К?ктем аруы

Тақырыбы: "Көктем аруы" қыздар арасында байқау.
Мақсаты: Қыз балалардың жан дүниесіндегі көркемдік талғамын
қалыптастыру, қазақ халқының қыз тәрбиелеу салт - дәстүріне байланысты
әдептілікке, инабаттылыққа, ізеттілікке тірбиелеу.
Көрнекілігі: «Қыз - елдің көркі» (ұлттық киімді қыздардың суреттері),
«Өнер таусылмас азық» (қолөнер түрлерінің фотосуреттері), мақал -
мәтелдер, қанатты сөздер.
Жүргізуші: Құрметті аналар, біздің мектептің ұстаздары және байқауға қатысушы
арулар! 8 наурыз Халықаралық әйелдер күні мерекесі құтты болсын!
Жүргізуші: Аяулы аналарға ұзақ ғұмыр, бақытты өмір, отбасыларына амандық пен
қуаныш тілеймін!
Жүргізуші:8 наурыз аналар мерекесіне арнап 3-4 сынып қыздарының арасында
«Көктем аруы» атты сайыс өткізгелі отырмыз. Олай болса бүгінгі «Көктем аруы» қыздар байқауын ашық деп жариялаймыз!
Мен қазақ қыздарына қайран қалам,
Жанары жаны жаздай жайраңдаған.
«Қыз өссе елдің көркі» деген сөзді,
Қапысыз қалай айтқан қайран бабам.
(Қыздарды таныстырып, ортаға шақыру)
Жүргізуші:
Мың бұралған арулар билей басып,
Келеді міне ортаға толқып тасып.
Аруларын сыйлаған халқым менің,
Көңілді қошеметпен қарсы алайық.!
Алфина қыз өнерлі
Бойға өнер жиған қыз.
Ақмарал қыз білімді
Меңгерген бар ілімді

Гүласыл қыз елгезек
Алады тез тіліңді.
4) Ақша бетті Айдана
Ұқсайды хор қызына
5) келеді Назгүл үлбіреп
Қос жанары мөлдіреп

6)Ақнұр қыз шығады
Бұрымдары желбіреп.
7) Адамдықты жаны сүйген қашаннан,
Назымда қатарынан қалмаған.
8) Атыңнан айналайын Фариза деген,
Сенің ісіне жақсы баға берем.
Жүргізуші:
Шалқытып мерекеде ән салайық,
Өнерпаз өрендерге тамсанайық.
Әділдік пен шындықты арқа тұтқан
Әділқазы алқасымен танысайық.
Бастауыш сынып мұғалімі- Өмірзақова Гүлсім апай
Бастауыш сынып мұғалімі – Нұрекешова Тойыш апай
Музыка пәні мұғалімі – Қазиев Мүрсәліп ағай
Ендігі сәтте бүгінгі байқауымыздың шарттарымен таныстырып өтейін:
1 - шарт. «Сәлем – сөздің атасы» – деп аталады, әр ару өзін - өзі таныстырады. (5 мин)
2 - шарт. «Өнерлі өрге жүзер», әр ару өз өнерлерін көрсетеді.
(Барлық өнер түрлері жатады, оның ішінде ән, би, мәнерлеп оқу немесе қолөнерлер).
3 - шарт. «Кім жылдам?» (5 мин)
(Әр ару өздерінің шеберліктерін, икемділіктерін көрсетеді).
а) «Ою ойғанның ойы ұшқыр» (қағаздан ою ою) 2 минут
б) Түйме қадау 2минут Әр қызға 5 түйме беріледі.
в) 1 мин ішінде инежіпке бисер өткізу (кім көп тізіп шығады).
4-шарт. Сән үлгісін көрсету. Музыка ойнап тұрады қыздар қолдан көктемге арналған
киім тігіп, сән үлгісін көрсетеді.
5 - шарт. «Білімді мыңды жығар» Сұрақ-жауап бөлімі
Сонымен қадірменді көрермен қауым, ақылына көркі сай қыздарымыздың өнері мен өнегесін, білімі мен парасатын тамашалауға баршаңызда қош келдіңіздер деймін!
Жүргізуші:
Ақ арулар келіп жетті танысуға,
Бойындағы бар дарынды дарытуға,
Қорықпастан сахнаға келіп жетті.
Әдеппен, ізетпенен танысуға, - дей келе қыздарымыз өздерін таныстыруды бастасын. Ендеше І тур таныстыру.
3 «А» сыныбының аруы – Умирзақ Гүласыл
3 «А» сыныбының аруы -
3 «Ә» сыныбының аруы – Сағынбаева Алфина
3 «Ә» сыныбының аруы -
4 «А» сыныбының аруы – Утепбергенова Назгүл
4 «А» сыныбының аруы – Түрікпенбаева Ақнұр
4 «Б» сыныбының аруы – Мұхтарқызы Фариза
4 «Б» сыныбының аруы – Бисенғали Назым
Әділ-қазы алқасынан бағаларын сұраймыз.
2 тур: «Өнерлі өрге жүзер» Өз өнерін көрсету
Ал кімнің өнері бар қаншалықты
Би билеп,ал біреуі ән салыпты.
Бүгінгі қыз сынында бәйге алуға,
Арулар аянбай ақ жан салыпты.

