Ар?МПИ: жа?а ?рпа? мамандарын дайындайды

АрқМПИ: жаңа ұрпақ мамандарын дайындайды
Абдыкасымова Галия Жумановна
Басиауыш сынып мұғалімі
Арқалық қаласы
«Мектептер – қазақ білімінің басты серепінді құралы, Негізі үміт әсіресе сонда, қазақ халқының келешегі де сонда.»
Ыбырай Алтынсарин
Елбасы Нұрсұлтан Назарбаев ел азаматтарының алдына Қазақстанды әлемдік білімділік деңгейіне көтеруді басты мақсат етіп қойып отыр. Егеменді Қазақстанның бүгінгі және ертеңгі келешегінің жарқын болуының негізі - білімнің сапалылығында. Болон декларациясына Қазақстанның қол қоюы – тарихи қадам, жоғары білімнің сапасын арттыруға және халықаралық еңбек нарығында республикамыздың жоғары оқу орындары түлектерінің бәсекелестікке қабылеттіліктерін арттыруға негізделген бағыт. Еліміздегі әрбір жоғары оқу орны сауатты, сонымен қатар жан - жақты дамыған жас мамандарды дайындауды мақсат етеді.
Ы.Алтынсарин атындағы Арқалық мемлекеттік педагогикалық институты басшылығы,түлектері және студенттерімен шын мәнісінде мақтана алады. Институт тарихы сонау 1972 жылдан бастау алады. Соңғы 15-20 жылда оқу орнындағы студенттер саны 200-ден 2500-ге, профессор-оқытушылар құрамы 17-ден 210-ға дейін өсті, оқытушылардың 40-тан астамының ғылыми дәрежелері және атақтары бар. Институт 13 000-нан астам мамандар дайындады.
Бұл жерде оқу орнын алғашқы ұйымдастырушы, институттың тұңғыш ректоры, техника ғылымдарының докторы – Мырзағали Отарұлы Төлегеновтің есімін, қосқан үлесін атап айтуымыз керек. 2012 жылдан бастап Ы.Алтынсарин атындағы Арқалық мемлекеттік педагогикалық институтын география ғылымдарының докторы Қуанышбаев Сейітбек Бекенұлы басқаруда. Оның басшылығымен 4 факультетте мамандар даярланып, 10 кафедра жұмыс жасап, 21 орын бакалавриат мал андығын дайындайды. Оқу орнында қазіргі таңда 2000 студент білім алуда. Әрбір студент, АрқМПИ аяқтағаннан кейін жақсы ұстаз болумен қатар, жеке тұлғаны дамытудың психопедагогикалық негіздерін, сондай-ақ кез- келген тәрбиелік іс-шараларды ұйымдастыра білудің жолдарын игерген маман болуға тиіс. Тек сонда ғана жақсы маман атана алады: сол үшін АрқМПИ-да ақпараттық- кітапханалық комплекс ұйымдастырылып, сапалы қызмет көрсетуде. Бұнда студенттер ақпараттың кез-келген түрімен – оқу-әдістемелік, ғылыми, көркем әдеби, болмаса электро тасығыштармен жұмыс жасауды үйреніп, әрі пайдалана алады. Басты мақсат – кез-келген ақпарат көзінен өзіне қажеттісін таба білуге дағдыландыру. Психопедагогикалық комплекс – бойынша таңдаған мамандықтарына қарамастан биолог немесе тарихшы барлық студент дайындықтан өтеді. Уақытқа ілесе отырып, әрбір студент жаңа ақпараттық-коммуникациялық технологияларды игеруге міндетті. Осындай мақсатта, АрқМПИ-да ақпараттық технология орталығы ұйымдастырылған. Мемлекеттік білім бағдарламасының басты мақсаттарының бірі, атап айтқанда білім беру процесіне қатысты әрбір тұлғаның жоғарғы дәрежедегі білім ресурстары мен технологияларына қол жетімділігін арттыру үшін IT-технологиясы қолданысқа енгізілді. АрқМПИ техникалық инфроқұрылымының жетілдірілуі мен ауқымдылығының кеңдігін мынадан көре аламыз. Оқу орнының екі ғимараты және студенттер үйін Fast Ethernet корпоративтік желісіне қосылып,ғаламтордың Wi-Fi, әлемдік SHDSL және ADSL технологияларына қосылу жүзеге асырылған. Аймақтық қызмет көрсету орталығы, әлемдік электронды байланыстырып отыр. E-learning электронды оқыту аясы ПО «Платонус» кеңінен қолданысқа енгізіліп, кредиттік оқыту технолгиясына көп көмегін тигізуде. Білімді дамытудың 2020 жылға дейінгі арналған