«Кітапхана – рухани ?азына» атты е? ?здік о?ырман сайысы

«Кітапхана – рухани қазына» атты ең үздік оқырман сайысы
Сабақтың мақсаты: Оқырмандардың әдеби кітапқа құштарлығын арттыру, кітапханаға оқырмандар тарту, ой-өрісін дамыту, қазақтың көрнекті ақын-жазушыларының есімдері мен шығармаларын таныстыру.
23.04.Дүниежүзілік кітап күніне орай оқушылар арасында « Ең үздік оқырман» атты білім сайысын өткізіп, қазынаның асылы, өмірдің шырағын жағар құнды мұра кітапты қызыға оқуға бағыттау.
Жүргізуші: Армысыздар, қадірменді ұстаздар, оқушылар! Сіздер- «Кітапхана-рухани қазына» атты 2013-2014 оқу жылының үздік оқырмандар сайысына қош келдіңіздер!
ХХ1ғасыр-білім, ғылымның ғасыры. Еліміздің Еуразия жүрегіндегі Жаңа Қазақстанды өркендетудің 2050 жылға дейінгі бағдарламасында талабы таудай, қабілетті, ізденімпаз жастар үшін мақтаныш»,еліміз үшін абырой екені»,ондай жастардың әлемдік бәсекелестікке төтеп беретіні»,ұлт ақыл-ойының ұйытқысы болатыны көрсетілген.
Бәсекеге қабілеттіліктің басты мақсаты-білім,ал білімнің кәусар бұлағы кітап екені бәрімізге аян. Сондықтан ,еліміздің болашағы жастардың ғылым, білім жолындағы өмірлік құлшынысына жолдама беретін мәдени орталыққа айналып отырған бұл –Кітапхана.
Ән: кітапханашылар әні. (Назүл)
Жүргізуші: Биіктетер білімнің ақ ордасын,
Мерекең құтты болсын,оқырманым!
Келешек ғалымдар мен даналарды!
Қарсы алайық жаңа ғасыр перзенттерін,
Көшбасшысы, керемет кемеңгерін,
Болшақ президенттер,министрлер,
Ерен ер қазағымның төрелерін
Ішінде әнші де бар,ақын да бар,
Хас талант ,қасиетті дарын да бар!
«Үздік оқырмандар сайысына» белсенді 4 оқушымыз қатысады.
Кітапханашы: Оқушыларға сұрақтарымыз сан түрлі болмақ. Сайыс 8 белестен тұрады.
1- белес: « Нақтылап ата». Дұрыс жауап 10. Ұпай.
Бұл тур бойынша әр сайыскерге 2 шығарманың аты беріледі, авторын атау керек.
1-ші сайыскер: 1. Белгілі «Қорғансыздың күні», «Қилы заман»- шығармаларын қазақтың қай жазушысы жазған? (М. Әуезов.) .
2. «Көшпенділер», «Алтын Орда» кітаптарының авторы кім? (І. Есенберлин).
2-ші сайыскер: 1. «Дала» , «Құлагер» қай жазушының шығармасы? (І. Жансүгіров) .
2. «Сұлушаш», «Адасқандар» романдарының авторы кім? (С. Мұқанов).
3-сайыскер: 1. «Тар жол тайғақ кешу», «Көкшетау» поэемаларының авторы кім? (С.Сейфуллин).
2. «Қалың мал», романының авторы кім? (С. Көбеев).
4-сайыскер: 1. «Кім жазықты?, «Қамар сұлу» романының авторы кім? (С. Торайғыров).
2. «Бақытсыз Жамал», «Оян қазақ» шығармасының авторы кім? (М. Дулатов)
2- белес: «Кім сырлы дүние?» дұрыс жауап 10 ұпай.
1- сайыскер: 1.Ә. Нұршайықовтың «Ақиқат пен аңыз» кітабы қазақтың қай батырына арнап жазылған?
( Б. Момышұлы).
2.Қазақ халқының тарихында қандай билер өткен? (Қазыбек би,Төле би,Мөңке би).
2- сайыскер: 1. Ш. Мұртазаның «Қызыл жебе» кітабы кімге арнап жазылған?
(Көрнекті мемлекет қайраткері Т. Рысқұлов)
2.Қазақ халқының қандай батырларын білесің?
(Қабанбай,Бөгенбай,Кенесары, Есет.)
3- сайыскер: 1.Белгілі ғалым,зерттеуші,тұңғыш академик Қ.И. Сәтбаевқа арналған шығарманың авторы кім?
(М. Сәрсекеев).
