Разработка КВН по творчесту Юсуфа Болата

ЮСУФ БОЛАТНЫНЪ ИДЖАДЫНА БАГЪЫШЛАНГЪАН ЯРЫШ
6-7-8 сыныфлардан джыйма эки команда
Сыныфнынъ донатувы: Юсуф Болатнынъ иджадына багъышлангъан газеталар, фоторесимлер, газета ве журналлардан алынгъан материаллар, китап сергиси; балаларнынъ ресимлери, проектор.
Конкурслар:
1. Командалар бир-бирини такъдим этелер (эмблема, девиз ве иляхре)
2. Азырджевап оюны (разминка) – эр эки командагъа онар суаль.
3. «Эсернинъ адыны тап» (еди аляметтен эсерни ве муэллифини тапмакъ).
4. «Бельгисиз атчыкъ» (берильген малюматлардан муэллифни тапмакъ).
5. Сенкан тизмек (Юсуф Болатнынъ пьесаларындан бегенген къараман).
(Сейирджилерге оюн теклиф этмек – тапмаджаларнынъ джевабыны тапмакъ).
6. «Эске тюшюр» конкурсы (10 сёзни хатырлав).
7. Капитанлар конкурсы (10 сёзден мини-инша язмакъ).
8. Эв вазифеси, Юсуф Болатнынъ бир де бир эсеринден парчаны саналаштырмакъ.
Алып барыджы: Мерабанъыз, сайгъылы талебелер, оджалар, эдебият мухлислери. Юсуф Болатнынъ иджадына багъышлангъан тедбиримизни башлаймыз. 2 джыйма команда шимди кендилерини такъдим этеджеклер.
(Командалар кендилерини такъдим этелер).
Алып барыджы: Эр эки командагъа «Азырджевап» конкурсында я да «Разминкада» иштирак этмек ичюн невбетнен суаллер бериледжек.
1 конкурс – «АЗЫРДЖЕВАП КОНКУРСЫ»
Суаллер: (чифтсиз суаллер 1-нджи командагъа, чифтли – экинджиге)
Къырымтатар тилинде къач ариф бар? (37)
Къайсы арифлер сес бильдирмейлер? (Ъ,Ь ишаретлери).
Насыл белли артистлеримизни билесинъиз? (Эльзара Баталова, Эдип Асанов, Асан Хайрединов ве…)
Къырымтатар ансамбллерини айтынъыз. ( «Дестан», «Гунеш», «Къырым».Саба тургъанда, насыл сёзлер айтыла? («саба шерефлеринъиз мубарек олсун!»).
Гедже мусафирлерни озгъаргъанда, не айтыла? («Гедженъиз хайыр!»).
Къачынджы сенеси 1-нджи Къурултай олды? (1917 сенеси).
Дерслер арасында раатлыкъ дакъкъасы (тенеффюс).
Тавукъларнынъ эви (кумес).
Улу ватан дженки къачынджы сенеси башланды? (1941 сенеси 22 июньде).
Къырымтатарлар ичюн фаджиалы кунь (18 майыс 1944 сенеси).
Джумле азаларынынъ адлары (муптеда, хабер, тамамлайыджы, айырыджы, ал).
Мустакъиль сёз чешитлери (исим, сыфат, фииль, замир, зарф, сайы).
Насыл газета ве журналлар нешир этиле? («Къырым», «Янъы дюнья», «Арманчыкъ»).
«Ленин байрагъы» газетасы къаерде нешир этиле эди? ( Ташкентте).
Къач шаир ве языджы дженктен къайтмады? (12).
Репрессиягъа огъратылгъан зиялылар? (абдулла Лятиф-заде, Осман Акъчокъракълы, Джафер Гъафар, Умер Ипчи ве… ).
Къырымтатар гимнининъ муэллифи? (Номан Челебиджихан).
2016 сенесинде Евровидениенинъ гъалиби ким? (Джамала)
Джамала насыл йырны иджра этти? (1944 сенеси).