Әділ-қазы алқасынан бағаларын сұраймыз.
3 тур: «Кім жылдам?» 5 минут
(Әр топ мүшелері өздерінің шеберліктерін, икемділіктерін көрсетеді).
а) «Ою ойғанның ойы ұшқыр» (қағаздан ою ою) 2 мин
б) Түйме қадау 2 мин
в) Инежіпке бисер өткізу (кім көп тізіп шығады). 1 мин
Әділ-қазы алқасынан бағаларын сұраймыз.
4 тур: Сәндік өнер
Сымбатына сән киім жарасатын,
Аспандағы айменен таласатын.
Өнеріне сәні сай келіп тұрған,
Аруларға қызығып қарасатын деп,- келесі сайысымыз сән үлгісін көрсету.
Әділ-қазы алқасынан бағаларын сұраймыз.
5 тур: «Сұрақ - жауап»
Ақылдылық қыздарға жарасады,
Көзі ашықпен бәрі де санасады.
Келесі сұрақ – жауап сайысында
Сыналар білімі мен парасаты – дей отырып, келесі кезекте сұрақтарға жауап берейік.
Қазақтың Ұлттық ойын түрлерін ата? (Ақсүйек, арқан тарту, сақина салу, көкпар, қыз қуу, бәйге т.б.).
Айдар дегенді қалай түсінесің? . Ұлбалаға арналған сән үлгісі. Ұл баланың төбесіне шаш қалдырып, бір бұрым қылып өріп қояды.
Базарлық дегеніміз не? Алыс сапардан келген жолаушының туыстарына әкелген сыйы
Сүйінші деген не? Қуанышты хабар жеткізген адамға берілетін сый
Бесік жырынан үзінді айтып бер.
Қазақтың ұлттық әшекей бұйымдарын ата?


Әділ-қазы алқасынан бағаларын сұраймыз.
Жүргізуші: Қыздар, бүгін сендер өз білімдеріңді ортаға салып тамаша өнер көрсеттіңдер. Сайысқа қатысқан қыздарымызға және көрермендерімізге үлкен алғысымызды айтамыз. Осындай іс - шараларға белсене араласып, ат салысып қатысқандарыңызға көп - көп рахмет, келесі кездескенше ел аман, жұрт тыныш болсын! Мереке құтты болсын!

«Боранқұл орта мектебі» мемлекеттік мекемесі

(3-4 сыныптар арасындағы сайыс)
Өткізген: Жалмуханова Гүлзия
2014 жыл