеті арқылы жүзеге асады, Оқушыны деңгейге бөліп оқыту үшін сабақ жаңаша жоспарланады. Деңгейлеп оқыту оқытылатын ақпараттың азаюы емес, оқушыларға қойылатын талаптардың көбеюі. Оқушылар үшін үнемі проблемалық ахуал туғызу кейде оң нәтиже бермейді. Оны оқушының білім деңгейіне байланысты түсіндіруге болады. Мысалы, қойылған проблеманы шешу үлгерімі төмен оқушыға қиынға түссе, үлгерімі жоғары оқушыға жеңіл болуы мүмкін. Сондықтан оқушылардың әрекетін бірқалыпты ұстау үшін, олардың білім деңгейін ескеріп, яғни даралап, қойылатын мәселені әртүрлі тәсілдермен түрлендіріп беруге болады. Мысалы, 1) тұрақты айнымалылармен ауыстыру үлгерімі төмен оқушылар үшін қиындық туғызуы мүмкін. Бұл кезде үлгерімі төмен оқушыларға керісінше, айнымалыларды тұрақтылармен ауыстыруға тапсырмалар берген дұрыс. Бұл сырт көзге азғана өзгерту секілді көрінгенімен шын мәнінде программаға үлкен әсерін тигізеді; 2) егер цикл ішінде цикл қандай да бір мәні бар сан болса, онда оқушыларға есепті шешу қиындық туғызбайды. Ал осы санды айнымалыға ауыстырғанда есеп күрделі есепке айналады. Мұнда алгоритмнің қолдану аймағы кеңейеді және арттырады. Сабақтың тақырыбы: Paint графикалық редакторында практикалық жұмысСабақтың мақсаты: а) білімділік: редактордың құрал-саймандарын дұрыс қолдана білу, командаларды орындай алу қызметін меңгерту.ә) тәрбиелік: Эстетикалық талғамын қалыптастыру, нәтиже алуға және уақытты үнемдеуге дағдыландыру.б) дамытушылық: Графикалық бейнелеу жұмыстарын орындау арқылы бейнелік ойлау қабілетін дамыту. І. Ұйымдастыру кезеңі Қазіргі сабақ Paint компаниясының 45 минуттағы жұмысын сіздер, оқушылар көрсетесіңдер. Әуелі компанияға жаңадан жұмысшы қабылдау керек. Ол үшін редакторға байланысты тест сұрақтарына жауап бересіңдер. Компания жұмысы компания президентімен «Әсемдік әлемі», «Сұлулық әлемі», «Құттықтау әлемі» бөлімдері меңгерушілерінің осы сабаққа дейін редактормен жасаған жұмыстарымен танысудан басталады. Сонан соң 1-мамырға байланысты бізге түскен сұарынс гүл, құттықтау қағаз, әтір қорабы дизайнын жасау. Жасаған әрбір дизайнды топ басшылары бағалайды және «Үздік дизайнер» атағымен мадақталады. ІІ. Тест 1. Редактордың іске қосу жолдарын көрсет? А. Іске қосу-Программалар- стандарттыБ. Жұмыс үстеліВ. Екі жағдайда қосылады.2. Салынған суретті сақтау үшін қандай әрекет орындалады? А. Файл-сақтау Б. Түзету-сақтау В. Түр.... деп сақталады3. Тұйық контурдың ішіне бояу үшін...... пайдаланамыз А. Бүріккіш Б. құю В. Сызғыш.4. Бояулар тақтасын жұмыс алаңына шығару қалай орындалады? А. Файл палитра Б. Түр- палитра В. Түзету-палитра5. Жұмыс үстеліндегі суретті бірден жою қандай іс-әрекетарқылы орындалады? А. Сурет –тазарту.Б. Түзету-өшіруВ. Файл –жөнелту. ІІІ. Шығармашылықпен жұмысТоп басшысының шығармашылық жұмыстарымен танысу. Paint графикалық редакторында еркін тақырыпта сурет салу. ІҮ. Деңгейлік тапсырмаларА) «Құттықтау әлемі» 1-мамыр мерекесіне байланысты құттықтау қағазының дизайнын жасау, жақсы жұмыстарды баспадан шығару.Ә) «Әсемдік әлемі» Гүл суретін салуБ) «Сұлулық әлемі» әтір қорабының дизайнын жасау. Ү. СұхбаттасуТоп басшыларының сұрақ-жауап арқылы сұхбаттасуыСен басқаратын бөлімде жұмыс барысындағы ең қызықты сәтті айтып өтсең. Paint редакторында жұмыс жасап болған соң, экранда қара бояу төгіп алдың. Ашуланасың ба?Сенің ойыңша қағазға салған суретпен компьютерде салған суреттің қайсысы тиімді. ҮІ. «Үздік дизайнерді » анықтау ҮІІ. Бағалау Топ мүшелерінің жұмысын бағалау ҮІІІ. Үйге тапсырма. Paint графикалық редакторы . Бес жолды өлең құрастыру. ІІІ. Қорытынды бөлім Өз тәжірибемдегі оқушының ойлау қабілетін арттыру үшін қолайлы деп санайтын әдістерім: ойын, жарыс, сайыс, оқушының қиялын, бақылауын қолдану, тест, танымдық ойын және шығармашылықпен орындауға арналған тапсырма, саралап оқыту. Ұстаздық тәжірибемде оқытудың пәрменді әдіс –тәсілдерін қолданудан сабақтың тиімділігі арта түсетініне көз жеткіздім.   Қорыта келгенде, ХХІ ғасыр компьютерлік ақпараттар  заманы. Сондықтанда жер бетінде болып  жатқан жаңалықтар мен  өзгерістер туралы спутник, интернет арқылы мағлұматтар оқушыларға жеткізіліп, айтылады. Елбасының «Біз бүгін бәсекеге қабілетті, әлеуеті зор, экономикасы қуатты ел құрудамыз, біздің міндетіміз-айқын, алған бағытымыз дұрыс» деп көрсеткендей білім кеңістігінде әріптестерімді озық үлгідегі компьютерлік технологияларды жобалау, дайындау, оқу үрдісіне енгізуге, информатикада оқытудың инновациялық әдістері, құралдары, технологияларын талдап қолдануға шақырамын.