III «ЭСЕРНИНЪ АДЫНЫ ТАП» КОНКУРСЫ
1 команда
Ташчыкълар, озен, чамборлаз, кираз тереги, къаравул, юмрукъ, балалар . («Балта» икяеси).
Мектюп, йигитлер, къарасу, диптерон, институт, хадим, тёгерек 9»той девам эте» пьесасы).Айдут, чешме, гугюм, къайычыкълар, денъиз, къызлар, баарь («Арзы къыз» пьесасы).
2 команда
Ресим, чёль, джанлы солдат, акъча, джам софа, бахшыш, хатыра («Алим» романындан).
Пиляке таш, оба, алчакъ эвчик, къарбаба, мыйыкълар, эмдже, балалар » («Балта» икяеси).
Сана, концерт, сейирджилер, лектор, къалем, джеп дефтер, адамлар («Той девам эте» пьесасы)
IV «БЕЛЬГИСИЗ АТЧЫКЪ» КОНКУРСЫ
1 команда
Алушта шеэринде, чокъ балалы къорантада догъды. Яшлыгъында ыргъатлыкъ япмагъа меджбур эди, чюнки къорантада энъ буюги сайыла эди, бабасынынъ ярдымджысы эди. Бунъа бакъмадан, тасиль алды, Къырым педагогика институтынынъ къырымтатар тили ве эдебияты болюгини битирди. Сонъунда белли языджы, романджы олды. (Юсуф Болат)
2 команда
Белли языджы, юморист, драматург. Чокъ птесалар ве комедиялар язды. Дженктен эвель о язгъан пьесалар Къырым драма театринде ойналды. Онынъ пьесалары шимди де озь актуаллигини джоймады.
Шимди де пьесалары саналаштырыла. (Юсуф Болат)
V СЕНКАН ТИЗМЕК (Юсуф Болатнынъ эсерлеринден бегенген къарамангъа сенкан тизмек. Меселя: 1 команда – Алим, 2 команда – Зия.
СЕЙИРДЖИЛЕР ИЧЮН КОНКУРС (ТАПМАДЖАЛАР)
Саллана, саркъа,
Чибинлер ондан къоркъа. (Орюмчек)
Ола сары эм де акъ,
Севип ашар чокъ япракъ.
Йиплер ишлеп эв япар,
Сармалана да юкълар. (йипек къурту)
Сачакъта о къурулгъан,
Балта, чотсуз ясалгъан. (къарылгъач ювасы)
Куньдюз юкълай,
Гедже ашай. (миявкъуш).
Гедже-куньдюз чокъмар ашай,
Озю екне шенъли яшай. (давул).
Дёрт аякълы ялпакъ,
Башында кийиз къалпакъ.
Эки орькеч сыртында,
Сербест юре къумларда. (деве).
Ичине къыйма догъралгъан,
Къатмерленип бурулгъан.
Къалачланып къоюлгъан,
Балалар ашап тойгъан. (бурма)
Сапы оны кумюштир,
Ал бойнунъа илиштир.
Меним санъа сёйлегеним,
Япракъсыз бир емиштир. (мантар)
Инесиз, йипсиз боюнджакъ тизильген,
Табиат тизген, къол узьген. (юзюм салкъымы).
Аттыр, оттыр, арнауттыр,
Аягъы ёкъ, лякин тишлей. (къыджыткъан)
VI «ЭСКЕ ТЮШИР» КОНКУРСЫ
1 команда: терек, къалем, озен, бор, къыз, булут, тахта, эв, мышыкъ, кок.
2 команда: тарла, вишне, бала, дефтер, копек, къарылгъач, бузав, керкидан, денъиз, сув.
VII КАПИТАНЛАР КОНКУРСЫ (10 сёзден мини-инша язмакъ)
VIII ЭВ ВАЗИФЕСИНИ ТЕШКЕРЮВ: эр бир команда Юсуф Болатнынъ бир де бир пьесасындан парчаны саналаштыра.
Алып барыджы: жюри азаларына сёз беремиз.
Дикъкъатынъыз ичюн чокъ сагъ олунъыз.