?йымдастырыл?ан о?у іс-?рекетіні? технологиялы? картасы. Саба?ты? та?ырыбы: 8 саны ж?не цифры. ?а?аз бетінде ба?дарлау (жо?ары, т?мен, ортасы, о? жа?ы, сол жа?ы).

Ұйымдастырылған оқу іс-әрекетінің технологиялық картасы.
Білім беру саласы: «Таным»
Бөлімі: «Қарапайым математикалық түсініктерді қалыптастыру».
Тақырыбы: 8 саны және цифры. Қағаз бетінде бағдарлау (жоғары, төмен, ортасы, оң жағы, сол жағы).
Мақсаты: 8 саны және цифрымен таныстыру. Бір санын қосу арқылыы келесі санды шығаруға болатынын түсіндіру. 1ден 8 ге дейінгі цифрларды ажырата алу және тани алу. «Жұп» туралы түсініктерін еске түсіру. Көз мөлшерлерін, логикалық ойлауларын дамыту
Әдіс – тәсілдер: түсіндіру, сұрақ – жауап,өлең, ойын
Қажетті көрнекі құралдар: 8 саны, демонстрациялық материал
Қостілділік компонент: (билингвизм) сегіз – восемь- eight.
Іс-әрекет
кезеңдері . Тәрбиешінің
іс-әрекеті. Балалардың
іс-әрекеті.
Себепті қызығушылығын
ояту кезеңі. -Балалар, сендер бәрің сырғанағанды жақсы көресіңдер ғой? Ендеше, сендерді сырғанаққа шақырамын. Балалар ойынға қызығушылық танытады.
Ұйымдастырушылық ізденіс кезеңі. Бүгін шанамыздың жоқтығына байланысты қар кесегімен «Қар лақтыру» ойынын ойнай отырып,сұрақтарға жауап беріп, тапсырмаларды орындаймыз.
Тәрбиеші сырғанаққа шанамен 7 баланы орналастырады. Ал 8-ші баланы баспалдақтың қасына қояды.
-Неше баланың сырғанақ тепкісі келіп тұр? (7), шанада отырған балалардың қима суретін қояды. Қараңдар, міне тағы бір бала сырғанаққа өрмелеп барады. Олар нешеу болады? 7+1=8.
-Біз бүгін қандай санды өтеміз, кім айтады?
-Санап шықтық: сырғанақта 8 бала. Тағы бір рет санаймыз (балаларды сырғанақтан бір-бірлеп магниттің көмегімен сырғанатады). Ешкім қалып қойған жоқ па?
Санды 8 цифрымен белгілейді. 8 цифрын табады. Тәрбиеші 8 саны мен цифры туралы тақпақ оқып береді.
Мынау жатқан қайшы,
Ал «8» саны қайсы?
Оның екі көзі –
Сегізінің өзі.
Цифрды сызамыз. Оны ауаға, сосын аяғымыздың ұшымен еденге жазамыз. Енді қарындаштарымызды алып, дәптерге саламыз:
алдымен жоғары шеңбердің сол жағын, содан соң төменгі шеңберді солдан оңға қарай сызамыз, сосын жоғарғы шеңбердің оң жақ шетін дөңгелетіп сызамыз.
Сергіту минутында /Фокус /Орындарынан тұрып алдарындағы қағазды қиғызу.Қиған кезде 8 цифры шығады. 1-ден 8-ге, 8-ден 1-ге дейін тура және кері санату.
2-тапсырманы орындайды. Түсті қағаздан жасалған 8 кітапқа өзі желімі бар қағаздағы цифрларды ретімен санап отыра жапсырту.
Тиісті сандарды көрсетілген орынға жапсырады. «Қар лақтыру» ойынын ойнай отырып, сұрақтарға жауап беріп, тапсырмаларды орындайды.
Балаларды санайды (7).
Мысал құрастырады:
7+1=8.
Оқу іс-әрекетінің тақырыбын табады.
Заттарды санайды.
8 цифрын табады және талдайды.
Цифрға ауаға, содан соң еденге, қарындашпен және саусағымен дәптерге салады.

Математикалық сергіту минутына қатысады. тапсырманы орындайды
Тура және кері санайды.
Дәптердегі 2-тапсырманы балалар қызыға тақтадағы кітаптарға цифр жапсыру арқылы орындайды.
Іс-әрекетін бағалау кезеңі.
Оқу іс-әрекетін қорытындылайды, санайды. Балаларды шығарып салады. Бірінші көк малақай киген бала, екінші ... бала кетті және т.б.
Жоғары, төмен, ортасы, оң жағы, сол жағы деген сөздерді түсіну үшін, тәрбиеші балаларға әртүрлі пішінді печеньелер орналасқан бір-бір файл береді. Оның жоғарғы оң жақ бөлігіне шаршы, төменгі сол жақ бөлігіне шеңбер, ортасына сопақша орналастыруды тапсырады. Балаларға «Фигура қайда жасырынып қалды?» деген ойын ойнатылады. Балалардың бірі фигуралардың атын атамай, орналасқан орнын сипаттайды. Қалған балалар оның қандай фигура екенін табады. Заттың пішініне қатысты өткен тақырыпты бекіту үшін
№3 логикалық тапсырманы орындайды. Шаршы емес, жолағы жоқ жалауды боя. Балалар алдымен оның дәптердің қай жерінде тұрғанын айтады (жоғарыда, сол жақта).
Балаларға алғыс білдіреді. Әртүрлі пішінді печеньелерді орналастыру арқылы ойын ойнайды
Тоқаштардан /дөңгелек пішіндерден/
8 цифрын құрастырады
Жолағы жоқ,үшбұрышты жалауды бояйды.
Күтілетін нәтеже:
Нені біледі: 8 саны мен цифрын;
Қандай түсініктерді игерді: 8 санының жазылуы туралы түсінікті;
Меңгерген дағдылары мен түсініктері: 8-ге дейін сандарды тура және кері санауды,
8 заттан тұратын топ құруды, 8 цифрын тануды, қағаз бетінде бағдарлауды.