2. Қазақтың тұңғыш ғарышкері кім? (Т. Әубәкіров).
4- сайыскер: 1. «Менің атым – Қожа» кітабының авторын ата. (Б. Соқпақбаев.)
2. Қазақтың бес арысын ата (Шәкәрім, Ахмет, Мағжан, Міржақып, Жүсіпбек).
3- белес: «Қилы-қилы қызықтар». Әр сұрақ 10 ұпай
1- сайыскер: Тұңғыш радиоқабылдағышты ойлап тапқан кім? (Орыс физигі А.С.Попов).
2- сайыскер: Микроскопты кім ойлап тапты? (әкелі-балалы Янсендер).
3- сайыскер:Көне дүние мұраларын зерттейтінғылымды ата. (археология)
4-ші сайыскер: Халықтың шығу тегін , таралуын баяндайтын тарих ғылымының бір тармағын қалай атайды? (Шежіре).
4-ші белес: «Кім білгір?» дүрыс жауап 10 үпай.
1-ші сайыскер: 1.Н. Ә. Назарбаев қай жылы Президент болып сайланды?
(1.12.1991жыл)
2-ші сайыскер: 1.Астана қаласы қай жылдан ҚР астанасы болды. (1998 жыл)
3-ші сайыскер: 1.Ұлттық валюта теңге қашан айналымға енген? (1993жылы 15-қараша)
4-ші сайыскер: 1.ҚР-ның мемлекеттік заңы қашан қабылданды? (1995 жыл 30 тамыз).
Балалардың жалпы жинаған балдарын әділқазылар есептеп , ең төмен жинаған ойыншылардың екеуі ойыннан шығарылады. 2. ойыншы жалғастырады..
5- белес: « Жұмбақ жарыс ».
1-сайыскер: 1. Оқытады жазда,
Оқытады қыста.
Тілсіз дана ұстаз. (Кітап).
2.Аяғы жоқ жүреді,сылқ-сылық күледі. (бұлақ).
2-сайыскер: 1.Бетін адам ашады,
Білім нұрын шашады. (Кітап).
2.Асқар тауда қара орман. (шаш).
6- белес: «Жылдам жарыс». Мақалдың жалғасын айту.
1-сайыскер:1. Аузыңмен айтқанды.... ( қолыңмен істе)
2.Оқу- білім бұлағы,.... (білім өмір шырағы)
3. Көп біл.... (аз сөйле)
4. Ұлық болсаң….. ( кішік бол)
2-сайыскер: 1.Қаhарлы сөз... (қамал бұзар)
2.Қына тасқа бітеді.... (ақыл басқа бітеді)
3.Әдепті бала арлы бала....(әдепсіз бала сорлы бала)
4.Бас кеспек болса да… (тіл кеспек жоқ)
7-белес: Жинақталған сұрақтар. 10. Ұпай.
1-сайыскер: 1. « Бай баласы мен жарлы баласы» кімнің шығармасы. ( Ы. Алтынсарин.)
2.Қазақтың атақты суретшісі кім? (Ә. Қастеев.)
3.Халықаралық конкурста «Әлия» әнімен бас жүлде алған әнші. (Р. Рымбаева.)
4. Зат есімнің сұрақтарын ата (Кім? Не?)
2-сайыскер: 1.М. Әуезовтың жыртқыш аң туралы жазған шығармасын ата.(Көксерек).
2. Қазақ ұлтының 1-ші рет ҚСРО халық әртісі атағын алған кім? (К. Байсейітова.)
3.Қазақта тұңғыш дүниежүзі чемпионы атағын алған палун кім? (Қ. Мұңайтпасұлы.)
4.Сан есімнің сұрақтарын ата. (Қанша? Неше?)
8-белес:
1-сайыскер: Үйде ешкім жоқ. Тек сен ғана. Есіктің қоңырауы сағылады. Сен барып қарасаң қаладан келген туысқаның. Сенің анаң есікті ешкімге ашпауды тапсырған. (сенің әрекетің)
2-сайыскер: Сен өте асығыссың , себебі сабаққа үлгеруің қажет.Көшеде бала жетектеп келе жатқан қарияны қағып кеттің. Ол кісі құлап түсті, немересі қорыққан жылап жіберді. (сен не істейсің, сенің әрекетің)
Кітапханашы: Оқулықты құрметте,
Күтіп ұста кірлетпе.
Кішілерге табыс ет,
Дақ түсірмей бір бетке ! - деп «ең үздік оқырман» иннтеллектуалды сайысымызды аяқтаймыз.