Урок на тему Елім деп со?ар ж?регім

Асем Сыдыкова
Өзін-өзі тану пәнінің мұғалімі
Екіаша орта мектебі КММ
Сарқан ауданы, Екіаша орта мектебі
Тақырыбы: Елім деп соғар жүрегім № 16-17 сабақ
Құндылық: Сүйіспеншілік Қасиеттер: ізгілік, жомарттық, кешірімшіл .
Мұғалім: Сыдыкова А.Ж. Сынып: 8 Оқушылар саны:
Сабақтың мақсаты:Оқушыларға «Отан» туралы түсінік бере отырып, «Сүйіспеншілік» құндылығының мәнін ашу.
Міндеттері:
- Отанға, туған жерге деген махаббат мәнін түсіндіру.
- Отанының жарқын болашағына деген сенімдерін қалыптастыру.
- Отанға деген сүйіспеншілікке тәрбиелеу. Ресурстар
оқулық, оқушы дәптері, үн таспа, тақта.
Сабақтың барысы:
1. Ұйымдастыру кезеңi. Сәлемдесу. (Сабақтағы жағымды күйге келу)
Тыныштық сәтi: (Нұрға бөлену)
Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.
Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.
Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.
Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.
Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.
Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын».
Осындай Нұр, Махаббат және Тыныштық күйінде отыра тұрыңыз...
Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.
Жаймен көзіңізді ашуға болады. Рахмет. ІІ. Үй тапсырмасын тексеру .
«Туған жер» өлеңін сұрау.
1. «Туған жер», «туған ел» дегенде ойларыңа не түседі?
2. Туған жерге ,елге деген сүйіспеншіліктің түп тамыры неде деп ойлайсыңдар?
3. Отанға деген сүйіспеншілік, құрметтеріңді қалай білдіресіңдер ?
4. Елің, жерің үшін жасаған азаматтық ерлікке жата ма?
5. Өзіңе «Мен болмасам, кім?» деген сұрақ қойып көрдің бе? ІІІ . Жағымды ой- пікір (дәйек сөз)
«Алтын анам, Отаным! Сенен аяр жаным жоқ, сенен іркер күшім жоқ»
Мұхтар Әуезов.
(Хормен қайталау, дәптерге жазғызу).
1.Негіз ойы неде?
2. Сендер қалай ойлайсыңдар ?
ІV. Оқиға айту : (Мұғалім сыйы)
Қ. Жұмаділовтың «Қаздар қайтып барады» шығармасын айтып беру.
1. Қарттың туған жерге деген сүйіспеншілігі неден көрінеді?
2. Қарттың туған жердің топырағын жерге қайтаруының себебін қалай түсінер едіңдер?
3. Өздерің туған жердің қасиетін қалай түсініп, бағалайсыңдар? 5.Шығармашылық жұмыс.
Оқулықта берілген жағдаятты оқып талдау, сахналау.
«Елім деп соғар жүрегім!» тақырыбына эссе жазу.
І топ Ата мен немеренің арасындағы қарым-қатынас.
ІІ топ Әке мен бала арасындағы
ІІІ топ Достар арасындағы
Дәптермен жұмыс.
1-2 тапсырма 6.Топпен ән айту. «Көк тудың желбірегені»


7.Үйге тапсырма.
«Елге деген махаббат » өлеңін жаттау.
«Көк жиек» өлеңін жаттау.
8.Тыныштық сәті.
Мұғалім: Көзімізді жұмамыз...,арқамызды тіктейміз..., қолдарыңды тізеге қоюға болады...бүгінгі сабақтан түйгендерімізді жүрекке сақтап алайық.