Конспект урока по крымскотатарской литературе Халкъ агъыз яратыджылыгъы

7- сыныф ЭдебиятДерснинъ мевзусы: Халкъ агъыз яратыджылыгъы.Текрарлав ве
умумийлештирюв.Дерснинъ макъсады: 1.Алынгъан бильгини актуаллештирюв;
2.Талебелернинъ нутукъ инкишаф
бильги севиелерини ашарув;
3.Сана медениети севиеси ашлав.
Дерснинъ донатувы: 1. ТСО, 2. Ресимлер, 3.Дерске азырлангъан
меджмуа.
Дерснинъ чешити: Стандарттан тыш дерс «Агъзавий
меджмуа»
Дерснинъ кетишаты.
Дерснинъ кириш къысымы.
Сыныф студия шекильде донатылгъан,санада маса этрафында алып барыджылар (дикторлар) телеэкранда.Залдаки талебелер – сейирджилер. Къырымтатар авалары янгъырай.
Дерснинъ эсас къысымы.
1 диктор: Хош кельдинъиз,сайгъылы телесейирджилер,программамызгъа келип иштирак эткен мусафирлер.
«Арзу нурлары» студиямыз бугунь сизлер ичюн журналымызнынъ бир къач саифеси эсасында программа азырлагъан.
Журналымызнынъ 1-нджи саифесини ачамыз.Онынъ серлевасы: «Къырымда- абуне».семетдешлеримиз яшагъан Богъурча къасабасындан репортаж ала: Суаллер:
Къырымда чыкъкъан къайсы газета ве журналларны билесинъиз?
Сиз къайсы неширге абуне олдынъыз?
Сиз бу газетада чыкъкъан къайсы макъалелерни севип окъуйсынъыз?
Балалар да бу газетте озь икяе ве шиирлеринен чыкъалармы?
Талебе:Мен истер эдим ки,къырымда чыкъкъан меджмуаларгъа коюмизнинъ чокъкъа кишилери киришселер,яхшы олур эди.
2-диктор:Журналымызнынъ экинджи саифесини ачамыз.
Эдебий саифе.
«Бир къашыкъ туз» масалыны саналаштырув.
«Алим акъкъында риваетлерден парчаларны саналаштырув.
Викторина. «Аюв –Дагъ», «Еди къую», «Демирджи дагъы» эфсанелери эсасында суаллер. (Телесейирджилернен ишлев)
Халкъ йырлары. «Дегирменджи» йыры иджра этиле.
Аталар сезлери,тапмаджалар айтыла.
Журналнынъ 4-нджи саифеси.
Халкъ йырларынынъ иджра эткен къырымтатар йырджыларындан энъ белли йырджы- бу Сабрие Эреджепова эди. (Онынъ йырларындан парчалар къоюлып динълене)
Студиямызда йырджынынъ «сой-сопу» мусафирликте булуналар.
«Сейирджилер» оларгъа суаллер берелер, «мусафирлер» джевапта булуналар.Санада Сабрие Эреджепованынъ портрети.
III. Дерснинъ екюни.
IV. Эвге вазифе. Бир де бир языджынынъ масалыны окъув.