Бисермен ж?мыс. Санитарлы? – гигиеналы? талаптар.

Сабақтың тақырыбы: бисермен жұмыс. Санитарлық – гигиеналық талаптар.
Сабақтың мақсаты:
бисермен жұмыс жасау технологиясымен таныстыру;
санитарлық – гигиеналық талаптарды тұрмыста қолдануға дағдыландыру;
ұқыптылыққа, тиянақтылыққа тәрбиелеу.
Сабақтың түрі: жаңа сабақ, түсіндірме, сарамандық жұмыс.
Қажетті құрал – жабдықтар: бисерлер, стеклярус, бисер инесі, қайшы, леска, мата.
Сабақ барысы:
І. Ұйымдастыру.
Оқушылардың сабаққа дайындықтарын тексеру, назарларын сабаққа аудару.
ІІ. Өткен тақырыптарға шолу:
- көркем кестелеу жұмыстарына қажетті құрал – жабдықтарды ата.
- көркемдік кесте жұмыстарын қолдана отырып қандай бұйымдар жасауға болады?
- қауіпсіздік ережелерін ата.
ІІІ. Жаңа сабақ.
Бисер – кішкентай, ортасында тесігі бар түстері әртүрлі шариктер. Құрамына қарай бисер шыныдан және металдан жасалған болып бөлінеді. Ал өңделуіне қарай тұтас боялған немесе шаңдатылған күңгірт не құбылмалы түсті болады.
Түріне қарап бисерді: қарапайым жай бисер, стеклярус, рубка, богемдік бисер немесе шорлот деп бөледі.
Стеклярус- шыны түтікше (5-10 мм), қырлы немесе цилиндр пішінді. Одан басқа шабылған бисер деп те ажыратады, ұзындығы 2-3 мм, және өте ұсақ.
Бисермен жұмыс: материалдар мен қөұрал – жабдықтар.
Бисер, моншақ, стеклярус, сол сияқты декордың кейбір элементтері, зергерлік тастар жатады.
Бисермен жұмыс кезіндегі санитарлық – гигиеналық талаптар және
қауіпсіздік ережелері.
Бисермен жұмыс істейтін жер өте жарық болуы керек. Күндізгі жарықпен жарықтанғаны дұрыс.
Жұмыс үстелінің бетіне түкті мата (барқыт, велюр, вельвет) жабылуы керек.
Сапасыз бисерді қолдануға болмайды.
кестелегенде бисерді инеге тізіп алады. Оны қажет болғанда ғана қолмен ұстайды.
бисермен жұмыс кезінде көз тез шаршайтындықтан, көздің түсті ажыратуы нашарлайды. Сондықтан көзді демалдырып, үзіліс жасап отыру керек және көзге жаттығу жасап отырған жөн.
жұмыс кезінде тік отыру керек.
көз бен моншақ арасындағы қашықтық 30-35 см болу керек.
бисерді өруге кіріспестен бұрын жұмыс орнын ретке келтіріп алған жөн. Жұмыс бөлмесі жарық болу керек. Жұмыс үстелін терезенің жанына қойған дұрыс. Күндіз терезе жарығы сол жақтан түсу керек. Кешке үстелдік шамды қосу керек. Әрбір 2-3 сағат сайын үзіліс жасап, көзге арналған жаттығуды орындау керек.
бисермен жұмыс істегенде оны тәрелкеге салып, үстелдің үстіне қойған ыңғайлы. Үстелді жылжып кетпейтін жұмсақ матамен жапқан дұрыс, бисер түсіп кетсе де жинап алу оңай болады.
Бисер өрімі ұқыптылықты, шыдамдылықты талап етеді.
ІҮ. Сарамандық жұмыс.
Бисерден бұйым жасау технологиясы.
Гүлтізбек – 4 күлтелі гүлден тұратын гүлтәжіне ұқсас, өте қарапайым, жасалуы тез әсем бұйым. Мұндай гүлтәжін жасау үшін 2 түсті бисер керек (қарама – қарсы түстер). Олардың мөлдір болмағаны дұрыс, суреті анық көрінеді.
Бірінші айқыш - 4 сары бисерді тізіп, соңғы бисерден лесканы өткізгенде, оның ұшы екі жағынан шығатындай болуы керек. Оң жақтағы лесканың ұшына 1 ақ немесе сары бисерді кіргіземіз.
содан кейін осы оң жақ ұшына тағы 4 сары бисер кіргіземіз. Одан кейін лесканы сол бағытта қайтадан бірінші бисерден өткіземіз (леска шеңбер түзеді). Лесканы тартып екінші айқышты аламыз.
сол жақ ұшына да дәл оң жақтағыдай бисерлер тіземіз. Содан кейін екі ұшына да бір- бір ақ бисерден өткіземіз.
Сары бисер алып, оған екі лесканы да сол жақ ұшы оң жақтан, оң жағы сол жақтан шығатындай етіп өткіземіз. Содан кейін және бір айқыш тоқимыз: екінші және үшінші сары бисерлерді сол жақтан және оң жақтан тізбектейміз, ал төртіншісі тура біріншісі сияқты ортасында леска ұштары екі жағынан шығатындай болып орналасады. Гүлтізбектің 1 элементі дайын.
4. Лесканың әрбір ұшына күлгін бисердің бесеуін өткіземіз. Содан кейін екінші элементті өреміз. Барлығы 9-10 элементтен тұрады.
Ү. Қорытынды.
Оқушылардың жұмыстарын тексеру, бағалау.
Жұмыс орнын жинастыру.