мемелекеттік бағдарламасында 3 тілді мұғалім кадрларды дайындауды жолға қою атап көрсетілген. Сондықтан АрқМПИ-да тілдерді дамыту комплексі жұмыс жасап, жекелеген пәндер бойынша үш тілде бере алатын мамандар дайындалуда. Әлемдік жаһандану кезеңінде көптілділікті енгізу ұлтаралық және мемелекетаралық коммуникацияны дамыту қажеттілігі. Мұндай қажеттілік болашақ жаһандану дәуірінің өскелен, ұрпақтарына білім беретін, тәрбиелейтін болашақ ұстаздарға жауапкершілік жүктері сөзсіз. Осы мақсатта институт үнемі жұмыс жасапкеледі. АрқМПИ-да Ы.Алтынсарин атындағы білім тарихына арналған және жаратылыстану мұражайлары жұмыс істейді. Қазақтың ұлы ағартушысы Ы.Алтынсаринның еңбегіне арналған ғылыми-педагогикалық мұражай 1976 жылы ашылды. Онда 4000-ға жуық жәдігерлер жинақталған. Бүл орын студенттер үшін ғылыми-өндірістік және зертханалық қызмет атқарып, ыбырайтану курсына айтарлықтай үлес қосып отыр. Жаратылыстану мұражайы 2010 жылдан жұмыс істеуде. Мұнда алуан түрлі жан жануарлар дүниесімен, тау жыныстарымен, бағалы минералдармен танысып жершарындағы органикалық әлемнің даму тарихын бағамдауға болады. Мұражайға көбелектердің, қоныздар мен моллюскалардың 200-ден астам түрлері, тау жыныстары мен минералдардың 200-дей түрлері қойылған. Студенттер үйі – тұрғындарға арналған ерекше комплекс. Бұл комплекстің жұмысы студенттерге жайлылық пен тамаша тұрмыстық жағдай жасауға бағытталған, сондықтан қаржышаруашылық және тәрбиелік бағыттағы жұмыстар біріктіре жүзеге асырылады. Қазіргі таңда 250 студент орналастырылған, институт әкімшілігі тыныштық пен қауіпсіздікке жауап береді және қамтамасыз етеді. Студенттердің дем алуларына жан-жақты білім алуларына жағдай толығымен жасалған. Интернет желісіне қосылған оқу залы бар. Бөлмелер заманауи жиһаздармен жабдықталған. Арқалық мемлекеттік педагогикалық институтында жастарға ұлттық, эстетикалық, имандылық тәрбие беруге зор коңіл бөлінеді. Ол үшін институтта, таланттарын, басшылық тұлғаға лайықтылығын, әуендік, әдеби, шығармашылық дарындарын көрсетуге мүмкіншіліктер жан-жақты жасалынған. Облыстық, республикалық, халықаралық сайыстарға қатысушыларға да мүмкіншіліктер, жағдай жасалынған. Студенттер мен денешынықтыру, мәдениеті және спорт мұгғалимдері арасында түрлі дәрежеге ие болғандар бар. Әлеуметтік тұрғыдан аз қорғалған отбасылардан шыққан жастар , 1 және 2 дәрежелі топтағы мүгедектер, сондай-ақ аз қамтылған отбасынан келген студенттер оқу бағасын белгілі бір дәрежеде жеңілдіктер жасаланып, институт ректорының гранттары тағайындалады. Мамандардың тәжіребеден өз дәрежесінде өтулері үшін институт және Арқалық білім бөлімі, Жанкелді және Аманкелді білім бөлімдері, колледждер, сондай-ақ Арқалық қаласының басқа да мекемелелері мен ұйымдары арасында келесім шарттар жасаланып, алған мамандықтарына сәйкес жұмысқа орналастыруға ықпал ету жайы да қарастырылады. Ұзақ мерзімге арналған білім туралы мемлекеттік бағдарламаны жүзеге асыру, алға мақсаттар мен тапсырмалар қойып, оны іс жүзінде пайдаланған да ғана жемісті болары сөзсіз. Ы.Алтынсарин Арқалық мемлекеттік педагогикалық институтында осындай игі істер жолында аз жұмыстар атқарылған жоқ. Отандық білім құрылымын дамыту мен жетілдіру үшін талай игілікті істерді жоспарлап, жүзеге асырмақ. Бүгінгі АрқМПИ – бұл аса зор ақпараттық байланыс, білім мен мәдениеттің орталығы. Ол тек қана Арқалықтың ғана емес, барлық өңірдің өркениетті орталығы. Институт алдында – аймақтың ғылыми, жаңашыл және әлеуметтік-мәдени орталығына айналу сияқты үлкен міндет тұр.